Bengy R.

13, itumalo, Turks ma Caicos

Ata

alii talavou ma le tina o loo fufuluina ipu

Ata na pueina e Christina Smith

Ou te nofo i se motu. Ou te fiafia i le mea moni e faapea, e tele i’a ma foafoa iinei. Ou te fiafia e alu i le matafaga i aso vevela—e manaia! Ou te fiafia tele e ’ai i le matou falai i’a faaletausaga.

E tele lava ina ou tautala faaPeretania ma le faaHaiti Creole, ma o loo ou aoaoina le faaFarani ma le faaSipaniolo i le aoga. Ou te fiafia e taalo i taaloga, matamata i ata komi, ma aau.

Ou te fiafia e faasoa atu le talalelei e ala i le auai faatasi ma faifeautalai i a latou lesona, asiasi atu i tagata o le Ekalesia ma o’u taitai o le paranesi, ma uunaia a’u uo e o mai i le lotu. Sa ma o ma lo’u uso i ni asiasiga faatasi ma le peresitene o le paranesi i se tasi taimi, ma sa ma faalogoina le feei.

Sa ma taufetuli atu e vaai po o le a le mea na tupu ma iloa ai na matapogia le atalii faaletulafono o se tagata o le ekalesia ma ua manu’a. Sa matou valaauina se taavale a le falemai, ma sa tuuina atu e le peresitene o le paranesi ia te ia se faamanuiaga faaleperisitua. Na aoaoina a’u e lena mea e ui lava tatou te le iloa i taimi uma po o afea o le a tutupu ai mea faigata, ae e mafai lava ona tatou tumau i le faamaoni.