![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F4e%2F4b%2F4e4b85143db4ec317014ee506efe65845735fda4%2Fjared_b_larson_church_auditing_department_report.jpeg/full/!250,/0/default)
Report ti Auditing Department iti Simbaan, 2020
Iti Umuna a Panguluen ti Ti Simbaan ni Jesucristo dagiti Santo iti Ud-udina nga Aldaw
Patpatgen a Kakabsat: Iturong ti paltiing, kas nairekord iti benneg 120 ti Doktrina ken Katulagan, ti Konseho iti Pannakailako dagiti Sanikua a Naikkan iti Apagkapullo—a buklen ti Umuna a Panguluen, ti Korum dagiti Sangapulo-ket-dua nga Apostol, ken ti Presiding Bishopric—mangipalubos iti pannakabusbos dagiti pundo ti Simbaan. Ti entidad iti Simbaan ti mangbayad manipud kadagiti pundo a mayannurot kadagiti naaprobaran a badyet, annuroten, ken procedure.
Ti Church Auditing, a buklen dagiti propesional nga addaan kredensial ken saan nga agpannuray iti amin a dadduma pay a department ken entidad iti Simbaan, addaan iti pagrebbengan a mangaramid kadagiti panagawdit para iti panggep ti panangted iti nainrasonan a panagtalged maipanggep kadagiti kontribusion a naawat, dagiti nabusbos a kuarta, ken panangsaluad kadagiti sanikua [asset] ti Simbaan.
Maibatay kadagiti naaramid a panagawdit, ti Church Auditing addaan iti opinion nga, iti amin a napateg a detalye, dagiti naawat a kontribusion, nabusbos a kuarta, ken sanikua [asset] ti Simbaan para iti tawen 2020 ket nairekord ken natarawidwidan a mayannurot iti naaprobaran a badyet ti Simbaan, annuroten, ken kannawidan iti panagkuenta. Sursuroten ti Simbaan dagiti kannawidan a naisuro kadagiti miembrona iti panagbiag segun iti makaanay a badyet, panagliklik iti utang, ken panagurnong a para iti panawen ti panagkasapulan.
Sidadayaw a naisumite,
Church Auditing Department
Jared B. Larson
Managing Director