Diyin God bił Nijilnish

Elder Ulisses Soares Áyiilaa

Hastóí Naakits’áadah Yilt’áo Diyin yá Naazį́į

Jesus Christ bina’nitin nahasdzáán bikáá’ nináályáhíjí na’nitin éí asdzáán dóó hastiin éí ahił njinishgo ahił hiná, kwe’é iinánígíí dóó hool’áágóó iináanii.

T’áá ániidígo ahidiit’aashgo, she’esdzą́ą́’ dilní bee na’a’néjí bíhwiideeshááł jidííniid. Áko t’áá shí shijéí biyi’dóó t’ááłá’í baah diishłego yikee yaa tsídidoolyiz. Dilní nidahanííhdi níyáago dilní dilnániltąshígíí bá náhalnííh. Naaltsoos bik’ehgo nidahííniihígíí nizhónígo bił ásídis, áko yéigo yaa ahééh dínoolzį́į́ł dóó bahastiin éí áyóó’ábíní.

Aáh áýíilneełį́į́, dóó shinééłį́į́’, “Díí áyoi’ánolin ní,” nízhóní shiłní. Nt’ę́ę́’ nashideełkid: Dá’ díísh sha’íínilá át’é doodago bee ąąhąą’á’ígíí át’é?” Baa yeelt’į́, dóó éí dooda dííniid. Íídą́ą́’ doo lą’í nihibéeso hólǫ́ oltá’í níídlį́, háálá t’áá ániidígo ahaniit’aazh. Díí bits’ą́ą́dóó baa’ákoníízį́į́’ iigehjí hazhó’í ahiłneełnishgo she’adzan dóó ła’í niidlį́į́’ nihijéí dóó nihitsékees ałdó’ ahiłt’é.¹

Jesus Christ bina’nitin nahasdzáán yikáá’ nineedláhígíí éí asdzaaní dóó hastíín t’ááłá’í nilį́įgo áhił nijilnish, kwe’é jiiná dóó hool’áágóó jiinaa. Ázhą ła’ bił ééhózinii áłááh át’éíi ndi asdzaaní dóó hastiin t’áá ahíígha’go Diyin God k’ehji hool’áágóó ił hózhǫ́ binahat’á ba’áłchíní yeenilá.² T’óó háhoolzíish yę́ędą́ą́’ Diyin God aní, “diné t’áásáhí naagháago doo bá yá’át’éeh da; t’áá ákonéehee háká análwo’ dooleełii há ádeeshnííł.”³

Diyin God áníínígíí bik’ehgo Adam “bíká análwo’ dooleełii” dóó yił naa’aash dooleełígíí nilį́.⁴ Adam t’áá’ayisii hak’íhojisdlí Eve nizhónígo Adam áká análwo’. Eve, Diyin k’ehji yee hádit’éhígíí biniinaa Adam yił naalnishgo Diyin God éí binahat’á éí diné bił dooleeł yá ííyiilaa.⁵

Naaki t’áá ííyisíí binahjį’ iigehjí bidiizáh asdzání dóó hastiin yéigo bidziil yileeh. Ałtsé nanitinígíí éí “T’áá aniiltso áhíniilt’é, Diyin God ání.”⁶ Diné dóó asdzání Diyin God bina’nitin éí doo ałąą’át’éíí da, éí Diyin God yee hasdzíí’ hool’áágóó ba’áłchíní yił ałha’deet’ą́. Doo łah álááhda diyin bił haz’ą́ądi Celestial hoolyéedi baa nitsé’akees da, hool’áadijí nilį́įgo.⁷ Yisdá’iiníilii t’áá Bí Diyin God Ba’áłchíní t’áá aniiltso ání, shaa nahidookah, áko baa áyóó’ó’óó’ní nihí doo ní, dóó t’áá ałtso bá’ałchíní hágo yiłní doo yich’į́ yaah nich’į́ da.⁸ T’áá aniiltso áheełt’éego nihaa nitsíkees.

Díí házhó’ó áhidiit’aazhígíí nanitin yił bééhoozį́įhgo, áko doo ła’ áláahdi hóhoolníih da doo. Diyin k’ehjí ahaashní’ąąshgo doo łá’ aláahdi bóhóníih da, doo ła’ alą́ąjį’ yigáał da áádóó doo łá’ akéédę́ę́’ yigáał da. T’áá ałah ahiłgháago jo’aash doo, áhiłt’éego Diyin God bits’ą́ą́dę́ę́’ ájít’į́. Áko t’áá’ájiłah t’áá łá’í nahalingo nisíjíkees, dóó íínizinígíí éí Diyin God dóó Jesus Christ⁹ bik’ehgo ha’áłchíní náásgóó nazhnitin doo.

