Hosana ki he ʻOtua Fungani Māʻolungá
Ngaahi Konga Fakamatala
ʻI he meimei taʻu ʻe 2,000 kuohilí, naʻe fakaʻilongaʻi ʻe he Sāpate Pāmé ʻa e kamataʻanga ʻo e uike fakaʻosi ʻo e ngāue ʻa Sīsū Kalaisi ʻi he matelié. …
… Naʻe fakatātaaʻi ʻe he hāʻele lāngilangiʻia ʻa Sīsū Kalaisi ki Selusalemá mo e ngaahi meʻa naʻe hoko ʻi he uike ko iá ha tokāteline te tau lava ʻo fakaʻaongaʻi ʻi heʻetau moʻuí ʻi he ʻaho ní. …
ʻUluakí, ko e kikité. …
Uá, ko e takaua ʻa e Laumālie Māʻoniʻoní. …
Tolú, ko e tuʻunga fakaākongá. …
Faá, ko e Fakalelei ʻa Sīsū Kalaisí. …
ʻI he uike fakamamahi fakaʻosi ko ia ʻo e ngāue ʻa Sīsū Kalaisi ʻi he matelié, naʻá Ne fakahoko ʻa e talanoa fakatātā ʻo e kau taaupoʻou ʻe toko hongofulú. … Naʻá Ne fakaʻaongaʻi ʻa e fakatātā ʻo e maama ne tutu mo uló, mo e lolo lahi ange ke ulo ʻa e māmá, ko ha fakamatala ki ha loto-fiemālie ke moʻui ʻaki ʻEne foungá, tali ʻEne ngaahi moʻoní, mo vahevahe ʻEne māmá. …
ʻOku tau hangē nai ko e kau taaupoʻou ʻe toko hongofulú ʻo maʻu ha maama; ka ʻoku ʻi ai nai ha lolo? ʻOku ou manavasiʻi ʻoku ʻi ai ha niʻihi ʻoku nau moʻui pē mo ha kiʻi lolo siʻisiʻi, ʻo fuʻu femoʻuekina ʻi he ngaahi hohaʻa ʻo e māmaní ke fai ha teuteu lelei. ʻOku maʻu ʻa e loló mei he tui mo ngāueʻi ʻa e ngaahi kikité pea mo e lea ʻa e kau palōfita moʻuí, tautautefito kia Palesiteni Nalesoni, mo hono ongo tokoní, pea mo e Kau ʻAposetolo ʻe Toko Hongofulu Mā Uá. ʻOku fakafonu ʻe he loló hotau laumālié ʻi heʻetau fanongo mo ongoʻi ʻa e Laumālie Māʻoniʻoní pea ngāue fakatatau ki he fakahinohino fakalangi ko iá. ʻOku taumalingi mai ʻa e loló ki hotau lotó ʻi he taimi ʻoku fakahaaʻi ai ʻe heʻetau ngaahi filí ʻoku tau ʻofa ki he ʻEikí pea mo e meʻa ʻokú Ne ʻofa aí. ʻOku maʻu ʻa e loló mei he fakatomala mo fekumi ki he faifakamoʻui ʻa e Fakalelei ʻa Sīsū Kalaisí.