Rikaļoor n̄an Rikaļoor

Ekōjkan am̧ maron̄ erom̧ juon rikaļooraņ Jisōs Kraist? Epidodoļo̧k jān am̧ maron̄ ļōmņake. Lale waanjon̄ak kein me jodikdik ro rej kwaļo̧k kōn rikaļoor ro ilo mour ko aer.

Pija

likao ro

Kyler C., 13 iiō

Jān Guayas, Ecuador. Em̧m̧an ippān ikkure basketball im violin.

Ruo iaan ro m̧ōtta rej jān kabun̄ in, Arick and Mike, rekar katakin n̄a kōn aorōk in erom̧ juon rikaļooraņ Jisōs Kraist. Waanjon̄ak ko aer rekar jipan̄ eō bōk eļapļo̧k ikdeelel n̄an jerbale juon mijen. Kiiō eļap aō iktōltōl n̄an kwaļo̧k kōn Jisōs Kraist n̄an ro rej pād ilo aikuj.

Ro m̧ōtta rej barāinwōt waanjon̄ak ko rem̧m̧an ilo Kraist ilo wāween aer ekōnono. Rekar kwaļo̧k elōn̄ en̄jake ko ippa n̄an ļoor Jisōs Kraist, eo ekar rōjan̄ eō n̄an kepaakļo̧k E. N̄an waanjon̄ak, eo m̧ōtta ekar katakin eō bwe n̄e ej wōr ad kajjitōk, jemaron̄ kajjitōk ippān Anij. Im ekōjkan ad jelā n̄e em̧ōj An uwaak? Jenaaj jeļā ilo būruwōd. Jetōb eo in ej ba Anij ej kōnono tok n̄an kōj im bwe jej kāālet iaļ eo ejim̧we.

Pija

jiron̄ im likao eo

Ayotunde Raphael A., 15 iiō

Jān Oyo, Nigeria. Em̧m̧an ippān eb, ikkure ko, im kwaļo̧k ippān mijinede ro.

Eo m̧ōtta Ewa (kōkkadudu in Ewaoluwa) ej juon waanjon̄o̧k in juon rikaļooran Kraist n̄an eō. Ekar ļōkatip eō juon iien, im ikar lukkuun illu ippān. Tokālik ekar kajjitōk aō jeorļo̧k an bōd. Ilo jekjek eo, ikar ekkatak ettā bōro im jeorļo̧r bōd jān e. Ekar ļap an ettā ke ekar jeorļo̧k an bōd, im ikar jeorļo̧k an bōd.

N̄an eō, erom̧ juon rikaļooraņ Jisōs Kraist ej n̄an kōjparok kien ko an Jemedwōj Ilan̄, n̄an iakwe Anij im Eo Nejin, Jisōs Kraist, im kea eļapļo̧k kōn ro jet.

Pija

likao eo

Gabriel A., 12 iiō

Jān Oyo, Nigeria. Em̧m̧an ippān ikkure football (jakad).

Ikar jeļā kajjeen juon ļaddik jān kabun̄ in eo ekar juon eo ekajoor wōtan im kamijak ro jet, ak juon raan ekar oktak. Ikar kāālet n̄an kajjitōk ippān, “Etke kwaar oktak?” Ekar jiron̄ eō bwe ekar jar, riiti jeje ko rekwojarjar, bōk tōmak, im kate jerbal n̄an ukot m̧wilin. Ekar jipan̄ eō kōnke kiiō ke ikar kōņaan kōm̧m̧ane juon kāālet, ilo jikin jikuuļ ak ilo jetōb, ikōn jar n̄an Anij n̄an tōl eō.

Eo m̧ōtta emaron̄ jab wānōk, ak m̧wil eo m̧wilin ekar un̄ur būruo. Kiiō ekkā aō riiti jeje ko rekwojarjar m̧okta jān aō bōk jabdewōt bun̄tōn ko ilo mour eo aō. Waanjon̄ak eo an eo m̧ōtta ekar kepaakļo̧k eō n̄an Kraist kōnke jabdewōt iien ij jerawiwi, imaron̄ jibadōkļo̧k Irooj ilo jar im ukweļo̧k. Jibadōk Irooj ekar jipan̄ eō likūtļo̧k eddodo ko aō.