Nelina N.

12, Sofia, Bulgaria

Ejjab kanooj in lōn̄ uwaan membōr ro ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata ijo ij jokwe ie. Ikar aikuj kōttar n̄an aō bōk mālim eo jān jema n̄an aō peptaij, bōtaab ikar lukkuun kōņaan. Aolep raan, ikar jar bwe en maron̄ kōtļo̧k.

Juon raan ekar kūrtok eō im jiron̄ eō bwe imaron̄ kiiō peptaij! Ikar lukkuun in m̧ōņōņō! Ikar jeļā bwe kāālet eo aō enaaj jipan̄ eō ļoor bun̄tōn neen Kraist.

Āinwōt juon membōr in Kabun̄ in, ikar kanooj in kōņaan jerbal in jipan̄ kōnke emakijkij aō loe an ro jet jerbal in jipan̄. Ekar ļap aō jar bwe Anij en letok n̄an eō juon armej n̄an jerbal n̄ane. Juon bon̄ ilo juon ettōņak, ikar loe juon kōrā ilo juon subway eo ekar aikuj jipan̄ ālkin an kar okjak jān jeia eo an. Tokālik, ke n̄a im jema ekar etal n̄an subway eo ļo̧k, ikar loe juon kōrā ekar okjak jān jeia eo an. Ekar ejja kōrā eo wōt ilo ettōņak eo aō! Ekar juon en̄jake ekwojarjar n̄an eō n̄an aō maron̄ kar jipan̄e.