Lukkuun Ruj n̄an Al kōn Tōmak
Jen Elder Quentin L. Cook
Jen Doulul eo an Jon̄oulruo Rijilōk ro
Anij ej iakwe aolep ajri ro Nejin. Ej kōņaan bwe aolep ren jepļaakļo̧k n̄an Ippān. Ej kōņaan bwe kajjojo ren lukkuun eruj n̄an al kwojarjar kōn tōmak.
Ke Rutiej ro an Kabun̄ in raar kweilo̧k ippān membōr ro peļaakin laļ in, kōm̧ Rutiej ro an kabun̄ in kōm̧ make ar lo ekōjkan an Armej ro Rekwojarjar ilo Raan‐ko Āliktata kajieon̄ n̄an kōm̧m̧an em̧m̧an. Rutiej ro an Kabun̄ in kōm̧ij nepar kom̧ kōn aolep men kom̧ij kōm̧m̧ani n̄an kōjeram̧m̧an mour ko an aolep armej.
Kōm̧ rutiej ro an Kabun̄ in me rej ijjitōn̄ n̄an public affairs rej lukkuun elowetak kōn elōn̄ ļōmņak ko rem̧m̧an me reim̧we armej ro jet, im jikin bwebwenato ko lo US im peļaakin laļ in kar laļo̧k aer kōnono kōn Kabun̄ in im membōr ro ie. Juon menin kōnono eo ejejjet kar ejadmetmet e bōk rekoot eo an Kabun̄ in.1
Elōn̄ ro raar jeje kōn Kabun̄ in em̧ōj aer kōm̧m̧ane juon kijejeto eo em̧ool n̄an meļeļe kōn armej ro ad im katak ko ad. Raar ippān doon im kar kajieon̄ in jurake, eo me jej m̧ōņōņō kake.
Jej barāinwōt kile bwe elōn̄ kajjojo ro rejjab maron̄ in meļeļe men ko rekwojarjar. Irooj Rabbi Lord Sacks an England, ar kōnono n̄an ritōl ro an Roman Catholic ilo Tijem̧ba eo lo̧k ilo Pontifical Gregorian University, kar kakememej wāween m̧ōttan ko an laļ in rej jino erom. Eaar kwaļo̧k bwe ej juon menin jum̧ae n̄an ro rejjab kaorōk tōmak ak kabun̄ ro rej keidi armej ro me rejjab maron̄ ron̄ oktak ko ikōtaan al ko.”2
Kadkad in visōn eo eļap ilo Bok in Mormon ej ettōņak eo an Liai kōn wōjke in mour eo. 3 Visōn in ekalikar kōmeļeļe ko kōn idajon̄jon̄ ko an tōmak me rej waļo̧k ilo raan kein ad im kōtaan eo eļap ro me rej iakwe, kabun̄-jar, im en̄jake em̧m̧an n̄an Anij im ro me rejjab. Liai eaar kōmeļeļeik jet iaan ko̧kkure ko me rejelet tōmak. Jet relem̧ōņōņō, metak, im bwebwe.4 Rej itok limo wōt kōn ta ko rej ļōmņaki kōn jeļāļo̧kjeņ eo an laļ in. Jet rej itok limo ilo Anij ijoke rej jebābwe ilo tab in marok lep eo im jerawiwi.5 Jet raar edjon̄e iakwe eo an Anij im naan eo An ak raar jook kōn wōt aer kajjirere kake er im raar wōtļo̧kļo̧k ilo “iaļen ko remo im raar jabwābwe.”6
Āliktata, elōn̄ ro me rej lukkuun ruj n̄an al kōn tōmak. Kojeļā wōn kwe. Kwoj iakwe Irooj im ko̧jpeļ eo An im kajieon̄ n̄an mour im kwaļo̧k ennaan eo An, elaptata ippān baam̧le ko ami.7 Kwoj pād ilo mejatoto in im̧we eo an Jetōb, karuj eok n̄an kajoor in naan eo an Anij, bōk m̧ūtōn kabun̄ ko ilo m̧ōko im̧ōm̧i, im kajieon̄ n̄an mour āinwōt Kraist mour āinwōt rikaļoor ro An.
