Uiraʼa ’e Pāhonoraʼa

« Tē hina’aro nei au i te mana’o tauturu nō ni’a i te fa’anahora’a i te mau ’ātivite nā te feiā ’āpī. E aha te tahi mau mana’o maita’i ? »

« ’A fa’atumu i ni’a i te mau hina’aro o tā ’oe piha tamāhine [’aore rā pupu autahu’ara’a] ’e ’a fa’anaho e rave rau ’ohipa tāvinira’a ’e te mau ’ātivite, nō te tāhō’ē ’e nō te ha’apūai i te mau melo o te piha ha’api’ira’a, nō te patu i te ’itera’a pāpū, nō te ha’amaita’i ia vetahi ’ē ’e ’ia ’ārearea. »

« I ni’a i te aha mea vau e fa’atumu ai ? », Tō’u pi’ira’a ’ei melo nō te peresidenira’a o te piha Feiā ’Āpī Tamāhine, Vaira’a buka ’evanelia.

E fa’a’ohu ’e e fa’anaho ’āmui

« I te mau hepetoma ato’a e fa’a’ohu mātou i rotopū ia mātou nō te fa’anaho i te mau ’ātivite. ’Aita atu ra te hepohepo i ni’a i te hō’ē noa ta’ata, ’e e fāri’i mātou e rave rau mau mana’o. Te fa’atupura’a i te hō’ē ’ātivite tā ’outou i fa’anaho ’āmui, e mea maita’i ato’a te reira. Mea au nā mātou e ha’uti, e ’ata ’āmui, ’e e tāvini.

Adelynne S., 17 matahiti, Utaha, Marite

’Āfa’i mai ia vetahi ’ē i te Fa’aora ra

« ’A ani i te mau melo o tā ’oe piha tamāhine ’aore rā pupu autahu’ara’a i te mea tā rātou e au e rave. ’A mā’iti i te mau ’ātivite ’o tē ha’afātata i te feiā ’āpī ’e te Fa’aora, ’e ’a ’ārearea ’āmui noa ! ’Ua riro noa nā te mau ’ohipa tāvinira’a ’ei mau ’ātivite tā’u e au roa. E hoa ’āpī noa tō’u ! »

Katie G., 18 matahiti, Washington, Marite

Tāmata i te fa’aō mai i te tā’āto’ara’a

« E nehenehe te mau ’ātivite i reira te mau ta’ata ato’a e ’āmui mai ai, e riro ’ei mana’o fāri’ira’a poupou maita’i nō vetahi ’ē. Te anira’a i tā ’oe pupu e aha te mau fa’a’ana’anataera’a ’aore rā te tahi atu mau mea tā rātou e au nei ».

Lily D., 13 matahiti, Arizona, Marite

E toru uira’a

« Pinepine tā’u piha tamāhine i te fa’anaho i te mau ’ātivite ’ia au e toru uira’a : E aha te mea tā mātou e ti’a e ha’amaita’i ? ’O vai tā mātou e ti’a e pāturu ? E taime ānei nō te hō’ē ’ātivite ’o te rave iti i te taime ’e te pūai i te tahi atu mau ’ātivite ? Ma teie mau mea i roto i te ferurira’a, ’a pure, ’a feruri hōhonu ’e ’a hōro’a ’āmui te mana’o. Tē vai ra tā ’oe te reira ! »

Isabella R., 14 matahiti, Oregon, Marite

Vaira’a hōho’a pae vārua

« E hina’aro ’oe e rave rahi mau ve’a a te ’Ēkālesia nō te tāpūpū i te mau hōho’a ’aore rā i te mau parau poro’i pae vārua tei fa’auru ia ’oe. ’A tu’u i muri iho i te mau mea tā ’oe i tāpūpū i roto i te hō’ē vaira’a hōho’a ma te fa’anahora’a ta’a ’ē. E nehenehe ’oe e tu’u i te reira i te hō’ē vāhi e nehenehe ’oe e hi’o i te reira. »

Florence M., 14 matahiti, British Columbia, Tanata

’Ua hōro’ahia atu te mau pāhonoraʼa ’ei tauturu ’e ’ei hi’oraʼa ātea, e ʼere rā ’ei fa’a’iteraʼa mana nō te haʼapiʼiraʼa tumu a te ʼĒkālesia.

E aha tō ’oe manaʼo ?

« Nāhea vau e ’ite ai ē, te mea tā’u e tai’o nei i roto i te Buka a Moromona e parau mau ? »

’A hāpono mai i tā ’oe pāhonora’a ’e tō ’oe hōho’a nā mua a’e i te 15 nō Fepuare 2024.

’A rata uira mai ia mātou i te [e-mail]. ’Aore rā ’a haere i ni’a ftsoy.ChurchofJesusChrist.org ’e ’a tāumi « Hāpono i tā ’oe ’ohipa » ’A fa’a’ohipa i tā ’oe tomora’a nō te ’Ēkālesia ’e ’a mā’iti i muri iho « For the Strength of Youth [Nō te pūai o te feiā ’āpī] » i raro a’e « Choose Magazine [Mā’iti i te ve’a]. » ’A tāumi i ni’a « Add File [mau putu’ite] » nō te mā’iti i tā ’oe mau putu’ite ’e te mau hōho’a, ’e i muri iho, ’a tāumi « Submit [Hāpono] » nō te fa’auta uira atu ’e nō te hāpono mai i tā ’oe putu’ite ia mātou ra.

E riro te mau pāhonoraʼa i te taui-ri’i-hia nō te roa ’e ’aore rā nō te māramarama ’ore.