Mga Pulong nga Naggiya og Maayong Kinabuhi

Atong Kauban sa Kanunay

Ni Presidente Henry B. Eyring

Ikaduhang Magtatambag sa Unang Kapangulohan

Gikuha gikan sa pakigpulong sa Oktubre 2023 nga kinatibuk-ang komperensiya.

Gikinahanglan nato ang kanunay nga pakig-uban sa Espiritu Santo. Nagtinguha kita niini, apan matag usa kanato maghunahuna, mosulti, ug mobuhat og mga butang sa atong inadlaw nga pagpakabuhi nga makapasilo sa Espiritu.

Kon naglisod kamo sa pagbati sa Espiritu Santo:

• Pamalandongi kon duna bay bisan unsang butang nga mahimo ninyong mahinulsolan ug makadawat og kapasayloan.

• Pag-ampo uban ang hugot nga pagtuo nga masayod kon unsay buhaton aron malimpyohan.

Kon gusto ninyong madawat ang pagpakig-uban sa Espiritu Santo:

• Kinahanglan gustohon ninyo kini alang sa husto nga mga rason.

• Ang mahinungdanon mao ang pagtinguha sa unsay tinguha sa Manluluwas.

• Gipaningkamotan nako ang paghinumdom sa sakripisyo sa Manluluwas ug sa Iyang gugma alang kanako.

Ang inyong mga kasinatian mahimong talagsaon, ug ang Espiritu mogiya kaninyo sa dalan nga haom kaayo sa inyong hugot nga pagtuo ug kapasidad sa pagdawat og pagpadayag. Ako nag-ampo sa tibuok nakong kasingkasing nga ang inyong pagsalig molambo.

Ang ubang mga tawo mahimong naglisod sa pagbati sa Espiritu tungod sa mga rason nga walay kalabotan sa ilang pagkamatarong, sama sa mga hagit sa hunahuna ug emosyon. Alang sa tabang niini nga mga kasinatian, bisitaha ang mentalhealth.ChurchofJesusChrist.org.