Parau ’āfaro atu

’O vai tei ’ite mata i te mau ’api ’auro, ta’a ’ē atu ia Iosepha Semita ?

Fa’ahōho’ara’a nā Steve Kropp

Ta’a ’ē atu ia Iosepha Semita, ’ua ’ite teie nā ta’ata e 12 i te mau ’api ’auro :

Nā ’ite to’otoru : Oliver Cowdery, David Whitmer, ’e Martin Harris. ’Ua fa’a’ite te melahi Moroni ia rātou i te mau ’api, ’ua fa’a’ite pāpū ia rātou, ’e ’ua fa’aue i nā ta’ata to’otoru ’ia fa’a’ite pāpū nō te reira.¹

Nā ’ite e va’u : Christian Whitmer, Jacob Whitmer, Peter Whitmer Jr., John Whitmer, Hiram Page, Joseph Smith Sr., Hyrum Smith, ’e o Samuel H. Smith. ’Ua fa’a’ite Iosepha Semita ia rātou i te mau ’api ’e ’ua vaiiho ia rātou ’ia tāpe’ape’a i te reira.²

Mary Whitmer : ’Ua fa’a’ite te melahi Moroni iāna i te mau ’api ’e ’ua tāmāhanahana iāna, nō te mau hōpoi’a tāna i amo i te ha’apa’ora’a e va’u tamari’i ’e e toru manihini ’utuāfare, ’a ’īritihia ai te Buka a Moromona i tōna fare.³

’Ua ’ite Josiah Stowell i te hō’ē poro o te mau ’api. ’E e maha a’e ta’ata tei amoamo i te mau ’api ’auro, ’a vai noa ai te reira i roto i te hō’ē fa’ari’i ’aore rā te hō’ē puohu : Lucy Mack Smith, Emma Smith, William Smith, ’e Katharine Smith.⁴

’Aita hō’ē o teie nā 17 ta’ata i huna i te mea tā rātou i ’ite ’e i ora.

Fa’ata’ara’a

1. Hi’o « Te ’itera’a pāpū o nā ’ite e toru », Buka a Moromona.

2. Hi’o « Te ’itera’a pāpū o nā ’ite e va’u », Buka a Moromona.

3. Hi’o Feiā mo’a, buka 1, Te reva nō te parau mau, 1815–1846 [2018], 70–71.

4. Hi’o Church History Topics, « Witnesses of the Book of Mormon », ChurchofJesusChrist.org/study/ history/topics ; hi’o also witnessesofthebookofmormon.org/witnesses-of-the-plates.