Kōm̧ij kile jon̄an boub ko ami. Kōn juon kwaļo̧k eo etinwadik ejjeļo̧k wōņāān, eddo eo n̄an kwaļo̧k kōn Kabun̄ in ej pedped wōt ioon membōr ro rekwojarjar. Kōm̧ jeļā ekkā wōt n̄an ro uwaan bisoprik eo im stake būreejtōnji eo im elōn̄ ro jet n̄an leļo̧k elap iien n̄an wūjļepļo̧k jerbal in. Radik im būreejtōnji ko an doulul ko rej waanjon̄ak ilo aer wūjļepļo̧k er make. Jerbal in im wūjļepļok ej ieokļo̧k aolepen membōr ro, n̄an ro rej dāpij rekoot ko, rūkaki in loļo̧k m̧oko im rūkaki in loļo̧k m̧oko an kōrā ro retiljek, im ro rej katakin kūlaj ko. Kōm̧ij m̧ōņōņō kōn ro rej peran ilo jerbal āinwōt Scout ak ritōl ro an nursery. Epād iakwe eo am̧ ippam̧ im kam̧m̧oolol kom̧ kōn ta eo kom̧in kōm̧m̧ane im wōn kom̧!
Kōm̧ij kile bwe ewōr membōr ro me edik aer itok limo̧ im dik aer tōmak ilo jet iaan katak ko an Rilo̧mo̧o̧r. Ikrelel eo ad ej n̄an membōr rein n̄an lukkuun karuj er kōn ko̧jpeļ im kōļapļo̧k aer m̧akūtkūt im kallim̧ur. Anij ej iakwe aolep ajri ro Nejin. E ej kōņaan bwe aolepeer ren jepļaak n̄an Ippān. E ej kōņaan bwe kajjojo ren pād ilo m̧ōņōņō kōn ko̧jpeļ in; bōk kōjeram̧m̧an ko an tōmak. Pinmuur eo an Rilo̧mo̧o̧r ej juon menin letok n̄an kajjojo.
Aikuj katakin im meļeļe bwe jej iakwe im kautiej aolep armej ro me Liai eaar kōmeļeļeik.8Kememej, ej jab ad pepe n̄an ekajet. Ekajet eo ej Irooj.9 Būreejtōn Thomas S. Monson eaar lukkuun kajjitōkin kōj n̄an bōk juon “peran n̄an ekajet e ro jet.”10 Eaar barāinwōt kajjitōkin kajjojo membōr ro retiljek n̄an lo̧mo̧o̧ren ro me raar edjon̄e leen wōjke eo innām kar wōtļo̧k, barāinwōt ro me raar jab lo iaļ in erānin̄ im eaidik. Kōm̧ij jar bwe renaaj dāpij wōt aen in debdeb eo im bōk m̧ōttan iakwe eo an Anij, eo enaaj kobrak “aer kōn eļap otem ļap lan̄lōn̄.”11
Visōn eo an Liai ekobaik aolep armej, eo eaorōktata ej unin katak eo ej indeeo eo an baam̧le. “Baam̧le eo ej ekkapit jān Anij. Ej m̧ōttan eo eaorōk tata ilo tōre in im indeeo im indeeo.”12 Ke Liai ar bōk m̧ōttan wōjke in mour eo (iakwe eo an Anij), eaar jino ikdelel bwe baam̧le eo an “en m̧ōn̄ā barāinwōt.”13
Ikdelel eo ad elap ej n̄an kōkkaajririik ajri ro nejid ilo m̧ool im ilo jim̧we. Juon pedped in katakin me enaaj jipan̄ kōj kadedeļo̧k men in ej n̄an bōbrae eļap ekajet kōn m̧wil me ebwebwe ak jab jim̧we ak jab lukkuun jerawiwi. Elōn̄ iiō ko lok, ke kōrā eo ippa im N̄a ar wōr nejim ajri ro ilo m̧weo, Elder Dallin H. Oaks eaar katakin bwe elukkuun in aorōk n̄an kile kōtaan bōd ko an jodikdik me eaikuj in kar kajjim̧we im jerawiwi ko me reaikuj jako im ukweļo̧k.14Ijo ewōr jameļeļe ie, ajri ro nejid reaikuj kōmeļeļe. Ijo ewōr jerawiwi ie, ukweļo̧k ej men eo aorōk.15 Kōm̧ eaar lo men in ke eaar lukkuun jipan̄ ilo baam̧le eo am make.
