“Fesootai,” Mo Le Malosi o le Autalavou, Oke. 2023.
Fesootai
David G.
12, Heredia, Costa Rica
Ata na pueina e Christina Smith
Pe a ou tatalo, ou te lagona o le a faatasi pea le Atua ma au. Talu ona ou papatiso ma amata ona tatalo, sa ou lagonaina e pei o loo Ia fesoasoani mai ia te au ma toso au i luma ina ia mafai ona ou toe foi atu ia te Ia i se taimi mulimuli ane.
Ina ua mama’i tagata uma o lo’u aiga, sa ou tatalo mai le taele o lo’u loto o le a lelei mea uma ia i matou i le Alii e aunoa ma se mea e sili atu ona leaga e tupu. Sa ou lagonaina sa Ia tali mai ia te a’u ma o le a Ia fesoasoani mai ia i matou. Sa ou lagonaina se olioli tele, ma sa ou talitonu atili ai ia te Ia ma Lona Alo, o Iesu Keriso.
Ina ia faalogo soo ia te Ia, ou te lagona e tatau ona tatou tatalo, ae e le mo na o le tatalo. Ae, e tatau ona tatou tatalo mai le loto. Na te faafofogaina i tatou. O le a Ia le tuulafoaiina lava i tatou, ma o le a i ai pea o Ia iina faatasi ma i tatou.