Sivi Fakatuʻupakeé mo e Lotú

Tayana C., taʻu 17, ʻApitisani, Kouti Tivolī

ʻĪmisi

finemui

Faitā ʻa Ebick Ngoma

Naʻá ku ongoʻi mafasia kimuí ni mai ʻi he ʻikai ke u maʻu ʻa e maaka naʻá ku fiemaʻú. Naʻá ku fakakaukau ki ai peá u fakatokangaʻi hake ʻoku ʻikai ke u fai ʻeku lotú pe lau ʻeku folofolá. Ko ia naʻá ku fakakaukau leva ke u lau ʻa e folofolá mo lotu ʻi he pongipongi kotoa pē. Naʻe ʻikai fuoloa kuo kamata ke fakalakalaka hoku māká. Kuo tokoniʻi moʻoni au ʻe he lau folofolá mo e lotú.

Naʻe ʻi ai ha foʻi taimi naʻe fai ai haʻamau kiʻi sivi fakatuʻupakē ʻi he akó. Naʻe teʻeki ai pē ke u ako au. Naʻe ʻikai pē ke ʻi ai ha taha ia ʻe ako—naʻe fakaʻohovaleʻi kimautolu ʻe he faiakó. Naʻe kamata ke faʻifaʻitaki ʻa e tokotaha kotoa pē ʻi he siví. He ʻikai ke u loi—naʻá ku loto moʻoni ke u faʻifaʻitaki. Ka naʻe ʻi ai ha meʻa naʻá ne talamai kiate au, “Kuo pau ke ke tangutu hifo ʻo fai ho lelei tahá ʻaki ʻa e meʻa ʻokú ke ʻiló.” Ko ha kihiʻi leʻo vaivai ia. Naʻá ku ongoʻi mafasia, ka naʻe fakanonga ʻe he leʻó hoku lotó. Ko ia ai, naʻe ʻikai ke u sio ki he toʻohemá, pea naʻe ʻikai ke u sio ki he toʻomataʻú. Naʻá ku tali ʻaki pē ʻa e meʻa naʻá ku ʻiló. ʻI he ikuʻangá, ko au toko taha pē naʻá ku maʻu ha maaka māʻolungá. ʻOku ou fiefia ʻi heʻeku fakafanongo ki he Laumālie Māʻoniʻoní.