Haʻu Kiate Ia

ʻOku fakaafeʻi kitautolu ʻe he Fakamoʻuí ke tau hilifaki ʻetau ngaahi kavengá kiate Ia.

ʻĪmisi

Sīsū Kalaisi

Tā fakatātāʻi ʻe Annie Henrie Nader

Haʻu kiate au

Te tau lava ʻo haʻu ki he Fakamoʻuí ʻaki ʻetau ako ʻEne ongoongoleleí, tui kiate Ia, fakatomala, fakahoko mo tauhi e ngaahi fuakavá, pea muimui ki Heʻene sīpingá.

feinga … mafasia

ʻE lava ke fakaongosiaʻi kitautolu ʻe he ngaahi ngāue mo e kavenga fakatuʻasinó, ka ʻe lava pē foki ke pehē mo e ngaahi meʻa fakaʻatamai, fakaeloto, mo e fakalaumālié. ʻOku foaki mai ʻe he Fakamoʻuí ʻEne melinó kiate kitautolu, neongo pe ko e hā e faʻahinga kavenga ʻoku tau fuesiá.

haʻamonga

Ko e haʻamongá ko ha meʻangāue ia ki hono fakatahaʻi ʻo ha ongo monumanu ke na toho fakataha ha kavenga, hangē ko ha palau pe saliote. ʻOku faʻa ʻi ai ha fuʻu konga ʻakau ʻi he haʻamongá ʻoku hilifaki ʻi he uma ʻo e monumanu takitaha, ʻo fakapalanisi ai e mamafá.

ako

Te tau lava ʻo ako kia Sīsū Kalaisi ʻaki hono ako ʻEne ngaahi akonakí mo ʻEne sīpingá—pea ʻi heʻetau feinga ke muimui kiate kinautolú.

fiemālie

Ko e mālōlōʻanga ʻo e Fakamoʻuí ʻa ʻEne melinó, ʻa ia ʻokú ne fakanonga hotau ʻatamaí mo e laumālié. ʻOkú ne tokoni ke tau ikunaʻi ʻa e ngaahi hohaʻa fakamāmaní mo ʻomi ha mālohi fakalaumālie ʻi heʻetau ongoʻi vaivai.

faingofua … maʻamaʻa

ʻOku ʻuhinga ʻetau toʻo ʻa e haʻamonga ʻa e Fakamoʻuí kiate kitautolú, ke tau haʻisia kiate Ia ʻo fakafou ʻi he ngaahi fuakavá. ʻOku ʻuhinga ia ke foaki hotau lotó kiate Ia mo ʻEne ngāué. ʻI heʻetau fai ʻení, ʻoku tau ongoʻi ʻoku maʻamaʻa ange ai ʻetau kavengá he ʻokú Ne tokoniʻi kitautolu.