Kajju n̄an Meļeļe eo

Wōn ekar bar loe pileij gold ko ijjelo̧kin Josep Smith?

Mary Whitmer ej loe pileij gold ko

Kōmeļeļe jān Steve Nethercott

Ijjelo̧kin Josep Smith, armej rein 12 rekar loe pileij gold ko:

Rikam̧ool ro Jilu: Oliver Cowdery, David Whitmer, im Martin Harris. Enjeļ Moronai ekar kwaļo̧k n̄an er pileij ko, kam̧ool kaki, im kakien em̧m̧aan ro jilu n̄an kam̧ool kaki.¹

Rikam̧ool ro Ruwalitōk: Christian Whitmer, Jacob Whitmer, Peter Whitmer Jr., John Whitmer, Hiram Page, Joseph Smith Sr., Hyrum Smith, im Samuel H. Smith. Josep Smith ekar kwaļo̧k n̄an er pileij ko im kōtļo̧k aer jibwi.²

Mary Whitmer: Enjeļ Moronai ekar kwaļo̧k n̄an e pileij ko im kaenōm̧m̧an e bwe kōn wōt eddo ko ekar ineeki ilo an kōjparoke ajri ro ruwalitōk nejin im rilotok ro an jilu ilo tōre eo Bok in Mormon kar ukote lo m̧weo im̧ōn.³

Josiah Stowell ekar loe jidikin pileij ko. Im ro jet emān rekar kotak pileij gold ko ke rej lubobo wōt ak pād ilowaan men eo nier: Lucy Mack Smith, Emma Smith, William Smith, im Katharine Smith.⁴

Ejjeļo̧k iaan 17 armej rein rekar kariab ta eo rekar loe im en̄jake.

Kakeememej ko

1. Lale “Naan in Kam̧ool eo an Rikam̧ool ro Jilu,” Bok in Mormon.

2. Lale “Naan in Kam̧ool eo an Rikam̧ool ro Ruwalitōk,” Bok in Mormon.

3. Lale Saints, vol. 1, The Standard of Truth, 1815–1846 [2018], 70–71.

4. Lale Church History Topics, “Witnesses of the Book of Mormon,” ChurchofJesusChrist.org/study/ history/topics; bar lale witnessesofthebookofmormon.org/witnesses-of-the-plates.