Kautiej m̧antūn kabun̄ ilo m̧weo eaar kōjeram̧m̧an baam̧le ko am. Waanjon̄ak eļap an aorōk tata. Ta eo jej kōm̧m̧ane enaaj im̧we ajri ro nejid eļapļo̧k jān naan ko ad; m̧akūtkūt ko ad me rekajoorļo̧k jān naan ko ad. Ke Iaar enan̄in lalem aō iiō, jinō eaar bōk ennaan eo ke ļaddik eo jatin eaar mej jān tariņae ijo eaar jerbal ie ijo ebo̧kļak in baam̧ eo eaar ejadmetmet iturear in Japan epaakeļo̧k jem̧ļo̧kin Pata eo an Laļin Kein Karuo.16 Ennaan in eaar kaburom̧ōj e. Eaar lukkuun burom̧ōj im eaar iļo̧k n̄an ruum̧ eo. Ālkin jidik iien Iaar reiļo̧k n̄an ruum̧ eo im loe ke eaar EM̧M̧AAN an pād. Eaar bukwelōlō iturin peet eo ilo jar. Juon aenōm̧m̧an eaar itok ioō kōnke eaar katakin eō kōn jar im iakwe Rilo̧mo̧o̧r. Eaar lukkuun waanjon̄ak eo me eaar aolep iien kwaļo̧k n̄an eō. M̧am̧a ro im baba ro rej jar ippān ajri ro nejier maron̄ ļapļo̧k jān jabdewōt waanjon̄ak.
Ennaan eo, kwaļo̧k, im Pinmuur eo an Jisōs Kraist, ad Rilo̧mo̧o̧r, ej juon m̧ōttan eo eaorōk kōn ta eo jeaikuj in kwaļo̧k e ilo baam̧le ko ad. Ejjeļo̧k eoon em̧m̧an ļo̧k an kōmeļeļeik tōmak in ad em̧m̧an lo̧k jen ke Nipai 2 Nipai 25:26: “Jej kōnono kōn Kraist, jej m̧ōņōņō ilo Kraist, jej kwaļo̧k kōn Kraist, jej kanaan kōn Kraist, im jej jeje ekkar n̄an kanaan ko ad, bwe ro nejid ren maron̄ jeļā n̄an ia rej maron̄ reilo̧k n̄an jeroļo̧k jerawiwi ko aer.”
Juon iaan pedped in katak ko ilo visōn eo an Liai ej bwe membōr ro retiljek reaikuj in jirok likatōtōt e aen in debdeb eo n̄an dāpij wōt er ilo iaļ eo erānin̄ im eaidik eo ej tōļo̧k n̄an wōjke in mour eo. Eaorōk bwe membōr ro ren riit, kejokļo̧kjeņ, im ekkatak jeje ko rekwojarjar.17
Bok in Mormon eļap an aorōk.18 Enaaj wōr, aaet, aolep iien ro me rej kōjekdoon aorōk eo an ak bōlen kananaik kwojarjar eo an bok in. Jet rej kajjirere kake. M̧okta jen mijen eo aō, juon rūkaki in university eo etijem̧ļo̧k eaar kwaļo̧k ennaan eo an Mark Twain bwe eļan̄n̄e konaaj bōk eoon eo “Im ālkin men kein” jān Bok in Mormon, enaaj kar bōlen bok bajjōk19
Jet allōn̄ tok ālik, ke ij jerbal e juon mijen ilo London, England, juon rūkaki eo etijem̧ļo̧k an Oxford ilo University eo ilo London, juon RiIjipt eo etijem̧ļo̧k ilo kajin ko, eaar riiti Bok in Mormon, kar kōnono ippān Būreejtōn David O. Mckay, im kar ioon mijenede ro. Eaar jiron̄ er ke ej kam̧ool bwe Bok in Mormon eaar juon ukook em̧ool kōn ekkatak in RiJew ro im kajin eo an RiIjipt n̄an tōre ko kar kōmeļeļeik ilo Bok in Mormon.20 Juon waanjon̄ak ilubwilijin elōn̄ eaar kōjerbal juon eoon me ej kobaik ļōmņak ko ilo juon jentōj “Im ālkin men kein,” eo me eaar ba ejatōltōl ekōjkan an naaj ukoote naan ko kōjerbali ilo jeje ko etto. Ritijem̧ļo̧k in eaar jeļā bwe epaaktok an iien n̄an kwaļo̧k ta eo eaar jipan̄ e, eaar earorōk wōt bwe en wōr juon jetōbin naan in kam̧ool.21 Ritijem̧ļo̧k eo eaar bōk ennaan bwe iien eo an jeļāļo̧kjeņ eaar pedped wōt ioon an jerbal eo an jipan̄ e, eaar aorōk bwe en wōr juon naan in kam̧ool an jetōb. Kōn ekkatak im jar eaar bōk juon jetōbin kam̧ool im kar peptaij. Ekwe juon eo ebun̄bun̄ eaar lo juon men in kajirere kake, juon eo etijem̧ļo̧k eaar kile aorōk eo an m̧ool eo kōn Bok in Mormon, eo me kar kam̧ool n̄an e kōn Jetōb.
