Pyetje dhe Përgjigje

“Si mund t’i ndihmoj shokët dhe shoqet e mia që nuk janë aktivë në Kishë, për t’ua forcuar dëshminë?”

“Nuk është e lehtë për të kthyerit e rinj në besim, miqtë që rikthehen dhe ata që kanë një stil jetese të ndryshëm, që të përshtaten menjëherë. Zoti është në dijeni për sfidat me të cilat ata përballen dhe Ai po kërkon … vullnetarë … të gatshëm që të jenë engjëj në jetën e të tjerëve.”

Plaku Karlos A. Godoi, i Të Shtatëdhjetëve, konferenca e përgjithshme e tetorit 2020 (Ensign ose Liahona, nëntor 2020, f. 87).

Ji një Bekim për të Tjerët

e re

“Kur përpiqem të ndihmoj një shok që ta forcojë dëshminë e tij vetjake, unë përpiqem të jem një bekim dhe mbështetje në jetën e tij. Përpiqem të jem një shembull dhe t’i tregoj atij se ungjilli i Krishtit mund t’i forcojë miqësitë dhe marrëdhëniet e tij familjare nëse ai përpiqet të jetë i bindur dhe i drejtë. Dua ta ndihmoj që ai të ndiejë se e duan.”

Selina O., 19 vjeçe, Bolivi

Fto Gjithmonë

“Ti mund t’u mësosh shokëve e shoqeve të tua për dashurinë dhe mëshirën e Jezu Krishtit dhe se si Ai mund t’i ndihmojë ata. Ftoji ata që të shkojnë në Kishë dhe t’i frekuentojnë klasat e të rinjve ose të rejave me ty. Kjo mund t’i ndihmojë të zhvillojnë një dëshmi të fortë për Jezu Krishtin.”

Shara R., 12 vjeçe, Kolumbi

Së Pari Ji Shoku ose Shoqja e Tyre

e re

“Unë gjithmonë përpiqem t’i përfshij të gjithë dhe të sigurohem që shokët e shoqet e mia ta dinë se i kam në mendje. E di se mund të jem një dritë për ta teksa e ruaj miqësinë dhe dashurinë me ta. Unë mund t’i ftoj shokët e shoqet e mia në aktivitetet e Kishës, por gjithmonë së pari jam shoqja e tyre e vërtetë. Shokët e shoqet e tua do ta forcojnë dëshminë e tyre teksa e shohin shembullin tënd të dashur dhe miqësinë përkrahëse.”

Mia D., 19 vjeçe, Florida, SHBA

Krishti do të të Ndihmojë

“Mund të jetë e vështirë të kesh shokë e shoqe më pak aktive, por më pëlqen t’i ftoj shokët e shoqet e mia në një aktivitet argëtimi për rininë ose në Kishë kur jap një bisedë. Nëse tregojnë interes, u jap një Libër Mormoni me dëshminë time dhe vargje të shenjuara që më kanë rënë në sy. Mos harro, Krishti do të të ndihmojë në cilëndo situatë.”

Elizabeta B., 15 vjeçe, Florida, SHBA

Thjesht Ji Dashamirës/e

i ri

“I bëra mësuesit tim të seminarit këtë pyetje. Ai tha: ‘Thjesht ji dashamirës Xhordan. Ti po bën tashmë gjënë e duhur.’ Në fillim mendova: ‘Të jesh thjesht dashamirës nuk mjafton’. Por pastaj mendova për shoqen time që kishte nevojë për miqësinë dhe shembullin tim. Shpirti më ndihmoi të isha dashamirës dhe të dija se çfarë të thosha. Tani, ajo dëshiron të pagëzohet një ditë!”

Xhordan S., 17 vjeç, Jutë, SHBA

Përgjigjet synojnë të japin ndihmë dhe këndvështrim, nuk jepen si deklarime zyrtare të doktrinës së Kishës.

Çfarë Mendon Ti?

“Prindërit e mi debatojnë shumë. Çfarë mund të bëj për t’u përpjekur dhe për ta mbajtur Shpirtin në shtëpinë tonë?”

Dërgoje përgjigjen dhe fotografinë tënde deri më 15 prill 2023.

Na dërgo mesazh elektronik në adresën [e-mail]. Ose shko te ftsoy.ChurchofJesusChrist.org dhe kliko te “Submit Your Work” [“Dorëzoni Punimin Tuaj”]. Nënshkruaje hyrjen në Llogarinë tënde të Kishës dhe më pas përzgjidh “For the Strength of Youth” [“Për Forcën e Rinisë”] nën “Choose Magazine” [“Zgjidhni Revistën”]. Kliko tek “Add File” [“Shto një Material”] që të përzgjedhësh materialin dhe fotografitë e tua dhe më pas kliko te “Submit” [“Dorëzo”] për ta ngarkuar dhe për të na e dërguar materialin tënd.

Përgjigjet mund të redaktohen lidhur me gjatësinë apo qartësinë.