Ou Te Mafaia Mea Uma ia Keriso

Ua faasoa mai e le autalavou le ala na faamalosia ai e Keriso i latou e faia mea faigata (tagai Filipi 4:13).

E Mafai e le Faaola ona Fesoasoani ia te A’u i le Aoga

I ni nai masina talu ai, sa ou tauivi ai i le aoga. Sa ou lagona le faanoanoa ona sa lei tauivi a’u uo e pei o a’u. Sa ou le fiafia ma atuatuvale ia te a’u lava, ma sa ou manatu e leai se tasi na malamalama ia te a’u.

Ona ou matamata lea i le konafesi aoao. Sa ou iloaina e malamalama atoatoa le Alii ia te a’u. Ina ia maua le fesoasoani ma le mafanafana, e tatau ona ou latalata atili atu ia te Ia. O o’u faafitauli e i ai se vaifofo pe a ou taulai atu ia Iesu Keriso.

O nisi taimi ou te le malamalama pe aisea ou te oo ai i mea faigata, ae e silafia e le Faaola. Na te silafia mea e mafai ona ou faia. Ou te iloa e alofa le Tama Faalelagi ma Iesu Keriso ia te a’u ma e mafai ona fesoasoani ia te a’u e faaleleia atili pe a ou faia se taumafaiga.

Ana Sofia P., Puebla, Mekisiko