“Ij aikuj kapilōk n̄an peek m̧akūtkūt ko an jodikdik ro. Ta jet iaan ļōmņak ko rem̧m̧an?,” N̄an Kōkajoorļo̧k Jodikdik Ro, Jān. 2024.”
Kajjitōk Ko im Uwaak Ko
“Ij aikuj kapilōk n̄an peek m̧akūtkūt ko an jodikdik ro. Ta jet iaan ļōmņak ko rem̧m̧an?”
Kajjojo Bōk Koņami im Pepe Ippān Doon
“Jej kajjojo bōk koņaad kajjojo wiik n̄an peek m̧akūtkūt ko. Menin ebōk apan̄ eo jān juon wōt armej, im kōmij bōk elōn̄ kain ļōmņak ko. Kōm̧m̧ane juon m̧akūtkūt ijo aolep rej karōke ippān doon ebar jipan̄. Em̧m̧an ippemim ikkure ikkure ko, ettōn̄ ippān doon, im kōm̧m̧ane jerbal in jipan̄ ko.”
Adelynne S., 17, Utah, USA
Boktok ro Jet n̄an Rilo̧mo̧o̧r
“Kajjitōk ippān ro uwaan kūlaaj ak doulul eo am̧ ta eo eitok limoer ie. Kāālet m̧akūtkūt ko me renaaj keipaak jodikdik ro n̄an doon im n̄an Rilo̧mo̧o̧r, im baj limo ippān doon! Makūtkūt in jerbal in jipan̄ ko eto aer m̧ōttan men ko rem̧m̧antata ippa. Aolep iien ij ejaake jemjerā ko rekāāl!”
Katie G., 18, Washington, USA
Kajjieon̄ n̄an Kakobaik Aolep
“Makūtkūt ko me aolep remaron̄ bōk koņaer ie emaron̄ kōm̧m̧an bwe ro jet ren en̄jake aer ruwainene. Kajjitōk ippān kurup eo am̧ ta ikkure ko ak men ko jet eitok limoer ie eļap an jipan̄.”
Lily D., 13, Arizona, USA
Jilu Kajjitōk ko
“Kūlaaj eo aō ekkā an karōke m̧akūtkūt ko pedped wōt ioon jilu kajjitōk ko: Ta eo jej aikuj em̧m̧anļo̧k ie? Wōn eo jej aikuj rie? Ej iien ke juon m̧akūtkūt me ebōk edik iien im kajoor jān m̧akūtkūt ko jet? Ippān men kein ilo kōļmenļo̧kijeņ, jar, kejokļo̧kijeņ, im kipel ippān doon. Komaron̄e menin!”
Isabella R., 14, Oregon, USA
Frame ilo Jetōb
“Kwonij aikuj jejjo māākijiin ko an Kabun̄ in bwe kwon maron̄ m̧wijiti pija ko ak enaan ko ilo jetōb me rej im̧we eok. Innem likūti ta eo kwoj m̧wijitiļo̧k ilo juon frame ilo juon ekkarōk ejenolo̧k. Kwomaron̄ likūti juon jikin eo kwomaron̄ kalimjōkļo̧k.”
Florence M., 14, British Columbia, Canada