Mai, pe’e mai

1 Nephi 3–4 ; 17–18

Rāterera’a nā te vāhi ’āpī

Nā Brynn Wengler

Te mau ve’a a te ’Ēkālesia

Teie te hō’ē ha’api’ira’a tao’a ’ārearea ’o tā ’oe e nehenehe e ha’api’i i tō ’oe ’utuāfare ’aore rā i tā ’oe piha, i te taime nō te mātutura’a te Mai, pe’e mai nō teie ’āva’e.

Rāterera’a nā te vāhi ’āpī

Fa’auta uira i te PDF

’Ia tāmata ana’e ’oe i te hō’ē ’ohipa ’āpī, e tae mai te mana’o mai ia Nephi i tē ’imi ra i te ’api veo, « ’e ’aore [’oe] i ’ite nā mua roa i te mau mea [tā ’oe] e ti’a ’ia rave » (1 Nephi 4:6). ’A ha’amana’o rā, ’aita ’oe i vai ’ōtahi noa, mai te mea ihoā ra ’ia rave ana’e ’oe i te hō’ē ’ohipa tā te Atua i fa’aue.

Mau tauiha’a

• Hō’ē ’api parau ’oehā nā te ta’ata tāta’itahi (te ’api parau nene’i mau, tāpūhia nā te ’āfara’a e tano maita’i roa ïa !)

• Hō’ē pēnitara nō te pāpa’i ’aore rā nō te pāpa’i hōho’a

1. ’Aore i ’ite nā mua roa

’A hōro’a i te ta’ata tāta’itahi i te hō’ē ’api parau. ’Eiaha rā e parau ia rātou nō te aha te reira. Maoti rā, e paraparau nō ni’a e nāhea tātou i te fāri’i pinepine i te heheura’a a te Atua, hō’ē ta’ahira’a i te taime hō’ē, mai ia Nephi i te fāri’ira’a i te mau ’api veo (hi’o 1 Nephi 3–4) ’aore rā, te hāmanira’a i te hō’ē pahī (hi’o 1 Nephi 17–18).

2. Te a’o nā ni’a i te a’o

Teie te taime nō te tuha’a ’ārearea ! ’A tai’o pūai i teie mau arata’ira’a, hō’ē i te taime hō’ē nō te tauturu i tā ’oe pupu ’ia tūfetu i tō rātou iho hōho’a tumu parau aro. (E mea fifi roa ’aita ana’e e hōho’a ! Mai te mea e hina’aro rātou i te tauturu hau atu, e vaiiho ia rātou ’ia hi’o, te hō’ē ta’ahira’a i te taime hō’ē).

3. Heheura’a : Arata’ihia e te Vārua

E mea ti’a i tō ’oe ’utuāfare ’aore rā, i tā ’oe piha ha’api’ira’a e fa’a’ite mai i te hō’ē pahī ’āpī ’api parau ! ’A rave i te tahi minuti nō te tāu’aparau nō ni’a i te mau taime ’a hina’aro ai ’outou pā’āto’a i te arata’ira’a a te Atua « te a’o nā ni’a i te a’o ». E nehenehe ato’a ’outou e pāpa’i ’aore rā e pāpa’i hōho’a i te hō’ē mea i ni’a i tā ’outou mau pahī, nō te fa’aha’amana’o i taua mau taime ra.

I teienei, ’ia hōro’a ana’e mai te orara’a ia ’oe i te mau ’ohipa ’āpī, ’eiaha e ha’amo’e i te ’imi i te heheura’a a te Atua. ’A ha’amana’o ē, e fa’aineine ihoā ’oia i te hō’ē rāve’a nō ’oe, nō te rave i te mea tāna i ani (hi’o 1 Nephi 3:7).

Mau arata’ira’a

1. Tāpe’a i te ’api parau ma te hiti poto i ni’a. Tūfetu nā te ’āfara’a, nā ni’a haere mai i raro.

2. Tūfetu fa’ahou nā te ’āfara’a mai te pae ’aui haere atu i te pae ’atau, i muri iho e hōhora i te tufetura’a tā ’oe i rave iho nei.

3. Ma te hiti tei tufetuhia i ni’a, ’a rave mai i nā poro e piti i ni’a ’e ’a tufetu mai i te reira e tae roa i te tufetura’a i ropu. ’Ia riro mai te reira ’ei porotoru ’e hō’ē ’oeha i raro.

4. ’A rave mai i te tuha’a na’ina’i o te ’api parau i raro i tā ’oe porotoru ’e ’a tufetu nā roto haere ti’a i ni’a. ’A fa’ahuri i te reira ’e ’a rave fa’ahou nō te tuha’a nā te tahi atu pae.

5. ’A tātara mai i te rotora’a ’ia riro mai te reira ’ei taupo’o.

6. ’A tāmau noa i te huti e tae roa ’ia tūati nā pae hope’a e piti ’e ’a ha’apārahurahu i te reira ’ia riro ’ei hōho’a taimana.

7. Ma te hōpe’a tei mātara i raro, ’a tufetu i te tuha’a mātāmua e tae roa i te ni’ara’a o te taimana. ’A fa’ahuri i te reira ’e ’a rave fa’ahou nō te tahi atu pae. E ti’a ’ia riro mai te reira ’ei porotoru.

8. ’A tātara mai i te tuha’a i roto ’e ’a ha’apārahurahu i te reira mai tā ’oe i rave nō te tuha’a 5 ’e te 6 nō te hōho’a o te taimana.

9. I ni’a i tā ’oe taimana, e ti’a ’ia vai mai e piti tuha’a porotoru i te pae ’aui ’e te pae ’atau. ’A huti mai i teie nā poro i rāpae ’e ’a ha’apārahurahu i te reira nō te hōro’a mai i te hō’ē hōho’a poromaha tūruarua mea huri ra. I muri iho, ’a huti i nā pae e piti ’ia nehenehe te reira ’ia ti’a maita’i.