“24 Itula,” Mo Le Malosi o le Autalavou, Ape. 2024.

24 Itula

Saunia e Jessica Zoey Strong ma Kelsey Leigh Fackrell

O Mekasini a le Ekalesia

E tele mea e faia e lou tino mo oe i le 24 itula. O le a se mea e mafai ona e faia ai?

Manatunatu i le Mea Lenei:

Ma o nei mea uma e tupu e aunoa ma lou mafaufau i ai! Afai o loo e mafaufau i ai, e mafai e lou tino ona faia nisi mea se tele atu.

I le 24 itula e mafai ona e …

Savali i le 72 maila (115.873 km), pe tusa o le umi o le Motu o Okinawa i Iapani.
Taalo i taaloga faatonutonu soka e 12 (soka).
Usu pe ta faa 640 ia fuaiupu uma e tolu o le “O Au o se Atalii o le Atua.”
Tao kuki e 120 tasene.
Faitau atoa le Tusi a Mamona (pe tusa ma le 10 mataupu i le itula).
Sopoia faalua i le vaa alo le English Channel.
Matamata i ata tifaga e 12, vaega e 36 o se ata o le televise, po o le 2,880 ata pupuu i luga o ala o faasalalauga faa-agafesootai.
Vili le uila mai Rotterdam, i Netherlands, e oo atu i Peleseuma, e oo atu lava i Pale, Farani.
Matamata i sauniga uma mai le konafesi aoao ia Aperila ma Oketopa ua tuanai (ma le fa itula e avanoa!).
Faalogologo faa 35 i musika uma o le Autu a le Autalavou mo le 2023.

Ia tatou faamaoni la. Atonu o le a e le (ma e le tatau) ona e faia se mea se tasi mo le 24 itula sasao. Ae e mafai ona e filifili e faaaoga lou taimi e toe tuu atu ai se mea i le tino lea e tele mea o loo ia faia mo oe. O se tasi lea o auala e mafai ona e faaali atu ai i le Tama Faalelagi e te faafetai mo le meaalofa ua Ia tuuina atu ia te oe.

O Lou’ 24 Itula Maloloina

O lea la, ua i ai lau 24 itula i aso taitasi i lenei vaiaso (ma aso uma e sosoo ai!). E mafai faapefea ona e faamamaluina lou tino o se meaalofa paia mai le Atua?

O La’u sini:

Faataitaiga: Ia moe lelei.

Lisi ni faatinoga se tolu e mafai ona e faia i le 24 itula e galue ai agai i lau sini.

Faataitaiga: Faalogologo i musika toafimalie a o lei moe.

Faataitaiga: Tuu ese la’u telefoni i le 9:00 p.m.

Faataitaiga: Aloese mai le alovaa i le isi itu o le English Channel e faalua sosoo lava.

I le aluga o le vaiaso e sosoo ai, faailoga pe afai e te faamaeaina ia faatinoga na e lisiina i luga.

Aso Gafua
Aso Lua
Aso Lulu
Aso Tofi
Aso Faraile
Aso Toonai
Aso Sa

Na faape’i mai? E i ai se mea o le a e ese ona e faia i le vaiaso a sau?

Faaiuga

A o e tausia lelei lou tino, o le a faamanuiaina oe faaletino ma le faaleagaga. Ma o le a sili atu ona mafai ona e iloa le Agaga ma faia le finagalo o le Tama Faalelagi.

“Tou te le iloa ea, o lo outou iino o le malumalu lea o le Agaga Paia ua i totonu ia te outou? … O lea ia viia le Atua i o outou tino, ma o outou agaga, o mea a le Atua ia” (1 Korinito 6:19–20; tagai foi i le Mataupu Faavae ma Feagaiga 89).

Ma, e pei ona saunoa mai Peresitene Russell M. Nelson, “I le tuuina mai ia i tatou o le meaalofa o se tino, ua faatagaina ai e le Atua i tatou e faia se laasaga taua agai atu i le avea atili e faapei o Ia” (“E Mafai Ona Tatou Faia ia Lelei Atu ma Ia Tatou Lelei Atu,” konafesi aoao Ape. 2019 [Ensign po o le Liahona, Me 2019, 68]).