« Ti’ara’a pipi : Te e aha ’e te nāhea » Nō te pūai o te feiā ’āpī, Tēnuare 2024.
Ti’ara’a pipi : Te e aha ’e te nāhea
Nō te ’ite ’o vai mau ’outou ’e e aha tō ’outou hope’ara’a, ’a rave roa mai i te e aha ’e te nāhea o te pipi nā Iesu Mesia.
« ’O vai au ? »
E uira’a teie e ’imihia nei te pāhonora’a e te feiā ’āpī e rave rahi. ’A haere ai ’outou i te pa’arira’a ’e ’a ha’api’i ai ho’i ’e ’a tupu ai ho’i nā roto i tō ’outou iho huru hō’ē roa, e uiui iho ā ’outou e aha te mea e fa’ata’a ra ia ’outou, e aha te mea e hō nei i tō ’outou ihota’ata. ’Ua hōro’a mai ’o Russell M. Nelson i te tahi arata’ira’a faufa’a rahi nō ni’a i teie uira’a :
« ’O vai ’outou ?« »’A tahi ’e nā mua roa, ’o ’outou, e tamari’i ïaïa nā te Atua, e tamari’i ho’i nō te fafaura’a,’e e pipi ho’i nā Iesu Mesia.« »’Ia tauahi ’outou i teie parau mau, e tauturu tō tātou Metua i te ao ra ia ’outou ’ia tāpae i te fā hope’a e ora ai ’outou ē a muri noa atu i mua i tōna aro mo’a. » (« Choices for Eternity » [purera’a ati ti’a i te ao nei nō te feiā ’āpī pa’ari, 15 nō mē 2022], broadcasts.ChurchofjesusChrist.org).
’Ua ha’api’i mai ’o peresideni Nelson ē, ’aita atu e tāpa’o faufa’a roa nō ’outou i teie nā ihota’ata e toru, maori rā : (1) e tamari’i nā te Atua, (2) e tamari’i nō te fafaura’a ’e (3) e pipi nā Iesu Mesia.
Te ihota’ata o te hō’ē pipi
E paraparau ri’i na tātou nō ni’a i te torura’a o te ihota’ata, e pipi nā Iesu Mesia. Nāhea ’outou e tauahi atu i teie ihota’ata ’e e riro mai ai ’ei pipi ?
Nō te pe’e i te Fa’aora ’e te fa’ariro ’ei pipi nāna, ’ia te’a ’outou te fā i ni’a i nā mea e piti e aha tā ’outou e rave ’e nāhea ’outou ’ia rave i te reira.
’Ei hi’ora’a, tē hina’aro nei te Fa’aora ’ia hōro’a tātou nō vetahi ’ē ’e ’ia tāvini ho’i ia rātou, tē ani nei rā ’oia ’ia nā reira tātou ma te ’ā’au tae ’e te ’oa’oa ’eiaha rā ma te au ’ore. ’Ia hina’aro ana’e tātou e hōro’a ’e e tāvini, e fāri’i tātou i te utu’a maita’i rahi roa atu i te riro ’ei pipi mau. (Hi’o 2 Korinetia 9:7 ; Moroni 7:8.)
Nō reira, hi’o ana’e i te e aha tā te mau pipi e rave ’e te nāhea rātou ’ia rave i te reira.
E aha tā te pipi e rave
Teie te tahi o te mau mea e rave rahi tā te pipi a te Mesia e rave nō te pe’e i te Fa’aora.
-
Fa’a’ohipa i te fa’aro’o mai te fa’a’ohipara’a a te mau pipi i te fa’aro’o.
-
Tāvini mai te tāvinira’a a te mau pipi.
-
Pure mai te purera’a a te mau pipi.
-
Ha’api’i mai te ha’api’ira’a a te mau pipi.
-
Tātarahapa mai te tātarahapara’a a te mau pipi.
-
Feruri mai te ferurira’a a te mau pipi.
-
Here i te Atua mai te herera’a a te mau pipi i te Atua.
-
Aroha ia vetahi ’ē mai te arohara’a a te mau pipi ia vetahi ’ē.
-
Ha’api’i i te ta’ata mai te ha’api’ira’a ta’ata a te mau pipi.
-
Fa’a’oroma’i roa mai te fa’a’oroma’ira’a roa a te mau pipi.
Nāhea te pipi e rave i te reira
Teie te tahi mau fa’a’itera’a e nāhea te pipi e rave i teie mau mea. E rave rahi o teie mau fa’a’itera’a tei tano i teie mau mea rau. E riro te tahi i te tano atu i ni’a i te tā’āto’ara’a.
-
Ma te ’ā’au ’e te mana’o i niuhia i ni’a ia Iesu Mesia
-
Ma te hina’aro mau
-
Ma te ha’eha’a
-
Ma te here
-
Ma te itoito
-
Ma te tu’utu’u ’ore
-
Ma te ’ā’au ato’a
-
Ma te pāpū mau
-
Ma te aroha mau
-
Ma te ’ore e ha’avā na ’e te pae ’ore i te ta’ata
-
Ma te fa’a’oroma’i
-
Ma te taiā ’ore
-
Ma te itoito
-
Ma te rōtahi i ni’a i te mau hina’aro ’o vetahi ’ē
-
Ma te niuahia i ni’a i te mau pāpa’ira’a mo’a
-
Ma te ’āueue ’ore
-
Ma te vi’ivi’i ’ore
-
Ma te ’ī i te tia’ira’a
-
Ma te hia’ai ’ia riro mai te Metua i te ao ra ’e mai ia Iesu Mesia
-
Ma te nevaneva ’ore
E fāna’o ’outou ’ia feruri i nā mea e piti e aha tā ’outou e rave nō te pe’e i te Fa’aora ’e nāhea ’outou ’ia rave i te reira. Mai te mea tē mana’o ra ’outou e rave i te tahi mau tauira’a ta’a’ē i roto i te hō’ē ’e ’aore rā i te tahi tuha’a, e mea maita’i ïa. E mea pāpū nā te Vārua e tūra’i nei ia ’outou ’ia riro ’ei pipi maita’i roa.
E ihota’ata e au ’ia tauahihia ’e ’ia poiherehia
Mai tei parauhia e peresideni Nelson, te rirora’a ’ei pipi nā Iesu Mesia, e tuha’a faufa’a rahi te reira nō tō ’outou ihota’ata. Mai te mea e tauahi ’e e poihere ’outou i teie ihota’ata, e tauturu mai tō ’outou Metua i te ao ra ia ’outou ’ia riro mai ’outou i taua ta’ata ra ’o Ta’na i ’ite e ia riro mai ’outou, e taua ta’ata ra ’o tā ’outou e hia’ai roa ma te hi’o hōhonu, ’o tā ’outou e hina’aro i te riro.