Bahastiin dóó be’esdzáán aheełt’éego, “ayóó’ó’ó’ní éí t’áá’ájiłah áhiłnijilnish, … Diyin God bił áłchíní haleeh biniyé.”¹⁰ “Hazhó’ógo iłákáígo, azhé’é dóó amá ahíłkááh anáhinilch’ééhgo nizhónígó diyin k’ehji ba’áłchíní hool’áágóó dah hináa doo, t’áá doo binilchééhii.”¹¹

Naaki góne’ na’nitinígíí éí Yisdá’iiníiłii dziłghą́ądi yee na’neezt’ą́ą́’, “Áádóó t’áá diné hach’į’ ádaaníił le’ danohsinígi át’éego, nihí ałdó’ t’áá ákót’éego bich’į’ ádaahnííł.”¹² Jó díí beehaz’áanii naaki góne’ aláahdi át’é. “T’áá ni ádíí’ní’nínígi át’éego bił kééhót’íinii ayóó’ííní’ní.” Éí na’nitin házhó’ó ahił ná’anishígíí át’é.¹³ Díí Christ da’oodlání yeehadahít’é, baa ádahwiinit’í, bich’í nahwii’ná, báádaat’e’ adin dóó ajóóba’.

Díí na’nitin hazhó’ó bik’idi’dootį́į́ł, éí tsídá ałtsé nihizhé’é Adam dóó nihimá Eve Diyin God yił áha’dadeest’ą́. Áko éí nizhdilt’é yę́ę ats’íís t’ááłá’í jizlį́į́’,¹⁴ nił nilį́į́ doo, aheehónidzin, aajooba’, dóó ayóó’ó’óó’ní, áko náánáła’ bee bits’íís yá’át’éehgo bá’ájósin ahiłgháago yoo’aashgo hool’áágóó iiná bich’į’jígo.

Díí éí ákot’áo áhiłjiskéé doo dííshjį́ éí biká’áhot’i’. Diyin Bighan góne’ asdzání dóó hastiin yił ahíbi’diiljééh éí hool’áágóó áhąą’ít’ąąsh Diyin God bił ahadeet’ą́’ígíí át’é. Diyin God bibee’adziil bik’ehgo hool’áágóó iiná dóó diyin be’adziil bik’ehgo ba’áłchíní nideenitin doo, Diyin God yił aha’deet’ą́ bik’ehgo. Éí bikéé’dóó, t’ááshá’i ch’íjí’ąąsh, Diyin God bił nijilnishgo hanaanish haayilyáígíí dóó ha’ałchíní diyin k’ehjí biyaah hójiiłaah dóó óhóniih aláájį’ bee jízį́.¹⁵ T’áá ajiłahjí ałká’aníjilwo’go amá dóó azhé’é, “ahidii’áazhgo éí t’áá áłah doo éí ałąą át’ée da”¹⁶ dóó t’áá álahjíłah aheełt’éego hoghaandi óholnííh hąąsilá.

“Ha’áłchíní dinisééh doo, jinízingo nizhónígo naashnitin dóó bikee’ jizį́ doo,” áko “diyin bina’nitinígíí t’áá’aanii át’éii bił bééhodoozįįł, áko Diyin God dóó Jesus Christ yoodląąh doo, dóó ayóó’ó’ó’ní hoghaandi bił na’nitingo. Hooghandi haz’ą́ądi azhé’é éí alą́ąji’ sizį́ ha’áłchíní Diyin God kééhat’ínídi bił nijikai dóó áadi bił dah hijináa doo. Díí éíyá biká’ánijilwó’go, dóó naahnitingo, haa áhwiinít’íígo dóó ayóó’ó’ó’ní bił na’nishtin doo. “Ha’áłchíní bił sodizin t’áá’akwííjį́ dóó diyin bina’nitin bee nanitin doo, dóó Diyin God bich’į’ ndahadláago ałdó’. Amá dóó azhé’é áhił naanishgo,” Jesus Christ yik’ehgo, “bi bee haazáanii yik’eh hół’į́įgo ííyiilaah.”¹⁷

Díí bahasteh hooghandi éí azhé’é bóhółnííh, sodinzinjí dóó diyin be’adziilígíí éí t’ááyó łahgo át’é.¹⁸ Hoghaandi amá dóó azhe’é binaanish ba’ałchíní yiyaahołaahígíí éí t’áá Diyin God bich’į’ ádaa hozhdoolní. T’áá naaki ahiłnijilnishgo, dóó t’áá yá’át’ééhii bee nanishtin dóó bich’į’ ádaa hoozhdoolní dóó bá ahóót’i’ naasgóó nooséél doo hoghaandi ayóó’ó’ó’ní bił nanitingo dóó biká’aná’alwo’.¹⁹ Díí bahasteh naanishígíí éí amá dóó azhé’é dóó la’ óholníihji’ bee ha’áłchíní bee atéjiłííh da éí t’áá íiyisíí dooda.

