Ngaahi Lea ke Moʻui ʻAkí

Ko Hotau Takaua Maʻu Pē

Fai ʻe Palesiteni Henry B. Eyring

Tokoni Ua ʻi he Kau Palesitenisī ʻUluakí

Toʻo mei ha lea ʻi he konifelenisi lahi ʻo ʻOkatopa 2023.

ʻOku tau fie maʻu ʻa e takaua maʻu pē ʻo e Laumālie Māʻoniʻoní. ʻOku tau fie maʻu ia, ka neongo iá ʻoku ʻi ai ha ngaahi meʻa ʻoku tau fakakaukau ki ai, lea ʻaki, mo fai ʻi heʻetau moʻui fakaʻahó te ne lava ʻo tuli e Laumālié.

Kapau ʻoku faingataʻa ke ke ongoʻi ʻa e Laumālie Māʻoniʻoní:

• Fakalaulauloto pe ʻoku ʻi ai ha faʻahinga meʻa ʻe fie maʻu ke ke fakatomala ai pea maʻu ha fakamolemole.

• Lotu ʻi he tui ke ʻiloʻi ʻa e meʻa ke fai ke maʻa aí.

Kapau ʻokú ke loto ke maʻu e takaua ʻo e Laumālie Māʻoniʻoní:

• Kuo pau ke ke fie maʻu ia koeʻuhí ko ha ngaahi ʻuhinga totonu.

• Ko e kií ke loto ke maʻu ʻa e meʻa ʻoku finangalo ki ai ʻa e Fakamoʻuí.

• ʻOku ou feinga ke manatuʻi ʻa e feilaulau ʻa e Fakamoʻuí pea mo ʻene ʻofa ʻiate aú.

ʻE makehe hoʻo ngaahi aʻusiá, pea ʻe tataki koe ʻe he Laumālié ʻi he founga lelei taha ʻe feʻunga mo hoʻo tuí mo e malava ko ia ke maʻu ha fakahaá. ʻOku ou lotua ʻaki hoku lotó kotoa ʻe tupulaki hoʻomou loto-falalá.

Mahalo ʻe faingataʻa ki ha kakai ʻe niʻihi ke nau ongoʻi ʻa e Laumālié koeʻuhí ko ha ngaahi ʻuhinga ʻoku ʻikai ke ʻi ha haʻane kaunga ʻana ki heʻenau angatonú, hangē ko e faingataʻaʻia fakaʻatamai mo fakaelotó. Ki ha tokoni mei he ngaahi aʻusia ko ʻení, ʻaʻahi ki he mentalhealth.ChurchofJesusChrist.org.