Mata’u i te tātarahapa ?

Jessica Zoey Strong

Te mau ve’a a te ’Ēkālesia

’Ia au i te peresideni Russell M. Nelson, teie ïa nō te aha ’aita e ti’a ia ’outou ’ia rave.

E aha te mea tā ’outou e mata’u nei ? Te fa’ahe’era’a teitei tāviriviri ? Te piha ha’api’ira’a nūmerara’a ? Tāmatara’a i te hāro’aro’a ia Isaia ?

E aha te tātarahapa ? Mai te mea e hōro’a mai te mana’o e tātarahapa ia ’outou e tāpuni i raro a’e i tō ’outou paraitete ’aore rā ’ia ’amu rahi i te tōtōra, nō ’outou teie parau pāpa’i ve’a.

« Tē tāparu nei au ’eiaha e mata’u ’aore rā e fa’atāere i te tātarahapa », ’ua parau peresideni Russell M. Nelson. ’E te tumu mau. Teie te tahi mau mea e riro ai te tātarahapa ’e e ’ore ai e riro, ’ia au i te peresideni Nelson.

Fa’ahōho’ara’a nā Corey Egbert

Te tātarahapa : Nō te tā’āto’ara’a.

E ’ERE te tātarahapa : Nō te feiā « ’ino » ana’e.

« ‘E tītauhia ānei i te tā’āto’ara’a ’ia tātarahapa ?’ Te pāhonora’a ’ē ».

« E tītauhia te tātarahapa nō te mau ta’ata mana’o pa’ari ato’a e hina’aro nei i te hanahana mure ’ore.« »’Aita e fa’ata’ara’a […]« »Te tātarahapara’a ’o te tāviri ïa nō te haerera’a i mua ».

Te tātarahapa : E rāve’a nō te ha’amaita’i iāna iho i te mahana tāta’itahi.

E ’ERE te tātarahapa : I te hō’ē ’ohipa varavara nō te mau hara « rarahi » noa.

« ’A fa’a’ohipa i te mana ha’apūai o te tātarahapa tāmahana—i te ravera’a ’e te rirora’a ’ei mea maita’i iti a’e i te mahana tāta’itahi.

« ’Ia mā’iti ana’e tātou e tātarahapa, tē mā’iti ra ïa tātou ’ia taui ! E fa’ati’a tātou i te Fa’aora ’ia taui ia tātou ’ei hōho’a maita’i a’e ia tātou iho.

« … ’Aita te Fatu e tītau nei i te fāito maita’i roa ia tātou, i teie huru o tō tātou haerera’a i mua mure ’ore. Tē tītau nei rā ’oia ia tātou ’ia riro rahi atu ā e mea vi’ivi’i ’ore ».

Te tātarahapa : E rāve’a nō te putapū i te hau ’e te ’oa’oa.

E ’ERE te tātarahapa : Nō te fa’atupu i te mana’o ha’amā ’e te mata’u.

« Te tātarahapa […] ’o te tāviri ïa nō te ’oa’oa ’e te mana’o hau.

« ’Ia mā’iti ana’e tātou e tātarahapa […] tē mā’iti ra tātou ’ia tupu i te rahi i te pae vārua ’e ’ia fa’ari’i i te ’oa’oa—te ’oa’oa nō te fa’aorara’a i roto [ia Iesu Mesia] ». (Hi’o ato’a Alama 36:17–23.)

Te tātarahapa : E ha’amaita’ira’a nō ’ō mai i te Metua i te ao ra ’e i te Fa’aora, tei here ia tātou.

E ’ERE te tātarahapa : I te hō’ē fa’autu’ara’a.

