Tū’ati
James B.
13 matahiti, Rizal, Firipino
’Aita i maoro a’enei, ’ua haere mātou i te hiero nō te hō’ē ’ātivite pāroita, nō te rave i te mau bāpetizora’a nō te feiā i pohe. Te hiero ’o te fare ïa o te Atua, ’e i reira e putapū vau i te hau ’e te ’oa’oa.
E tauturu ato’a te mau pāpa’ira’a mo’a iā’u ’ia tāmarū i tō’u urupu’upu’u. Te tai’ora’a i te reira e fa’aha’amana’o iā’u ē, e’ita roa te Metua i te ao ra ’e ’o Iesu Mesia e fa’aru’e iā’u. E uira’a ana’e tā’u ’aore rā ’aita vau i ’ite e aha te mea e rave i te fare ha’api’ira’a, e ’ite au ia Rāua ’ia arata’i iā’u ’e ’ia tauturu iā’u. Mai te mea tē vai rā tā’u hi’opo’ara’a ’aore rā ’aita vau i māramarama i te tahi ’ohipa, e pure au nā mua i muri iho e rave au i tā’u tuha’a nō te tāmau i te ha’api’ira’a.
’Ua here roa tō tātou Metua i te ao ra ’e ’o Iesu Mesia ia tātou. E ti’a ia tātou e ha’amana’o noa ia rāua ’e ’eiaha tō tātou fa’aro’o ’ia morohi. E nehenehe tātou e tātarahapa mai te mea tē vai rā te mau mea hape tā tātou i rave. Mai te mea e ha’apa’o maita’i tātou, e ’ite tātou ia Rāua i pīha’i iho ia tātou.