“Wāween ko Rellōn̄ n̄an Ekkatak,” N̄an Kōkajoorļo̧k Jodikdik Ro, Jān. 2024.
Wāween ko Rellōn̄ n̄an Ekkatak
Kwoj kōņaan ke kōm̧m̧an bwe en em̧m̧anļo̧k jidik laļ in? Ej ijjino jān ekkatak kiiō
Kōmeļeļe jān Dean Macadam
Ta eo ekkatak wāween m̧wij bar ej iookļo̧k karōki kein kōmeramram ko n̄an juon stage?
“Aolep ej m̧ōttan karōk eo aō,” Lisa ej ba, juon rūm̧m̧an ded kiiō ilo iiō eo an jinointata ilo college.
Lisa ekar jinoe jikuuļ in cosmetology ilo 16 iiō drettan. Ekar barāinwōt loe juon burookuraam̧ me ekar kōtļo̧k an kōkaduikļo̧k raan ko an ilo high school bwe en maron̄ katak ilo jikuuļ in cosmetology eo ilo ālkin rāelep. M̧ool eo ke ej kiiō pād ilo college ej ekkatak theater tech ejjab meļeļein bwe an kar katak kōn kōm̧m̧an bar ekar jab jerbal. Ilo m̧ool, aolep men rej erļo̧kļo̧k lukkuun āinwōt an kar kōjatdikdik.
“Ikar kōņaan bōk juon kapeel bwe in maron̄ kōjerbale n̄an jipan̄ kōļļāik wōņeen college,” Lisa ej ba. “Ekoba, ebarāinwōt kōtļo̧k aō jerbal n̄an armej ro jet im kōjparok jāān n̄an wōņeen an baam̧le eo aō m̧wijbar ilo aolepen mour e aō!”
Etke Jej Ekkatak
“Jemedwōj Ilan̄ ej kōņaan bwe leddik ro im ļaddik ro nejin ren ekkatak aolep iien.”1 Erkein rej jejjo̧ iaan wāween ko rellōn̄ ke ekkatak ilo aolepen mour ko ad ej juon kōjeraam̧m̧an eļap:
-
Emaron̄ em̧m̧anļo̧k am̧ jipan̄ im katakin ro m̧ōttam̧, baam̧le, im ro jet.
-
Emaron̄ em̧m̧anļo̧k am̧ jerbal ilo Kabun̄ in im ilo jukjukin pād eo am̧.
-
Kwonaaj bōk kapeel ko reļļapļo̧k n̄an un̄n̄are peim make.
-
Kwonaaj maron̄ bōk jeļāļo̧kjeņ eo am̧ ippam̧ ālkin am̧ mej.
-
Ilo am̧ jab bōjrak in kōmoururi, im kōjerbale kōmāļij eo am̧, emaron̄ pād wōt ilo an ājmour.
Ekōjkan Ad Ekkatak
Ilo jeje ko rekwojarjar jej ekkatak bwe jej aikuj “kappukot jeļā, em̧ool jān katak im barāinwōt jān tōmak” (Katak im Bujen Ko 88:118; bar lale 130:18). Rainin elōn̄ļo̧k iien ko rem̧m̧an n̄an ekkatak jān kar m̧okta, ko āinwōt:
-
Wāween ekkatak ko, ekoba college, university, im trade jikuuļ ko.
-
Kappukot jeļāļo̧kijeņ “bok ko rem̧m̧antata” (Katak im Bujen Ko 88:118). Kwomaron̄ barāinwōt kobaik, “kein jipan̄ ko ilo online rem̧m̧antata.”
-
Ekkatak kajju jān ro m̧ōttad im baam̧le ko ad.
Ļōmņak n̄an Makūtkūt! Karōke juon m̧akutkut in ekkatak “jānij kapeel” ilo branch ak ward eo am̧. Aolep rej pojak im itok n̄an katakin juon men rejeļā kilen kōm̧m̧ane.
-
Jar im ekkatak jān jeje ko rekwojarjar.
-
Tiljek in mour n̄an erreo n̄an jemjerā eo an Jetōb Kwojarjar aolep raan, eo “enaaj katakin kom̧ men otemjej” (Jon 14:26).
-
Ekkatak kake, kōļmenļo̧kijeņ ilo wejapdik, im kijejeto. Men eo em̧m̧antata kōn jeļāļo̧kjeņ ej bwe eļapļo̧k ad ekkatak kaki aolep raan. Kwomaron̄ kobaik n̄an jikin kakkoņ jeļāļo̧kjeņ eo an laļ in.
N̄e Jej Ekkatak
Āliktata, men̄e kwoj ekkatak wāween mwijbar āinwōt Lisa ak ekkatak wāween ejaake kein jerbal ko n̄an energy an epepen eo tok juon, Būreejtōn Nelson ej kakeememej kōj bwe elōn̄ baj wōt juon iien em̧m̧antata n̄an kōm̧m̧ane jekjek kein reļļap.
“Aaet, jej aikuj ekkatak jān tōre ko etto, im aaet, jej aikuj in m̧aanjabpopo n̄an ilju im jekļaj,” ekar katakin. “Ak kiiō wōt jemaron̄ kōm̧m̧ane. Kiiō ej iien eo jemaron̄ ekkatak. … Kiiō ej iien eo jemaron̄ kōjeraam̧m̧an ro jet.”2
Kiiō, tokālik. Ta eo kwoj kōņaan ekkatak rainin?