Katak eo earorōk kōn anemkwoj in kālet eaikuj bwe juon naan in kam̧ool kōn ko̧jpeļ eo emōj an jepļaaktok me eaikuj in pedped wōt ioon tōmak ijeļo̧kin kam̧ool eo ejelet ekkatak in science ak ko itulik. Pedped wōt ioon men ko me rejjab lukkuun waļo̧k, āinwōt ekōjkan an verjin eo kōlo̧tak ak Jerkakpeje eo an Rilo̧mo̧o̧r kar kōm̧m̧an ak ekōjkan an kar Joseph Smith ukōt jeje ko ad rekwojarjar, rejamin naaj jelete ak kōm̧ōjņoik eddōkļo̧k eo ad ilo jetōb. Men kein rej an tōmak. Kōn men in, Moronai eaar kōketak n̄an riit im kejokļo̧kjeņ innām̧ kajjitōk ippān Anij kōn juon bōro em̧ool, kōn lukkuun kōttōpar, n̄an m̧ool ko an jeje ko rekwojarjar kōn kam̧ool eo an Jetōb ej uwaak eo.22 Ilo kakobaba, n̄e jej kōļapļo̧k ilo mour ko ad lukkuun aorōk ko an jeje ko rekwojarjar im mour kake ko̧jpeļ eo, jenaaj jeram̧m̧an kōn Jetōb im bōk m̧ōttan em̧m̧aan eo An kōn en̄jake ko an lan̄lōn̄, m̧ōņōņō, im eļaptata aenōm̧m̧an.23
Ealikkar, oktak eo ikōtaan ro me rej ron̄ tōmak in al eo im ro me rejjab maron̄ ron̄ oktak ko ikōtaan al eo ak jab‐jejjet. Ej niknik eo an ekkatak jeje ko rekwojarjar. Iaar lukkuun im̧we ilo iiō ko rem̧ootļo̧k me juon rikanaan eo ejitenbōro, Spencer W. Kimball, eaar kwaļo̧k aikuj eo n̄an wōnm̧aanļo̧k wōt im riit im ekkatak jeje ko rekwojarjar. Eaar ba: “Iaar lo ke Iaar jakutkut kōn jem̧jerā eo an ippān kwojarjar im ke eaar āinwōt ejjeļo̧k lo̧jiļn̄i eo ekwojarjar n̄an ron̄jake im ejjeļo̧k ainikien ekwojarjar ej kōnono, bwe Iaar etto ļo̧k, etto ļo̧k. Eļan̄n̄e Inaaj kōtļo̧k eō make n̄an riiti jeje ko rekwojarjar kōtaan eo eaidik im jetōb eo renaaj bar jepļaaktok.24
Ij kōjatdikdik bwe jenaaj riiti Bok in Mormon emakijkij ippān ajri ro nejid. Em̧ōj aō kōnono kake menin ippān ajri ro nejū make. Em̧ōj aer kwaļo̧k e n̄an eō ruo alen ko. M̧oktata, kakkōt ilo riiti jeje ko rekwojarjar aolep raan āinwōt juon baam̧le ej ki eo. Leddik eo nejū eaar kōmeļeļeļe ilo juon buruwōn meram kōn wāween aer riiti jeje ko rekwojarjar aolep jibbon̄ enan̄in aolep jodikdik ro kōn eļap kijejeto. E im ļeo pāleen rej rujļo̧k ilo jibbon̄, adimemej wōt n̄an dāpij wōt aen eo ej tōļļo̧k ilo jikin uwe eo n̄an ruum eo ijo baam̧le eo aer remaron̄ ippān doon n̄an riiti naan ko an Anij. Kakkōt ej uwaak eo, im juon meļeļe eo ejipan̄. Ebōk kijejetok eo eļap jān kajjojo ro uwaan baam̧le eo kajjojo raan, ak ewōr tokjeņ kijejeto. Pād bajjōk rej anjo̧ ioon kakkōt.
