2023
Aoga a le Ekalesia: E I Ai Se Nofoaga mo Tagata Uma
Oketopa 2023

“Aoga a le Ekalesia: E I Ai Se Nofoaga mo Tagata Uma,” Mo le Malosi o le Autalavou, Oke. 2023.

Aoga a le Ekalesia: E I Ai se Nofoaga mo Tagata Uma

Saunia e Elder Clark G. Gilbert

O le Fitugafulu, Komesina o Aoga a le Ekalesia

Clark G. Gilbert

E Taua le Aoga O le Alii—ma Lana Ekalesia—o le a fesoasoani ia te oe e aoao mea uma e te mafaia.

talavou i se lio

Atapue na saunia e ??

“O a ni a’u fuafuaga pe a uma le aoga maualuga?”

“O le a le mea ou te manao e fai?”

“O ai ou te fia avea ai?”

“E sa’o le kolisi mo a’u?”

O fesili taua fesili nei! Ma o tali o le a faia ai se eseesega tele o le olaga atoa i lou olaga. O le mafuaaga lena e finagalo ai le Alii—ma Lana Ekalesia—e fesoasoani ia te oe e aoao mea uma e te mafaia.

Aisea e Taua Tele ai le Aoga?

E finagalo le Tama Faalelagi ia e maua le aoaoina i taimi uma. E i ai mafuaaga faaletino ma faaleagaga e saili ai le aoaoina ma aoaoga. Ua aoao mai tusitusiga paia “o le mamalu o le Atua o le atamai lea, po o, i nisi upu, o le malamalama ma le upumoni” (Mataupu Faavae ma Feagaiga 93:36). O le aoaoina ma aoaoga o “se vaega o lau sini e faavavau ia avea atili ai e faapei o le Tama Faalelagi.”1

Na aoao mai lo tatou perofeta pele, Peresitene Russell M. Nelson, “I le Ekalesia, o le mauaina o se aoaoga ma le mauaina o le malamalama o se tiutetauave faalelotu. Tatou te aoaoina o tatou mafaufau ina ia i ai se aso e mafai ai ona tatou tuuina atu se auaunaga taua i se isi tagata.”2

O le a Fesoasoani le Alii ia te Oe

E oo mai faamanuiaga maoae pe a e faaaofiaina le Alii i lau aoga. O le a Ia fesoasoani ia te oe e faatoilalo faafitauli—atonu o loo e tauivi e taulai atu i le aoga, pe atonu foi e faigata le faitautusi mo oe. A o e liliu atu i le Alii ma fai lau vaega, o le a faalauteleina e le Alii au taumafaiga ma tuuina mai avanoa e le mafai ona e mafaufauina i le taimi nei!

Fesoasoani mai le Ekalesia a le Alii

Po o fea lava e te nofo ai, O Le Ekalesia a Iesu Keriso o le Au Paia o Aso e Gata Ai e i ai avanoa faaleaoaoga e maua e ala i le Ofisa o Aoga a le Ekalesia (OAE). E aofia ai le seminare, lea e maua ai se faavae faaleagaga i lou aoaoina i le taimi o ou tausaga aoga maualuga. Ma e aofia ai le tele o aoga ma polokalama a le Ekalesia.

E te iloa le mafuaaga ua teu faafaigaluega ai e le Ekalesia le tele o punaoa i aoaoga? Ona o le alofa o le Alii mo oe. E finagalo o Ia ia e latalata atili atu ia te Ia ma maua le malosi faalelagona, faaleatamai, ma faaleagaga. E mananao taitai o le Ekalesia i le mea lava lea e tasi! Matou te tatalo mo outou ma mo lo outou manuia. Ua matou faafaigaluega faamoemoeina mea uma mo outou ma i le fesoasoani atu ia te outou ia ausia o outou gafatia paia.

Aoao e Suitulaga le Fefe i le Faatuatua

E mafai faapefea e le Alii ma Lana Ekalesia ona fesoasoani ia te oe i lou ala faaleaoaoga? Sa aoaoina e se tasi o alii talavou mai Pasila e mafai ona latou fesoasoani i ni auala ofoofogia.

