« Upo’oti’a i ni’a i te ao nei ’e ’ia noa’a te ora », Nō te pūai o te feiā ’āpī, Tēnuare 2024.

Te mau parau e ora

Upo’oti’a i ni’a i te ao nei ’e ’ia noa’a te ora

Nā te peresideni Russell M. Nelson

Peresideni nō Te ’Ēkālēsia a Iesu Mesia i te Feiā Mo’a i te mau Mahana Hope’a nei

Nō roto mai i te hō’ē a’ora’a nō te ’āmuira’a rahi nō ’Ātopa 2022.

Nō te mea ’ua upo’oti’a Iesu Mesia i ni’a i teie ao hi’a, ’e nō te mea ho’i ’ua tāra’ehara ’oia nō tātou tāta’itahi, e nehenehe ato’a ’outou e upo’oti’a i ni’a i teie ao tei ’ī i te hara, tei fa’atumuhia i ni’a iāna iho ’e tei rohirohi roa.

’A tātarahapa mau ai ’outou ’e ’a ’imi ai ’outou i tāna tauturu, e nehenehe ’outou e ti’a i ni’a a’e i teie nei ao ataata ’e ’ia ’ite mai i te fa’afa’aeara’a mau.

E aha te auraʼa ’ia upo’oti’a i ni’a i te ao nei ?

Te aura’a :

Te upo’oti’ara’a ïa i ni’a i te fa’ahemara’a ’ia ha’apa’o noa i te mau mea o teie nei ao hau atu i te mau mea a te Atua.
Te ti’aturira’a i te ha’api’ira’a tumu a te Mesia hau atu i te mau ha’api’ira’a a te ta’ata nei.
Te ’oa’oara’a i te parau mau, ’ia fa’ahapa i te ha’avarevare, ’e te rirora’a ’ei « mau pipi ha’eha’a nā te Mesia ».
Te mā’itira’a ’ia ha’apae i te mau mea ato’a ’o te fa’aātea ’ē atu i te Vārua ’e te hina’aro ’ia « ha’apae ’ē atu » ato’a i tā tātou mau hara au roa a’e.
Te fa’arahira’a i te here i te Atua ’e i tāna Tamaiti here, hau atu i tō ’outou here i te hō’ē ta’ata ’aore rā i te tahi atu mea.

Nāhea tātou i te upo’oti’a i ni’a i te ao nei ?

’A ’imi ’e ’a pe’e i te mau muhumuhura’a a te Vārua.
’A tātarahapa i te mau mahana ato’a ’e ’a ha’apa’o i te mau fafaura’a ’o tē hōro’a mai ia tātou i te mana.
’A fa’aea noa i ni’a i te ’ē’a nō te fafaura’a.

E fa’ateitei te Fa’aora ia tātou i ni’a a’e i te ’umera’a a teie ao hi’a, nā roto i te ha’amaita’ira’a ia tātou i te aroha rahi a’e, te ha’eha’a, te pipiri ’ore, te hāmani maita’i, te ha’avī iāna iho, te hau, ’e te fa’afa’aeara’a.

Nō te mea ’ua upo’oti’a Iesu Mesia i ni’a i teie ao, e upo’oti’a ato’a ’outou.