Fakataha ʻo e Pongipongi Sāpaté
Naʻe Pīkitai Hoku ʻAtamaí ʻi he Fakakaukau Ko ʻEni kia Sīsū Kalaisí
Ngaahi Konga Fakamatala
ʻOku fakamatala ha talanoa fakaofo ʻi he Tohi ʻa Molomoná ki ha talavou ko ʻAlamā mei ha fāmili ʻiloa, ʻa ia ʻoku fakamatalaʻi ʻe he folofolá ko ha tangata taʻetui tauhi tamapua. …
ʻI heʻene mamahi lahí, naʻá ne manatu ki hano akoʻi ia ʻi heʻene kei talavoú fekauʻaki mo e “hāʻele mai ha tokotaha ʻa ia ko Sīsū Kalaisi, ko ha ʻAlo ʻo e ʻOtuá, ke Ne fai ha fakalelei ki he ngaahi angahala ʻa e māmaní.” [ʻAlamā 36:17]. … ʻI heʻene tautapa ki he mālohi fakalangi ʻo e Fakamoʻuí, naʻe hoko ha meʻa fakaofo. … Fakafokifā kuó ne ongoʻi ha nonga mo ha maama. …
Naʻe “nofo ʻi he ʻatamai” ʻo ʻAlamaá ʻa e moʻoni ʻo Sīsū Kalaisí. …
… ʻI Heʻene ngāue ʻi he tui ko iá, pea ʻi he mālohi mo e ʻaloʻofa ʻa e ʻOtuá, naʻá Ne fakahaofi ia mei he siva ʻa e ʻamanakí pea fonu ʻi he ʻamanaki lelei.
… Kuo “nofo [foki] ʻi [hotau] ʻatamaí ʻa e fakakaukau” kia Sīsū Kalaisi mo ʻEne feilaulau ʻaloʻofá, pea kuo ongoʻi ʻe hotau laumālié ʻa e maama mo e fiefia ʻoku muiaki maí. …
… Heʻikai ke hanga heʻetau ʻofa ki Aí ʻo taʻofi kitautolu mei he tēngihia mo e mamahi ʻi he moʻui fakamatelié ni, ka te ne fakaʻatā kitautolu ke tau ʻaʻeva ʻi he ngaahi faingataʻá ʻaki ha mālohi ʻoku ope atu ʻi he meʻa te tau malavá. …
ʻI he tukutaha ʻetau tokangá kia Sīsū Kalaisí, ʻoku tau vakai ai ki he meʻa kotoa pē ʻi hotau ʻātakaí—lolotonga ʻetau kei moʻuí—ʻo fakafou ʻi heʻetau ʻofa kiate Iá. … ʻI he hoko atu hoʻo piki maʻu ʻi ho ʻatamaí ʻa e foʻi fakakaukau ko ʻeni ʻo Sīsū Kalaisí, falala kiate Ia, mo tauhi ʻEne ngaahi fekaú, ʻoku ou palōmesi atu he ʻikai ngata pē ʻi ha fakahinohino fakalangi ka ko ha mālohi fakalangi foki—ʻa e mālohi ʻokú ne ʻomi ha ivi ki hoʻo ngaahi fuakavá, nonga ki ho ngaahi faingataʻaʻiá pea mo ha fiefia ʻi ho ngaahi tāpuakí.