Sa lagona e Samad o le kolisi e taufaafefe: “Ou te lei lagonaina pei e mo a’u,” o lana tala lea. “Ae sa uunaia a’u e lo’u tama e faataitai le BYU–Pathway Worldwide. Sa ou fefe ma ou te lei talitonu ia te au lava, ae sa ou filifili e auai.”

I le taimi muamua, sa lagona e Samad le fefe. “Sa ou lagona ou te lei ausia se mea,” o lana tala lea. “Sa ou manaomia le malamalama ma le faamoemoe. O le BYU–Pathway na avea ma lena faamoemoe mo a’u.”

Sa amata ona maua e Samad le talitonuga ia te ia lava ma i le Tama Faalelagi. “O le tele lava o lo’u aoaoina i vaiaso taitasi, o le lelei foi lena o lo’u lagona” o lana tala lea. “Sa faamanatu mai e faifeautalai ma faiaoga o auaunaga ia te a’u a’u taleni ma tomai. O mataupu ma tala ofoofogia o tagata na mauaina faamanuiaga na fesoasoani ia te a’u e tatala ai lo’u loto ma tuu atu i le Alii e suia a’u mo le lelei sili atu.”

O le leai o se faamoemoe ma le fefe o Samad i le lumanai na tafiesea i kuata fou taitasi. “Ou te fia faasoa atu lenei aafiaga i isi o loo feagai ma le fefe ma popolega lava e tasi sa ou lagonaina,” o lana tala lea. “O loo i ai le faamoemoe ia Iesu Keriso. E mafai ona Ia fesoasoani ia te oe i lau aoga. Sa ou faia le laasaga muamua, ma o le a ou le salamo ai lava.”

O loo i ai se nofoaga mo oe i soo se ala faaleaoaoga e te filifilia. E finagalo le Alii ia te oe e faaaoga lau aoga e faia ai se eseesega, ma o le a Ia taialaina oe a o e taumafai e aoao i lou olaga atoa.

tagata talavou o loo sii lima i le aoga

O a Avanoa o loo Maua?

E ui o polokalama faaleaoaoga uma a le Ekalesia ua mamanuina e faalatalata atili atu ai oe ia Iesu Keriso, e tofu ma se taulaiga patino. O filifiliga nei o loo maua e ala i le Ofisa o Aoga a le Ekalesia:

  • O leInisitituti o se punaoa ua mamanuina e tuuina atu ai se faaatoatoaga faaleagaga ma se fesootaiga faaagafesootai i talavou matutua o e auai i aoga e le o ni aoga a le Ekalesia pe leai foi se aoga.

  • Ua tautuaina e leBYU–Pathway Worldwide ia tamaiti aoga i le silia ma le 180 atunuu, ma fesoasoani ia i latou e fausia le lototele faaleaoaoga. E mafai e tamaiti aoga ona maua se aoaoga e maualuga le lelei, taugofie i soo se mea latou te nonofo ai.

  • O leBrigham Young University (BYU) i Provo, Iuta, e faigata i le faaleaoaoga, faatasi ai ma tulaga manaomia o le filifiliga o le faatagana ma polokalama ua taulai atu i ai mo tagata faauu.

  • O leBYU–Hawaii e i ai tamaiti aoga mai le silia ma le 70 atunuu, faatasi ai ma se taulaiga i Asia ma le Pasefika.

  • O leBYU–Idaho e i ai se faamamafa tutotonu i le auauna atu i tagata aoga e lei faauuina faatasi ma faiaoga e taulai i le aoao atu.

  • Ua ofoina mai e leKolisi o le Ensign i le Aai o Sate Leki, Iuta, ni mataupu fou, e faatamaoaigaina i le faatuatua, ma faataitai ai ma ua mamanuina e fesoasoani i tamaiti aoga i le eria tele o Iuta ia maua ni galuega.