Nelina N.

12, Sofia, Purutāria

’Aita i rahi te melo nō te ’Ēkālesia a Iesu Mesia i te Feiā Mo’a i te mau Mahana Hope’a nei i te vahi e orahia nei e au. ’Ua tīa’i onoono vau ’ia fa’ati’a tō’u metua tāne iā’u ’ia bāpetizohia, nō tō’u hia’ai mau. I te mau mahana ato’a, e pure au ’ia fa’ati’a ’oia iā’u.

I te hō’ē mahana ’ua pi’i mai ’oia iā’u ma te parau ē, e nehenehe au ’ia bāpetizohia ! Pe’epe’e noa atu ra vau ! ’Ua ite au nā roto i tā’u mā’itira’a ē, e tauturu te reira iā’u ’ia pe’e i te mau ta’ahira’a ’āvae o te Mesia.

’Ei melo ’āpī nō te Ēkālesia, ’ua hina’aro iho ā vau e tāvini nō te mea ’ua ’ite noa na vau ia vētahi ē i te tāviniraa. ’Ua pure onoono vau ’ia hōro’a mai te Atua i te hō’ē ta’ata ’o tā’u e nehenehe e tāvini. I te hō’ē pō i roto i te hō’ē moemoeā, ’ua ’ite au i te hō’ē vahine i roto i te metro tei hina’aro i te tauturu i tōna topara’a nā ni’a atu i tōna pārahira’a. I muri a’e, ’a tere ai māua tō’u pāpā nā roto i te metro, ’ua ’ite au i te hō’ē vahine i te maruara’a nā ni’a i tōna pārahira’a. ’O te vahine ïa tā’u i ’ite i roto i ta’u moemoea ! ’Ua riro ïa ’ei ’itera’a mo’a nō’u ia tauturu iāna.