“Aisea e matuai taua ai le puleaina o la’u gagana?,” Mo le Malosi o le Autalavou, Oke. 2023.
Tuusao i le Mataupu
Aisea e matuai taua ai le puleaina o la’u gagana?
E masani ona aoaoina i tatou e le Alii ma Ana perofeta e pulea mea tatou te tautatala ai. Ua latou aoaoina foi i tatou i mafuaaga mo le faia o lena mea. Ua na o nisi nei o na tali:
O au upu e faaalia ai mea o loo i totonu o lou loto. Na aoao mai Iesu Keriso, “Ona o le tele o le loto e tautala mai ai le gutu” (Mataio12:34). “Ia mautinoa o lau gagana e atagia ai le alofa mo le Atua ma isi” (Mo le Malosi o le Autalavou: O Se Taiala mo le Faia o Filifiliga [2022], 12).
O le puleaina o lau gagana e faaalia ai le amio pulea. Na aoao mai Iakopo, “Ai se tasi e le faatausuai i le upu, o ia lava lea o le tagata ua atoatoa, e mafai foi ona pulea le tino atoa” (Iakopo 3:2).
O upu a se soo e tatau ona faagaeetia. Na apoapoa‘i mai le Aposetolo o Paulo, “Aua ne’i alu atu se upu leaga ai o outou gutu, na o le upu lelei e ati ae ai i mea e aoga, e tupu ai le lelei i e faalogologo i ai” (Efeso 4:29).
O mea e te tautala ai e aafia ai lou agavaa e maua le Agaga. “O le gagana Masoa e taufaaleaga ma e leaga i le agaga” (Gospel Topics, “Profanity,” topics.ChurchofJesusChrist.org).