Ko Sīsū Kalaisi ʻa e Fakafiemālié
Ngaahi Konga Fakamatala
Tau fakakaukau pē ʻoku tau takitaha haʻamo ha kato. …
Ko e kato ko ʻeni ʻoku tau fakakaukau ki aí ko e feituʻu ia ʻoku tau faʻo ai ʻa e ngaahi kavenga fakamafasia ʻo e moʻui ʻi ha māmani hinga. ʻOku hangē ʻetau ngaahi mafasiá ko ha ngaahi foʻi maka ʻi he loto kató. …
ʻOku ou fakahā atu ʻi he fiefia ʻoku ʻikai fiemaʻu ia ke tau ongoʻi mafasia ʻi heʻetau ngaahi kavenga fakamatelié, ʻa e ngaahi maka ko ʻeni ʻi heʻetau kató.
ʻE lava ke fakamaʻamaʻa ʻe Sīsū Kalaisi ʻetau kavengá.
ʻE lava ke toʻo ʻe Sīsū Kalaisi ʻetau ngaahi mafasiá.
ʻOku ʻomi ʻe Sīsū Kalaisi ha founga ke tau tauʻatāina ai mei he mafatukituki ʻo e angahalá.
Ko Sīsū Kalaisi hotau fakafiemālié. …
Ko e hā leva ʻoku tau vilitaki ai ke fuesia toko taha hotau ngaahi faingataʻaʻiá? …
ʻE kāinga, he ʻikai ke u lava ʻo fakahoko toko taha ia, pea ʻoku ʻikai fiemaʻu ia ke u fakahoko toko taha, pea he ʻikai ke u fai ia. …
ʻOku tāpuekina ʻa e kau tauhi fuakavá ʻaki ʻa e fakafiemālie ʻa e Fakamoʻuí. …
Ko e fakatomala ʻo fakafou ʻi he Fakalelei ʻa Sīsū Kalaisí ʻokú ne fakafiemālieʻi kitautolu mei he mafatukituki ʻo e ngaahi maka ʻo e angahalá. …
ʻOku ʻai foki ʻe he Fakalelei ʻa Sīsū Kalaisí ke tau lava ʻo maʻu ʻa e mālohi ke fakamolemolé, ʻa ia ʻokú ne fakaʻatā kitautolu ke vete atu ʻa e mafasia ʻoku tau fuesia koeʻuhí ko e ngaohikovia mei he niʻihi kehé.
ʻOku fakafiemālieʻi fēfē nai kitautolu ʻe he Fakamoʻuí mei he ngaahi kavenga fakamafasia ʻo e moʻuí ʻi ha māmani hinga mo ha sino fakamatelie ʻoku moʻulaloa ki he mamahí mo e faingataʻá?
ʻOkú Ne faʻa fakahoko ʻa e faʻahinga fakafiemālie ko iá ʻo fakafou ʻiate kitautolu! …
Ko hotau tāpuaki fakafuakavá ke ngāue fakataha mo Sīsū Kalaisi ʻi hono fai ha fakafiemālie, fakatuʻasino mo fakalaumālie fakatouʻosi, ki he fānau kotoa ʻa e ʻOtuá. …
Kāinga, ko Sīsū Kalaisi ʻa e fakafiemālié. … ʻOku taʻengata ʻa e fiemālie ʻokú Ne foaki maʻatautolú.