E pipi nā Iesu Mesia

Hi’o nāhea te fa’a’itera’a a Moromona nō ni’a i tōna huru i te tano ato’a ia ’outou.

pipi au nā Iesu Mesia

Te parau pipi, ’o te hō’ē ïa ta’ata e ha’api’i ra i pīha’i iho i te hō’ē ’orometua, ’aore rā te hō’ē fatu (mai te hō’ē pīahi ’aore rā te hō’ē farapati).

E ha’api’i te mau pipi a Iesu Mesia mai roto mai iāna, ma te pe’e i tāna mau ha’api’ira’a ’e ma te tāmata i te riro mai iāna te huru.

pi’ihia vau e āna ’ia a’o atu i tāna parau

E mau ta’ata e pi’ira’a ta’a ’ē tō rātou ’ia fa’a’ite i te parau a te Mesia, mai te mau misiōnare. Nā roto rā i tā tātou mau fafaura’a, tē parau fafau nei tātou ’ia ha’apa’o i tāna mau fa’auera’a, mai te fa’auera’a ’ia riro ’ei māramarama nō tō te ao (hi’o Mataio 5:14–16). ’E e parau ato’a tātou i tō tātou ineine « ’ia ti’a ’ei ’ite nō te Atua i te mau taime ato’a ’e nō te mau mea ato’a, ’e i roto i te mau vāhi ato’a » (Mosia 18:9).

’Ua pi’ihia te mau melo ato’a nō Te ’Ēkālesia a Iesu Mesia i te Feiā Mo’a i te mau Mahana Hope’a nei ’ia tauturu i te fa’atupu i te ’ohipa a te Fatu ’e ’ia fa’a’ite i tāna ’evanelia (hi’o Te Ha’api’ira’a Tumu ’e te mau Fafaura’a 38:40–41).

ora mure ’ore

Te ora mure ’ore ’o te orara’a ïa i roto i te bāsileia tiretiera i pīha’i iho i te Metua i te ao ra ’e ia Iesu Mesia. ’O teie te utu’a maita’i nō te ta’ata e fa’aro’o tōna ia Iesu Mesia, ’o tē tātarahapa, ’o tē rave ’e ’o tē ha’apa’o i te mau fafaura’a, ’e ’o tē mau pāpū ē tae noa atu i te hope’a.

I parau ho’i te Fatu : « ’O teie ho’i tā’u ’ohipa ’e tō’u hanahana, ’ia fa’atupu i te tāhuti ’ore ’e te ora mure ’ore o te ta’ata nei » (Mose 1:39). E tauturu te mau pipi iāna ’ia fa’atupu i tāna ’ohipa.