Forca e Heronjve

Nga Brin Uenglëri

Revistat e Kishës

Heronjtë e Librit të Mormonit kishin nevojë për forcë gjithashtu dhe Jezu Krishti ishte burimi i saj. Si mund të marrësh nga forca e Tij siç bënë këta heronj?

Nefi: Zbulesa (1–2 Nefi)

Largimi nga shtëpia, ndeshja me sfida familjare dhe përballja me të panjohurën mund të jenë të vështira. Por kur e vuri besimin e tij te Zoti, Nefi mësoi të kërkonte zbulesë dhe të mirëbesonte se Zoti do t’ia rrëfente udhën.

Alma dhe Bijtë e Mosias: Pendimi (Mosia 27–28; Alma 36)

Duhet forcë për t’u penduar dhe për të pranuar se e kishe gabim. Pasi ky grup shokësh përjetoi një thirrje të fuqishme për pendim, ata u kthyen te Jezu Krishti dhe gjetën forcë të madhe. Ata plot guxim hoqën dorë nga jeta e tyre e mëparshme dhe me besim i shërbyen Zotit dhe ndihmuan njerëz të tjerë të bënin të njëjtën gjë. Ata gjetën gëzim të madh.

Luftëtarët e Rinj: Duke Luftuar Betejat e Jetës (Alma 53; 56–57)

Jeta ka beteja të të gjitha llojeve. Kur këta të rinj u përballën me beteja, ata mbajtën mend atë që nënat e tyre ua mësuan rreth ungjillit dhe luftuan “me fuqinë e Perëndisë” (Alma 56:56).