Tōļan̄e Men eo Ekāāl

Jān Brynn Wengler

Māākijiin ko an Kabun̄ in

En̄in ej juon katak kwomaron̄ katakin baam̧le eo am̧ ak kūļaaj eo am̧ ilo iien ekkatak Itok, Ļoor Eō ilo allōn̄ in.

N̄e kwoj kajjieon̄e juon men kāāl, komaron̄ en̄jake āinwōt an Nipai kar pukote pileij brass ko, “jab jeļā m̧okta men ko [kwoj] kōm̧m̧ani” (1 Nipai 4:6). Ak keememej, kwojjab make iaam̧, eļaptata n̄e kwoj kōm̧m̧ane juon men Anij ekar kakien eok.

1. Jab Jeļā Ta Im̧aan

Leļo̧k n̄an kajjojo armej juon m̧ōttan peba. Ak jab ba n̄an er kein ta eo. Ijjelo̧kin, kōnono kōn jon̄an emakijkij in ad bōk revelesōn jān Anij juon bun̄tōn ilo̧k juon, āinwōt an Nipai kar bōk pileij brass ko (lale 1 Nipai 3–4) ak kalōk juon wa (lale 1 Nipai 17–18).

2. Ļain im bar Ļain

Kiiō iien eo ekalimomo in! Kōļap ainikien am̧ riiti kōmeļeļe kein juon ilo̧k juon n̄an jipan̄ kurup eo am̧ limi jekjek in pepa eo aer make. (Epen jeje ilo an ejjeļo̧k pija! Eļan̄n̄e rej aikuj eļapļo̧k jipan̄, kōtļo̧k aer lale juon bun̄tōn ilo̧k juon.)

3. Revelesōn: Tōl kōn Jetōb

Baam̧le eo am̧ ak kūlaaj eo am̧ rej aikuj wōr ippāer kiiō juon jekjek in tim̧a ko ippāer! Bōk jejjo̧ minit n̄an kōnono kōn iien ko kwar aikuji tōl an Anij “ļain im bar ļain.” Kwomaron̄ barāinwōt jeje ak jin̄n̄aik juon men ioon tim̧a ko waam̧ n̄an keememej iien ko.

Kiiō n̄e mour in ej jowaj men ko rekāāl ņae eok, jab meļo̧kļo̧k in pukot revelesōn jān Anij. Keememej, E enaaj aolep iien kōpooj juon iaļ n̄an am̧ kōm̧m̧ane ta eo E ekar kajjitōk (lale 1 Nipai 3:7).

Naan in Kōmeļeļe ko

Jibwe m̧ōttan peba eo im likūt jabōn eo ekadu ilōn̄. Limi ilo jimettan, lōn̄ n̄an laļ.
Limi ilo jimettan bar juon alen jān almiin̄ n̄an alm̧oon, innām joļo̧k an lemlem ļain ko ej kab m̧ōj am̧ kōm̧m̧ani.
Ilo an pād jabōn eo elemlem ilōn̄, bōke kona ko ruo im limi laļļo̧k n̄an ļain eo ioļap. Ej aikuj āinwōt juon triangle ippān juon rectangle ilo laļtata.
Bōke bwilak eo edik in peba eo ilo laļtata in triangle eo am̧ im limi lōn̄ļo̧k m̧ōttan eo ilōn̄. Ukote n̄an jait eo juon im āliji ippān an bwilak eo en pād ilo turājet.
Kōpeļļo̧ke laļtata bwe en āinwōt juon at.
Kanōke wōt n̄an n̄e kona ko ruo retōpar doon im kajepdake n̄an jekjek in diamond.
N̄e epeļļo̧k laļtata, limi m̧ōttan eo m̧okta lōn̄ļo̧k n̄an lōn̄in diamond eo. Ukote im āliji ilo turājet. Ej aikuj āinwōt juon triangle.
Kanōke bwe en peļļo̧k laļ im kajepdake āinwōt am̧ kar kōm̧m̧ane ilo bun̄tōn 5 im 6 n̄an juon jekjek in diamond.
Tulōn̄in diamond eo ej aikuj wōr ruo bwilak in triangle ie ilo almiin̄ im alm̧oon. Kanōk nam̧ōjtak dam̧ ko im kajepdaki bwe en maron̄ wōr juon trapezoid ej jitōn̄ļo̧k laļ. Innām un likļo̧k jait ko n̄an jipan̄ e jutak make iaan.