“Mafuaaga mo Tulafono,” Mo Le Malosi o le Autalavou, Oke. 2023.
Mafuaaga mo Tulafono
O le iloaina o tulafono e lelei—ma o le malamalama i le mafuaaga mo i latou e mamana ma e aumaia ai le olioli moni.
O le tasi le tausaga talu ai na faasilasila mai ai e Elder Dieter F. Uchtdorf le lomiga o le Mo le Malosi o le Autalavou: O Se Taiala mo le Faia o Filifiliga. O lena tamaitusi laitiiti ua faia se eseesega mo tagata i le salafa o le kelope.
Sa faasoa mai e Elder Gerrit W. Gong le taiala i le sui peresitene o Panama. Na aoao mai Elder David A. Bednar mai le taiala i Bucharest, Romania. Ma sa tuuina atu e Peresitene Russell M. Nelson i le autalavou i Nevada se tofiga e aoao tagata o o latou aiga i upumoni o loo i le taiala. Sa ia saunoa, “O lenei taiala fou taua o loo i ai mataupu faavae taua o le a fesoasoani i tagata taitoatasi e saunia ai mo le malumalu.”1
Mafuaaga Toefuataiina
O loo i ai pea i le tupulaga talavou ma aiga ia tulafono ma poloaiga, ae o le vavega o le taiala o le, ua latou talanoa atili nei e uiga i mafuaaga mo tulafono.
I le Alema 12:32 tatou te faitau ai, “O lea na tuu mai ai e le Atua poloaiga ia te i latou, ina ua uma ona ia faaali mai ia te i latou le fuafuaga o le togiolaina” (faaopoopo le faamamafa). O le Toefuataiga o le talalelei sa le na o se toefuataiga o tulafono, ae o se toefuataiga foi o mafuaaga.
O Poloaiga e Sefulu na sao mai i le Liliuese Tele; o mafuaaga ia mo le tausia o poloaiga na leiloloa. Tatou te maua na mafuaaga i le fuafuaga o le togiolaina. Pe a tatou malamalama moni i mafuaaga, ua tatou iloa ai o tulaga faatonuina ma poloaiga e usitaia mo mafuaaga sa’o e avea ma ala e taitai atu ai i tatou i le olioli moni.
Sa fai mai se tasi o alii talavou o le a ou valaauina ia Iosefa, “I la’u aoga sa masani ona iloa a’u i mea e mafai ma mea e le mafai ona ou faia. Fai mai tagata, ‘E le mafai e Iosefa ona inu kofe po o le ava malosi. E le tilotilo Iosefa i ponokalafi pe palauvale.’ O lea la ua ou manao ia latou iloa mafuaaga.”
Sa ia fai mai a masani ona fesili atu tagata ia te ia pe aisea e ola ai i lenei ala, e fai atu o ia, “Ona o la’u ekalesia.” O se tali lelei lena, ae o loo i ai ni tali e sili atu ona lelei. O lenei ua ia faasino atu i mataupu faavae o loo i le taiala o le Mo le Malosi o le Autalavou :
-
Ata na tusia e Emily Davis
Aisea e te alu ai i le lotu i le Aso Sa?
-
Ona ou te alofa i le Atua ma isi.
-
Aisea e te le inuina ai le kofe po o le ava malosi?
-
Ona e paia lo’u tino.
-
Aisea e te le tilotilo ai i ponokalafi?
-
Ona ou te fia savali i le malamalama.
-
Pe le faigata ea le taumafai ia lelei tele i taimi uma?
-
O nisi taimi, ae e fesoasoani mai Keriso ia te au.
Sa lipotia mai e se tasi o suesuega e faapea o nisi o tagata talavou o loo filifili e tuua tapuaiga ona latou te le o vaai i mafuaaga mo tulafono ma tuaoi e fesootai ma tapuaiga.2 O Iosefa e le o se tasi o i latou. O le taiala o le Mo le Malosi o le Autalavou ua fesoasoani ia te ia ia iloa na mafuaaga mo ia lava ma faasoa atu i isi. E mafai foi ona ia faia lea lava mea mo oe.