“O le a ‘le tagata natura’?,” Mo Le Malosi o le Autalavou, Ape. 2024.
Tuusao i le Mataupu
O le a “le tagata natura”?
Mai le Tusi a Mamona ua aoao mai ai le Tupu o Peniamina, “O le tagata natura o se fili i le Atua” (Mosaea 3:19). O le upu tagata natura e faamatalaina o “se tagata ua filifili e tosinaina o ia i losivalega, manaonaoga, tuʼinanauga, ma lagona uma faaletino nai lo musumusuga a le Agaga Paia” (Taiala i Tusitusiga Paia, “Tagata Natura,” Potutusi o le Talalelei).
Ona o le Pa‘u o Atamu ma Eva, ua tatou fananau mai ai i lenei lalolagi ma ni tino e i ai mea e manaomia ma moomia. E i ai so tatou manao faalenatura e fafaga o tatou manaoga ma saili atu ia lagolelei ma tuinanau o ituaiga uma. Ae o le “faalenatura” e le faapea o taimi uma e uiga ai o le “lelei.” Afai tatou te le pulea o tatou manaoga faalenatura—afai e na o mea faalenatura tatou te gauai atu i ai ma le amanaia mea faaleagaga—e avea i tatou ma tagata manatu faapito, agasala, agaleaga, ma lotomaaa.
Ina ia faatoilaloina le tagata natura, e tatau ona tatou toefanauina faaleagaga e ala ia Iesu Keriso ma Lana taulaga togiola. E tatau ona tatou faalogo i le Agaga Paia ma tausi poloaiga a le Alii. E tatau ona avea i tatou “e pei o se tamaitiiti, e usiusitai, agamalu, lotomaualalo, onosai, tumu i le alofa, loto e usiusitai” i le finagalo o le Alii (Mosaea 3:19).