Ang Pagsakdag sang Mga Opisyales sang Simbahan
Ginpresentar ni Presidente Henry B. Eyring
Unang Manuglaygay sa Unang Pangulohan
Mga kautoran, si Presidente Monson nagpangabay nga karon igapresentar ko sa inyo ang mga General Authority, mga Area Seventy, kag kabilogan nga mga pangulohan sang auxiliary sang Simbahan para sa nagasakdag ninyo nga boto.
Ginapanugyan ini nga aton sakdagon si Thomas Spencer Monson bilang propeta, mananan-aw, kag manugbugna kag Presidente sang Ang Simbahan ni JesuCristo sang Mga Santos sa Ulihing Mga Adlaw; si Henry Bennion Eyring bilang Unang Manuglaygay sa Unang Pangulohan; kag si Dieter Friedrich Uchtdorf bilang Ikaduhang Manuglaygay sa Unang Pangulohan.
Yadtong nagapabor sarang magpakita sini.
Yadtong nagasupak, kon may ara, sarang magpakita sini.
Ang boto ginnotahan.
Ginapanugyan ini nga sakdagon naton si Russell M. Nelson bilang Presidente sang Korum sang Napulogduha ka Mga Apostoles kag ang mga masunod bilang mga miyembro sinang korum: Russell M. Nelson, Dallin H. Oaks, M. Russell Ballard, Robert D. Hales, Jeffrey R. Holland, David A. Bednar, Quentin L. Cook, D. Todd Christofferson, Neil L. Andersen, and, as new members of the Quorum of the Twelve, Ronald A. Rasband, Gary E. Stevenson, and Dale G. Renlund.
Yadtong nagapabor, palihog ipakita ini sa pagbayaw sang kamot.
Kon may nagasupak ipakita man.
Ang boto ginnotahan.
Ginapanugyan ini nga sakdagon naton ang mga manuglayagay sa Unang Pangulohan kag ang Korum sang Napulogduha ka Mga Apostoles bilang mga propeta, mananan-aw, kag manugbugna.
Ang tanan nga nagapabor, palihog ipakita ini.
Nagapamatok, kon may ara, sa amo man nga tanda.
Ang boto ginnotahan.
Bangud sila gintawag bilang mga miyembro sang Korum sang Napulogduha, ginabuy-an namon si Ronald A. Rasband bilang miyembro sang Pangulohan sang Kapitoan kag sanday Elder Rasband kag Elder Dale G. Renlund bilang mga miyembro sang Unang Korum sang Kapitoan.
Yadtong luyag magbuylog sa isa ka boto sang pagpasalamat ipakita ini.
Ginapanugyan ini nga aton pagabuy-an upod ang pagpasalamat sa ila debotadong pag-alagad sanday: Elder Don R. Clarke bilang isa ka miyembro sang Unang Korum sang Kapitoan kag sanday Elders Koichi Aoyagi kag Bruce A. Carlson bilang mga miyembro sang Ikaduhang Korum sang Kapitoan kag magkabig sa ila bilang mga emeritus General Authority.
Yadtong luyag magbuylog sa amon sa pagpasalamat para sa ila pinakamaayong pag-alagad, palihog ipakita ini.
Ginabuy-an man namon si Serhii A. Kovalov bilang isa ka Area Seventy.
Yadtong luyag magbuylog sa amon sa pagpasalamat sa iya pag-alagad, palihog ipakita.
Sa sining tion ginnotahan namon ang mga pagbuyi kanday Brother John S. Tanner bilang unang manuglaygay sa kabilogan nga pangulohan sang Sunday School kag Brother Devin G. Durrant bilang ikaduhang manuglaygay sa kabilogan nga pangulohan sang Sunday School. Sa nagligad nga pag-anunsyo, si Brother Tanner gintalana agud mag-alagad bilang presidente sang BYU–Hawaii.
Ang tanan nga luyag magbuylog sa amon sa pagpasalamat sa sining brethren para sa ila pag-alagad kag debosyon, palihog ipakita ini.
Si Brother Devin G. Durrant gintawag agud mag-alagad bilang unang manuglaygay sa kabilogan nga pangulohan sang Sunday School kag si Brother Brian K. Ashton agud mag-alagad bilang ikaduhang manuglaygay sa kabilogan nga pangulohan sang Sunday School.
Ang tanan nga nagapabor, palihog ipakita ini.
Yadtong nagasupak, kon may ara.
Ginapanugyan ini nga sakdagon naton ang iban nga mga General Authority, mga Area Seventy, kag kabilogan nga mga pangulohan sang auxiliary nga sa karon ginalakipan.
Ang tanan nga nagapabor, palihog ipakita ini.
Yadtong nagasupak, kon may ara.
Ang pagboto ginnotahan. Ginadapit namon yadtong nagsupak sa bisan diin nga ginpanugyan sa pagpakig-ugyon sa ila mga presidente sa stake.
Mga kautoran, ginapasalamatan namon ang inyo pagtuo kag mga pangamuyo sa luyo sang mga lider sang Simbahan.
Ginapangabay namon ang bag-o nga mga miyembro sang Korum sang Napulogduha ka Mga Apostoles nga maglingkod sa ila mga lugar sa entablado. May ara sila sang oportunidad nga magpamulong sa aton buas sa aga.