Ko e Talanoa Maʻongoʻonga Taha ʻo e Toetuʻú Kuo Talanoaʻí
Ngaahi Konga Fakamatala
ʻOku tau akoʻi fēfē ʻa e akonaki mo hono fakamanatua ʻo e Toetuʻu ʻa Sīsū Kalaisí, ko e talanoa ʻo e Toetuʻú ke potupotutatau, kakato mo e tukufakaholo fakalotu fakaʻofoʻofa ʻo hono ʻaloʻi ʻo Sīsū Kalaisí, ko e talanoa ʻo e Kilisimasí? …
… ʻOku tānaki atu ki he ngaahi veesi mahuʻinga kau ki he Toetuʻú ʻi he Fuakava Foʻoú, ʻoku tāpuakiʻi kitautolu ko e Kāingalotú ʻaki ʻa e meʻaʻofa fakaʻofoʻofa taha ʻo e Toetuʻú! … ʻOku ou ʻuhingá ki he Tohi ʻa Molomoná, ʻo tautautefito ki he talanoa ʻo e hā ʻa Sīsū Kalaisi ki he kakai ʻo e Maama Foʻoú, ʻi Hono sino toetuʻu nāunauʻiá. …
… ʻOku mau ʻamanaki ke ʻai ʻa e ngaahi vahe ko ʻeni ʻi he 3 Nīfaí ke hoko ia ko ha konga lahi ʻo ʻemau tukufakaholo ki he Toetuʻú ʻo hangē pē ko ʻemau tukufakaholo ʻi he Kilisimasí ʻi he Luke 2. Ko hono moʻoní, ʻoku ʻomi ʻe he Tohi ʻa Molomoná ʻa e talanoa maʻongoʻonga taha ʻo e Toetuʻú kuo talanoaʻí. ʻOua muʻa naʻa fakaliʻeliʻaki ʻa e talanoa maʻongoʻonga taha ʻo e Toetuʻú.
ʻOku ou fakaafeʻi koe ke ke sio ki he Tohi ʻa Molomoná ʻi ha maama foʻou mo fakakaukau ki he fakamoʻoni mahuʻinga ʻokú ne ʻomi ki hono moʻoni ʻo e Kalaisi kuo toetuʻú kae ʻumaʻā ʻa e mahu mo e loloto ʻo e tokāteline ʻo Kalaisí. …
Ko ha pōpoaki nāunauʻia mo ikuna ia ʻo e Toetuʻú, ʻa ʻEne ʻaʻahi ko ha Fakamoʻui kuo toetuʻu, ʻo fakafeʻiloaki ʻe he ʻOtua ko e Tamaí. Te ne tokoniʻi ʻa e kau mēmipa hotau fāmilí ke nau maʻu ha fakamoʻoni fakataautaha kia Sīsū Kalaisi ko hotau Fakamoʻui mo e Huhuʻi, ʻa ia naʻá ne maumauʻi ʻa e haʻi ʻo e maté.