Juon Rikaļoor an Jisōs Kraist

Lale wāween an kōmeļeļe eo kōn Mormon make kar n̄an bar eok.

rikaļooraņ Jisōs Kraist

Naan eo rikaļoor ej meļeļein eo ej ekkatak jān juon rikaki ak juon m̧aajta (āinwōt juon eo ļo̧ļo̧o̧r juon eo etijemļo̧k ak juon eo katakini juon jerbal)

Rikaļooraņ Jisōs Kraist rej ekkatak jān E, ļoor katak ko An, im kajjieon̄ erom̧ āinwōt E.

Kūr jān E n̄an kwaļo̧k naan eo An

Jet armej ewōr ippāer juon kūr ejenolo̧k n̄an kwaļo̧k naan eo an Anij, āinwōt mijinede ro. Ak kōn bujen ko ad, jej kallim̧ur n̄an kejparok kien ko An, ekoba kien eo n̄an erom̧ juon meram ilo laļ in (lale Matu 5:14–16). Im jej kwaļo̧k ad m̧ōņōņō n̄an “jutak āinwōt rikam̧ool ro an Anij ilo aolep iien ko im ilo aolep men ko, im ilo aolep jikin ko” (Mosaia 18:9).

Aolep membōr ro ilo Kabun̄ eo an Jisōs Kraist im Armej ro Rekwojarjar ilo Raan ko Āliktata em̧ōj kūr er n̄an jipan̄ kakūrm̧ool jerbal eo an Irooj im kwaļo̧k gospel eo An (lale Katak im Bujen Ko 38:40–41).

mour indeeo

Mour indeeo ej meļeļein mour ilo aelōn̄ selestial ippān Jemedwōj Ilan̄ im Jisōs Kraist. En̄in ej menin nebar eo n̄an armej ro ewōr ippāer tōmak ilo Jisōs Kraist, ukweļo̧k, kōm̧m̧ani im kejparok bujen ko, im niknik n̄an jem̧ļo̧kin.

Irooj ekar ba, “En̄iin ej jerbal eo Aō—n̄an kakūrm̧ool jab wabanban im mour indeeo an armej” (Moses 1:39). Rikaļoor ro rej jipan̄ E n̄an kōttōprak jerbal eo An.