“E mafai faapefea ona avea a’u ma se faatupu filemu pe a le fealofani tagata o siomia a’u?,” Mo le Malosi o le Autalavou, Oke. 2023.
Fesili ma Tali
“E mafai faapefea ona avea a’u ma se faatupu filemu pe a le fealofani tagata o siomia a’u?”
Fesoasoani i Soo Se Tasi E Te Mafaia
“O nisi taimi e le mafai ona tatou faatoafilemuina na feteenaiga, ae e mafai ona tatou faamafanafana atu ia i latou o loo tiga. Ua ou oo i lenei tulaga. Nai lo le faafetauia o tagata faatiga, e mafai ona tatou fesoasoani i isi e aofia ai. E mafai ona tatou aumaia ia i latou le filemu.”
Eddy A., 17, Kuatemala
Laa i totonu
“Pe a misa ma fefinauai o’u tei ma ua matua atuatuvale lava lo’u tina, e mafai ona avea a’u ma se faatupu filemu e ala i le laa atu i totonu ma fesoasoani i lo’u tina. O le faia o lena mea, e mafai ai ona matou vavalalata uma.”
London H., 15, Alapama, ISA
Saili le Atua
“E mafai ona tatou tatalo i o tatou loto ma fesili pe faapefea ona avea ma se e faatupuina le filemu. O nisi taimi e oo mai ai se tali vave, ma o isi taimi e tatau ona tatou faalagolago i le Atua. Afai tatou te mulimuli i le Atua ma saili ia avea e faapei o Ia, e mafai ona tatou aumaia le Agaga i soo se mea.”
Adelyn A., 13, Colorado, ISA
Faalogo
“O le tele lava o taimi, e manaomia e tagata ona avea ma tagata e faalogo lelei. Afai e te faalogo faamaoni i isi, o le a amata ona e vaai ia i latou i le ala e vaai ai lo tatou Tama Faalelagi: o ni fanau a le Atua. Ua fesoasoani lenei mea ia te a’u e foia ai e oo lava i finauga sili ona faigata ma a’u uo ma aiga.”
Anna G., 17, Kalefonia, ISA
Ia Agalelei
“Ia avea ma se faataitaiga ia i latou o siomia oe. E mafai ona tatou faamalosia a tatou sootaga ma isi e ala i le faia o se taumafaiga e faalogo ma faaaloalo i o latou manatu ma lagona. O nisi taimi e sili atu le agalelei nai lo le mea sa’o.”
Joy H., 15, Maryland, ISA