Tsídá áłtsé nihimá Eve dóó nihizhé’é Adam nizhónígo nihinaał ba’áłchíní yiyaah wííłá dah’ak’eh Edendę́ę́’ ch’iní’ąąsh yaadą́ą́’. Moses Binaaltsoos biyi’dę́ę́’ na’nitin, Adam dóó Eve dá’ák’eh, tó bąąh diilíígo ba’áłchíní yineezsą́;²⁰ ba’áłchíní hazlį́į́’;²¹ Diyin God yich’į’ sodilzingo Diyin God biinéé’ yideezts’ą́ą́’, “dá’ák’eh Edendę́ę́’”;²² Diyin God bibee haz’áanii bąąh yínil áádóó t’áá’ájiłah bik’eh hójił’į́ ńt’ę́ę́’.²³ “Díí éí haye’ dóó hatsi’ bee naneeztą́ą́’”²⁴ dóó hách’íanídahast’i’ígíí biniyé Diyin God bich’į’ sodadilzin nt’ę́ę́’.²⁵

Shik’is dóó shilah, baah ahójilyah dóó binaat’áanii jilį́ éí hah ahóót’i’ át’é, doo t’áá ákódí da. Bee óholnííh doo t’áá’ła’í bídeet’i’ da, ndi doo t’áábí bidéét’i’ da. Amá dóó azhé’é hazhó’ó bił bééhózíngo t’áá ałahí nizhónígo t’áá doole’e’go ahił naanishgo dóó ba’áłchíní yaa áhalyą́ągo diyin k’ehjį dóó bits’iis bitah yá’át’ééh ádahyósin doo. Díí ha’áłchíní bich’į́ nahwii’náago diyin k’ehjí Diyin God bina’nitinígíí saad yá’át’éehii diyin yá dáhalné’í bee biká adoolwoł.

Azhą́ amá dóó azhé’é ahił naalnish ndi łahda, “ąąh dahas’ą́, ánooneeł, dooda yeeh há’átiishį́į́h biníínąą’ t’áásáhí ch’íjíghaah.”²⁶ Łahda amá t’áá sáhígo ba’áłchíní yiníseeh, łahda tóó nighanji’ łahda éí nisaadgo áhalzhiish.

T’áá ániidígo alá dóó ak’is ákót’áo t’áá áłah hiná. T’áásahí t’áá áłah Diyin God yił nidit’ééhgo ba’áłchíní yee’ bee iiná diyinjí dóó hats’íís k’ehjí yaadaadees’ą́ áko ákot’áo ha’áłchíní bił dahdiikai. Diyin Bighandi Bóhólníihii hool’áágóó yił áha’dadeest’ą́ yaa t’ahdii yéédaalniih dóó yikéé’ naazį́ ázhą́ nanidlahgo ałts’ą́’ít’aash ndi. T’áá áłah Diyin God biká’análwo’go náásgóó yi’aash, azhą́ ach’į’ nahwii’náa ndi, diyin bighanjígo é’étiinjí bił yiidaał dooleeł. T’áá álah diyin yá’ólíi doo, bąąh áhályą́ą doo kwe’é iiná dóó iiná doo ninít’i’iidi ałdó’. T’áá áłah nizhónígo ba’áłchíní yiyaahooł’ą́, ajóóba’, dóó ayóó’ó’ó’ní bee azhą́ bich’į’ nidahwii’náa ndi. Shił bééhózin, díí t’áá sahí naa’aashígíí doo Diyin God yik’eh ha’ááh da doo iiná yá’át’ééh bá’ádząąhígíí. K’ad éí náásgóó dees’į́įgo bił ádinídííngo chohoo’į́ dóó bee oodlą́ Diyin bik’idhojisdlí éí bibá háhaasht’eh niilyáhígíí.²⁷

Shik’is dóó shilá, Yisdá’iiníilii éí nizhónígo ahił ná’íínish dóó Diyin beehazáanii bik’ehgo bił neiinish. Bidahooł’aahii bá sodizingo ání, “áko t’áá ałtso t’ááłá’í nilį́į doo; shiTaa’ nílíinii, ts’ídá shii’ honílǫ́ áádóó shí ałdó’ nii’ honishłónígi át’éego bí ałdó’ t’ááłá’í nilį́įgo nihii’ hólǫ́ǫ doo, … áko t’ááłá’í niidlínígi át’éego t’ááłá’í danilį́į dooleeł.”²⁸

Shik’is dóó shilá, T’áá aaníigo shił bééhózin—asdzání dóó hastiin—áheełt’éego áhił nidaalnishgo nizhónígo t’ááła’í nohłį́į doo Hasda’iinííłii yee náneezt’ą́ą́ diyin k’ehji’ nizhónígo iłsóókéé doo. Bee haasdziih, Christ bizhí binahjí, t’áá’ónółah nihijéí ahídidooljah dóó ayóo’á’hónó’níi doo,²⁸ iiná doo ninít’iigóó yóó’aashgo, ałhá análwo’go éí náásgóó tóó ahayóí dóó lą’í dooleeł.²⁹ T’áá shí shił bééhózin díí t’áá aaníí ádaat’éí, Yisdá’iiníiłii Jesus Christ bízhi’ binahjį’ ádishní, amen.