Fesootai

Isaac J.

12, Ausetalia Sisifo, Ausetalia

Ata na pueina e Yvonne O’Riordan

Ou te faia le tele o taaloga afeleti, e aofia ai le tamo’e (tu’uga) ma le togi pulu mamafa. I le amataga o tuu’ga uma lava ou te faia ai se tatalo vave ma ole atu i le Atua e fesoasoani mai ia te au. Sa i ai ni nai taimi sa ou manatu ai e leai se auala e mafai ona ou manumalo ai, ae na faamanuiaina au e le Atua ma fesoasoani ia te au e tulei i luma.

O nisi taimi sa i ai ni a’u uunaiga i taaloga. I se tasi taaloga togi pulu mamafa, na tu’u ai oute faia se metotia faapitoa, ae sa ou maua se lagona e faaaoga se isi auala ese, ma sa ou manumalo!

Ou te iloa ou te lē manumalo ai pea i taaloga i taimi uma, ma e le afaina lena mea. Ae ou te manatu e popole le Tama Faalelagi i lou atinaega faaletagata lava ia. E popole o Ia i mea uma i o tatou olaga. Na te tuuina mai meaalofa i tagata, ma e popole o Ia i a’u meaalofa.

E popole le Tama Faalelagi i lo’u tuputupu a’e faaletagata lava ia.

O Ausetalia e i ai le Great Barrier Reef (Ā’au Tele), lea e tusa ma le 4,000 ituaiga o i’a eseese e maua ai.

Afai e te asiasi i se matafaga se tasi o Ausetalia i aso taitasi, o le a alu ai le silia ma le 30 tausaga e asiasi ai i matafaga uma lava.

E tusa ma le 40 miliona tagalu ma e le itiiti ifo ma le 1 miliona kamela i Ausetalia.