នេលីណា អិន

អាយុ ១២ ឆ្នាំ មកពី សូហ្វីយ៉ា ប៊ុលហ្គារី

រូបភាព

យុវនារី

រូបថតដោយ គ្រីស្ទីណា ស្ម៊ីធ

មិនមានសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយច្រើនទេ នៅកន្លែងដែលខ្ញុំរស់នៅ ។ ខ្ញុំត្រូវតែរង់ចាំការអនុញ្ញាតពីឪពុកខ្ញុំ ដើម្បីទទួលពិធីបុណ្យជ្រមុជទឹក ប៉ុន្តែខ្ញុំពិតជាចង់ទទួលពិធីបុណ្យជ្រមុជទឹកណាស់ ។ ជារៀងរាល់ថ្ងៃខ្ញុំបានអធិស្ឋានថា គាត់នឹងអនុញ្ញាតឲ្យខ្ញុំទទួលពិធីបុណ្យជ្រមុជទឹក ។

ថ្ងៃមួយ គាត់បានទូរសព្ទមកប្រាប់ខ្ញុំថា ខ្ញុំអាចទទួលពិធីបុណ្យជ្រមុជទឹកបាន ! ខ្ញុំរំភើបចិត្តខ្លាំងណាស់ ! ខ្ញុំបានដឹងថា ជម្រើសរបស់ខ្ញុំនឹងជួយខ្ញុំឲ្យដើរតាមដានព្រះបាទារបស់ព្រះគ្រីស្ទ ។

ក្នុងនាមជាសមាជិកថ្មីនៃសាសនាចក្រ ខ្ញុំពិតជាចង់បម្រើដោយសារខ្ញុំតែងតែឃើញមនុស្សដទៃបម្រើ ។ ខ្ញុំបានអធិស្ឋានជាច្រើនថា ព្រះនឹងប្រទានមនុស្សម្នាក់ឲ្យខ្ញុំបម្រើ ។ យប់មួយក្នុងសុបិន ខ្ញុំបានឃើញស្ត្រីម្នាក់នៅលើរថភ្លើងក្រោមដីដែលត្រូវការជំនួយ បន្ទាប់ពីធ្លាក់ពីកៅអីរបស់គាត់ ។ ក្រោយមក ខណៈដែលឪពុកខ្ញុំ និងខ្ញុំបានធ្វើដំណើរតាមរថភ្លើងក្រោមដីនោះ ខ្ញុំបានឃើញស្ត្រីម្នាក់ធ្លាក់ពីកៅអីរបស់គាត់ ។ គឺជាស្ត្រីដដែលដែលខ្ញុំឃើញក្នុងសុបិនរបស់ខ្ញុំ ! វាជាបទពិសោធន៍ដ៏ពិសិដ្ឋមួយសម្រាប់ខ្ញុំ ដែលអាចជួយគាត់បាន ។