Tuusao i le Mataupu
E faapefea ona ou tali atu i tagata o ē faitioina le Ekalesia?
Pe a faitioina e tagata le Ekalesia, “amata i le faamautinoaina ua musuia au upu ma faatinoga e ala i le alofa mo le Atua ma Ana fanau” (Mo Le Malosi o le Autalavou: O Se Taiala mo le Faia o Filifiliga [2022], 33). Taulai atu i uiga auaumama paia o Iesu Keriso. Ia i ai le faatuatua, faamoemoe, onosai, ma le alofa faapea foi ma le poto, atamai, ma le agaalofa.
I tua atu o lena, o nisi nei o fesili e fesili ifo ai ia te oe lava:
Aisea ua latou faia ai? O le iloaina o mea e faaosofia ai tagata e mafai ona fesoasoani ia te oe e iloa ai le ala e tali atu ai. Pe o latou sailia ea ma le faamaoni le upumoni ae ua latou maua ni faamatalaga le lelei? Pe o latou taumafai ea ia maua se tali ma fatuina ni finauga? Pe o latou taumafai ea e puipui o latou lava talitonuga e ala i le osofaia o i tatou?
O le a le ituaiga o tali o le a sili ona fesoasoani ia i latou po o isi? Saili i le taitaiga a le Agaga Paia. I nisi o tulaga, atonu e sili ona lelei mo oe le le tali atu. O nisi taimi o le tuuina atu o le molimau ma le faaalia o le alofa e na o le pau lea o le mea e manaomia ona e faia. O isi taimi, o se tali e sili atu ona maeaea lelei atonu o le measili lena. Pe a faia lenei mea, manatua “Puipui o outou talitonuga i le amio solia ma le agaalofa, ae ia puipuia i latou” (Jeffrey R. Holland, konafesi aoao Ape. 2014 [Ensign po o le Liahona,, Me 2014, 9]).