Eo kein karuo ej wāween an ļaddik eo nejūm ediktata im kōrā eo ippān riiti jeje ko rekwojarjar ippān baam̧le eo aer edik. Ruo iaan ajri ro nejier emen rejjab lukkuun rūtto n̄an riit. N̄an eo lalem an‐iiō‐rūtto in, ewōr kōkkaļe in lalem adin pā ko n̄an an uwaak n̄an an maron̄ bōk kuņaan ilo riiti jeje ko rekwojarjar an baam̧le. Kōkkaļe eo n̄an adi pā ko ej 1 n̄an an āliij, “ālkin men kein’’Jabdewōt ijo ej waļo̧k ilo Bok in Mormon. Ij kile im Ij iakwe n̄e naan in emakijkij an waļo̧k. Kōn menin, n̄an itok limo̧ eo an baam̧le ko reddik, kōkkaļe in adin pā eo 2 ej “Im āindein kōm ar lo”; adin pā ko 3,4, im 5 rej kālet jān ro jinen im jemān pedped wōt ioon naan ko repād ilo jepta ko me rej riiti.
Kōm̧ jeļā bwe ekkatak jeje ko rekwojarjar an baam̧le im nokon in jota an baam̧le rejjab aolep iien jejjet. Ekkar n̄an apan̄ ko kwoj jelm̧ae, kwon jab ebbwer.
Jouj im meļeļe bwe tōmak ilo Irooj Jisōs Kraist im kejparok kien ko An ej im aolep iien naaj jelet idajon̄jon̄ eo an mour wabanban in. Ijeļo̧kin aolep men, kajjojo iaad jeaikuj in kile bwe n̄e jejjab maron̄ kōjerbal tōmak. ļeo ak lieo ejjab pād ilo im̧we eo an Jetōb. Āinwōt an rikanaan Nipai katakin, “kom̧ ar ron̄ ainikien … ; im eaar kōnono n̄an ilo juon ainikien edik im emera, ak kom̧ ar eļļā jān en̄jake eo, ak kom̧ ar jab maron̄ en̄jaki naan ko an.”25
Katak eo ad ealikar; jej lukkuun in alikar im m̧ōņōņō. Jej kwaļo̧k ad tōmak, ejjab mijak ko ad. Jej m̧ōņōņō ilo Irooj bwe E enaaj jutak ippād im letok n̄an kōj im̧we im tōl.26 Jetōb Kwojarjar ej kam̧ool n̄an būruwōd bwe ewōr juon Jemed ilo Lan̄ eo eiakwe, eo karōk in tiriam̧o eo n̄an ad lo̧mo̧o̧r naaj kūrm̧ool ilo jabdewōt jekjek kōnke en̄taan in pinmuur eo an Jisōs Kraist.
Āinwōt an Naomi W. Randall, rūjeje eo an “N̄a Nejin Anij,” kar je, Jetōb eo An ej tōl eō, im An iakwe ej jiron̄ eō bwe mijak eo an enaaj jako n̄e inaaj niknik tōmak. ”27
Kōm̧m̧an bwe jen, kōn menin, jekdoon ia eo jepād ie ilo iaļen rūkaļoran ilo visōn eo an Liai, jerbale n̄an ruj ilo kōj make im baam̧le ko ad kōn juon ikidelel eo eļap n̄an bōk menin letok eo an Rilo̧mo̧o̧r kōn mour indeeo. Ij jar bwe jenaaj pād wōt ilo m̧ōņōņō kōn al eo an tōmak. Ij kam̧ool kōn kwojarjar eo an Jisōs Kraist im m̧ool eo kōn Pinmuur eo An ilo etan Jisōs Kraist, amen.