Նշանակետին

Իմ ընկերները խաղամոլներ են։ Ես գիտեմ, որ դա սխալ է։ Ես ինչպե՞ս կարող եմ բացատրել դա նրանց։

բջջային հեռախոս սպորտային մոլախաղերի հավելվածով

Մոլախաղ նշանակում է ռիսկի ենթարկել գումարներ շահումով խաղերում կամ խաղադրույք կատարել իրադարձությունների արդյունքի վրա։ «Եկեղեցին դեմ է մոլախաղերին և խորհուրդ է տալիս հեռու մնալ ցանկացած տեսակի մոլախաղերից։ Սա ներառում է սպորտային խաղադրույքները և կառավարության կողմից հովանավորվող վիճակախաղերը» (Ընդհանուր Ձեռնարկ․ Ծառայել Հիսուս Քրիստոսի Վերջին Օրերի Սրբերի Եկեղեցում, 38.8.17, ChurchofJesusChrist.org)։

Մենք խուսափում ենք մոլախաղերից մի շարք պատճառներով։ Դա ոչ միայն ժամանակի և փողի վատնում է, այլև կարող է փչացնել մարդկանց կյանքը։ Դա կարող է դառնալ մոլուցք, նույնիսկ կախվածություն։

Բացի այդ, մոլախաղը սովորեցնում է, որ դուք կարող եք ինչ-որ բան ստանալ ոչնչի դիմաց։ Դա վտանգավոր և կեղծ պատկերացում է։ Մոլախաղում հաղթելը քիչ հավանական է և անհուսալի։ Հաջողությունը, որի համար աշխատել եք, շատ ավելի գոհացուցիչ է, հուսալի և երկարատև։

Եթե ընկերներ ունեք, ովքեր տրվել են մոլախաղին, կարող եք փորձել օգնել նրանց։ Դուք կարող եք նրանց ասել, և, որ ավելի կարևոր է, ցույց տալ, որ ձեր ժամանակը և գումարը ծախսելու ավելի լավ եղանակներ կան։ Դուք կարող եք ցույց տալ նրանց, որ կյանքը ավելի լավ է, երբ դուք չեք վտանգում ձեր փողն ու բարեկեցությունը մի սովորության պատճառով, որն անկայունություն և դժբախտություն է բերում շատ մարդկանց։

Ավելին իմանալու համար տես Նախագահ Գորդոն Բ. Հինքլի (1910–2008), «Մոլախաղ», ապրիլ 2005 գերագույն համաժողով։