Fakafehokotaki

Isaac J.

12, ʻAositelēlia Hihifo, ʻAositelēlia

talavou

Faitaaʻi ʻe Yvonne O’Riordan

ʻOku lahi ʻa e ngaahi sipoti ʻatelita ʻoku ou kau ki aí, ʻo kau ai ʻa e lelé mo e tolo meʻa mamafá. ʻOku ou fai ha kiʻi lotu nounou kimuʻa ʻi he lova kotoa pē ʻo kole ki he ʻOtuá ke ne tokoniʻi au. Kuo ʻi ai ha ngaahi taimi naʻá ku fakakaukau ai he ʻikai ha founga te u lava ai ʻo ikuna, ka naʻe tāpuekina au ʻe he ʻOtuá mo tokoniʻi au ke u kātekina pē.

ʻOku ʻi ai ha ngaahi taimi ʻoku ou maʻu ai ha ngaahi ueʻi kau ki he sipotí. Naʻe hoko tuʻo taha ia ʻi ha tolo meʻa mamafa ʻe taha, naʻe totonu ke u fai ai ha foʻi founga pau, ka naʻá ku maʻu ha ongo ke fakaʻaongaʻi ha founga kehe, pea naʻá ku ikuna!

ʻOku ou ʻilo he ʻikai ke u ikuna ʻi he sipotí ʻi he taimi kotoa pē, pea ʻoku sai pē ia. Ka ʻoku ou tui ʻoku tokanga mai ʻa e Tamai Hēvaní ki heʻeku fakalakalaka fakataautahá. ʻOkú Ne tokanga mai ki he meʻa kotoa pē ʻi heʻetau moʻuí. ʻOkú Ne ʻomi ha ngaahi meʻafoaki ki he kakaí, pea ʻokú Ne tokanga ki heʻeku ngaahi meʻafoakí.

ʻOku tokanga mai ʻa e Tamai Hēvaní ki heʻeku fakalakalaka fakatāutahá.

Ko ʻAositelēlia ʻa e feituʻu ʻoku ʻi ai ʻa e Hakau ko e Great Barrier, ʻa ia ʻoku meimei ke ʻi ai ha kalasi ika kehekehe ʻe 4,000.

Kapau te ke ʻaʻahi ki ha matātahi ʻe taha ʻi ʻAositelēlia ʻi he ʻaho takitaha, ʻe aʻu ʻo taʻu ʻe 30 tupu peá ke toki lava ʻo sio kotoa ʻi he ngaahi matātahí.

ʻOku fakafuofua ki he kangakalū ʻe 40 miliona mo e kāmeli ʻe 1 miliona ʻi ʻAositelēlia.