« E rave rahi roa te ta’ata e fa’ariro nei i te tātarahapa mai te fa’autu’ara’a—te hō’ē ’ohipa e ’ape atu ’eiaha rā i roto i te mau tupura’a teimaha roa. Nā Sātane rā e fa’atupu nei i teie nino’a mana’o nō te utu’a. Tē tāmata nei ’oia i te ’ōpani ia tātou ’ia hi’o atu i ni’a ia Iesu Mesia, ’o tē ti’a nei ma te rima mahora, ma te tīa’ira’a ’e ma te hina’aro e fa’aora ia tātou, e fa’a’ore tā tātou hara, e tāmā, e ha’apūai, e ha’avi’ivi’i ’ore ’e e ha’amo’a ia tātou ».

’Outou : tei hina’arohia i roto i te ’Ēkālesia a te Fatu.

’AITA ’outou : i ātea roa nō te tātarahapa.

« Mai te mea noa atu tē mana’o rā ’outou ē, ’ua ātea roa ’outou ’aore rā ’ua maoro roa tō ’outou haerera’a nā rāpae i te ’ē’a nō te fafaura’a, tē ha’apāpū atu nei au ia ’outou ē, e’ita te reira i te parau mau.« »« Nā roto i te tāra’ehara a Iesu Mesia, e riro mai tō ’outou ananahi ’ei mea fa’ahiahia—e ’ana’ana noa atu ».« »’A paraparau i tō ’outou nā metua ’e i tō ’outou ’episekōpo ’aore rā i te peresideni ’āma’a […]« »’A ho’i mai i te ’oa’oa ’e i te pārurura’a o te ’ē’a nō te fafaura’a.« »Tē hina’aro nei mātou ia ’outou i rotopū ia mātou ».

’A fa’ari’i i te hōro’a maita’i roa a’e a te Atua

Nō reira, ’ua ineine ’outou i te ti’aturi i te Fa’aora ’ia upo’oti’a i ni’a i tō ’outou mata’u ’ia tātarahapa ? E’ita ’outou e tātarahapa.

Tē nā ’ō rā peresideni Nelson : « Nō te mea ’ua hina’aro te ao nei ’ia fa’aorahia ’oia, ’e nō te mea ho’i ’ua hina’aro ’outou ’e ’o vau nei ’ia fa’aorahia, ’ua tono mai tō tātou [Metua i te ao ra] i te hō’ē Fa’aora nō tātou.

« […] E fa’ari’i tātou i te hōro’a maita’i roa ’e te faufa’a rahi a te Atua.« »E tu’u tātou i te teiaha o tā tātou mau hōpoi’a ’e tā tātou mau hara i te pae ’āvae o te Fa’aora ’e ’ia tāmata ho’i i te ’oa’oa e tae mai nā roto i te tātarahapa ’e te tauira’a ».

Mai te mea ’aita ’outou e pāpū rā ē, ’ua fa’a’orehia tā ’outou mau hara i muri a’e i tō ’outou tātarahapara’a, ’a tai’o i teie parau.

Fa’ata’ara’a

1. Russell M. Nelson, « Te mana o te haerera’a i mua i te pae vārua, ’āmuira’a rahi nō ’Ēperēra 2022 (Liahona, Mē 2022, 98).

2. Russell M. Nelson, « E nehenehe tātou e rave maita’i a’e ’e e ha’amaita’i ia tātou », ’āmuira’a rahi nō ’Ēperēra 2019 (Ensign ’aore rā Liahona, Mē 2019, 67).

3. Russell M. Nelson, « Te mana o te haerera’a i mua i te pae vārua » (98).

4. Russell M. Nelson, « E nehenehe tātou e rave maita’i a’e ’e e ha’amaita’i ia tātou », (67-68).

5. Russell M. Nelson, « E nehenehe tātou e rave maita’i a’e ’e e ha’amaita’i ia tātou » (67).

6. Russell M. Nelson, « E nehenehe tātou e rave maita’i a’e ’e e ha’amaita’i ia tātou » (67).

7. Russell M. Nelson, i roto i te ha’apurorora’a video « Worldwide Day of Testimony : I Can Do All Things through Christ », broadcasts.ChurchofJesusChrist.org.

8. Russell M. Nelson, Instagram, 24 nō Tītema 2021, instagram.com/russellmnelson.