O Taupou e 10

E toa 10 fafine sa faatalitali e auai ma le faatoafaiava mo le faaipoipoga.

E toa 5 sa saunia i le lava o le suauu e faamalamalama ai a latou lamepa i le po atoa. E toa 5 e leai.

Sa tuai mai le faatoafaiava, ma sa momoe taupou a o latou faatalitali mo le tele o itula i le pogisa.

Ina ua fofogaina mai lona afio mai, sa latou feala i luga e sue a latou lamepa o le a mamate.

Sa faaopoopo e fafine popoto e toa 5 nisi suauu e toe faaola ai a latou lamepa. Ae sa le mafai ona latou faasaoina se mea mo tamaitai valea e toa 5 o e na uma suauu.

A o sue e le toa 5 valea se suauu, sa sau le faatoafaiava.

O le 5 valea na tuai mai i le faaipoipoga ma talosagaina ia faatagaina i totonu.

Ae na fai mai le faatoafaiava, “Tou te le iloa a’u,” ma sa tuua i latou i fafo (Faaliliuga a Iosefa Samita, Mataio 25:12, vaefaamatalaga a).

O le a lona uiga?

Na fetalai mai le Faaola o lenei tala e faatatau i Lona Afio Mai Faalua (tagai MF&F45:56–59). Afai tatou te le saunia, o le a le iloaina i tatou o ni Ona tagata. A toe afio mai o Ia, e le mafai ona tatou faalagolago i molimau a isi tagata. Tatou te manaomia o tatou lava molimau. E manaomia ona taialaina i tatou e le Agaga Paia. A leai o le a tatou le saunia e feiloai ma le Faaola pe a toe afio mai o Ia.

10 Tamaitai: Tagata o le Ekalesia a Keriso

Faatoafaiava: o Iesu Keriso

Afio Mai o le Faatoafaiava: Afio Mai Faalua o Iesu Keriso