Leinata B.

12, La Pasi, Polivia

ʻĪmisi

finemui

Naʻe fakamamahiʻi au ʻi he akó pea ʻi he ʻinitanetí. Naʻá ku tala ki heʻeku ongomātuʻá ʻa e meʻa naʻe hokó, pea naʻá na tokoniʻi au. Pea ʻi he ʻaho kotoa pē naʻá ku lotu ki he Tamai Hēvaní ki ha vā fetuʻutaki lelei ange mo hoku ngaahi kaungāmeʻá pea ke u mālohi ke fehangahangai mo e meʻa naʻá ku fouá. Naʻá ku ongoʻi ha nonga, pea ko e taimi ní ʻoku fakaʻau ke lelei ange ʻa e ngaahi tūkungá. ʻOku ou ako ke fakamolemoleʻi ʻa e kau houtamakí pea ke ʻoua naʻá ku tukulotoʻi e ʻitá.

Kuó u aʻusia ha ngaahi meʻa kehe ʻa ia naʻe tokoniʻi ai au ʻe he ʻOtuá. ʻOku ou fai maʻu pē ha lotu ʻi he taimi ʻoku ou fakaʻaliʻali pālei (ballet) aí, koeʻuhí he ʻoku ou faʻa ilifia. ʻOku faʻa hoko maʻu pē ʻeku fakakaukau ki he Tamai Hēvaní ke u ongoʻi ha nonga lahi ange. Naʻá ku ako tā-piano foki kae ʻoua kuó u lava ʻo tā ʻi he lotú. Neongo kapau he ʻikai ke lelei ʻaupito ʻeku fakahoko iá, ka naʻá ku fai hoku lelei tahá peá u sio tonu ki he ngaahi tāpuaki mei he ʻEikí.