Bíni’dii Yá’át’ééhgo É’él’į́ Bídaniildin

Elder Rafael E. Pino Áyiilaa

Tsosts’idiin Danilínígíí ła’

Nihidziilgo dóó niildzilgo yá’át’ééhgo iit’į́įgo, nihi é’él’į́ Diyin God Bił aha’diit’aah atiin bikáá’góó bee yiidááł.

Ayóo baa ahééh nisin Sodizin binahjį’ naanish shaańdít’ááhgo kéyah ał’ąą’ ádaat’ééhgóó tádíshnééh. Díí kédaayahgóó dooládó’ dine’é ał’ąą át’ée da dóó baadadzoolníigo bee é’da’éł’į́ ałtah áát’ééł dóó t’áá bíjí k’ehgo dahiiná.

T’áá ániit’é é’él’į́ dóó bik’ehgo dahinii’nánígíí t’áá danihí, bił danihighanígíí, doodaii’ nihinaagóó keedahat’íinii bits’ą́ą́déé’, áko éí Diyin God bina’nitin bił ahidaałt’éhígíí t’áá ałtso t’áá deiníitą’ dooleeł. É’él’í dóó bee hoodzą́ago da’iinanígíí na’nitin éí Diyin God bił ahadit’aah honít’i’góó binahjį’ yiikah, dóó nida níłtł’aa’ígíí, éí ádąądeet’į́į dooleeł.

Hwee’ó’ool’įįł bee da’iiná doodaii’ t’áá ahą́ą́h dóó yíchą́ danilį́įgo biní danilį́, t’áá bíjí é’da’áł’į́, doodaii’ t’áá shiidą́ą’dii yee dahiiná. T’áá ahą́ą́h, baa ntsédeikeesígíí dóó yichą́ dadiilníinii éí baa ákoniidzingo t’áá ákót’é.

Díí nihił ííshjání áshłééh: Patricia, ayóí óshníinii shich’ooní, coconut bitoo’ bił łikango needłį́į́h áádóó yiiyį́į́h. T’óó áłtsé Puebla, Mexicodi nit’áázhgo, coconut ła’ nahasiilnii’. Shich’ooní, coconut bitoo’ yoodłą́ą́’, áádóó shá áłts’ádadoohgish dóó biyidi’ígíí shaadadoohkááł jidííniid. Nihaa yiką́ą́ ńt’ę́ę́’,́ dinilchíí’. Azeedích’íí’ yik’ídeezhjaa’ lá! Coconut áshįįh łikan bee dích’íí’! Ákó t’óó hashį́į́ nihił yit’é. Ndi bik’ijį’ nihił bééhoozin éí hashį́į́ yit’éhé éí shich’ooní dóó shí íít’į́į lá, nihí doo coconut azeedíchíí’ bił yiidą́ą da. Mexicodi, ákondi, éí doo łahgo át’ée da; ts’ídá t’áá ákógi’ át’é.

Naana łahgo, Brazil keyáhdi nihik’is bił da’iidą́ągo, avocado nihéi yíką. Ts’ídá k’ad ashįįh bik’ííjihgo, nihik’is kódanihidííniid, “Hásh wóht’į́? T’áá íídą́ą́’ avocado áshiih łikan bik’ídashiijaa’, dadííniid!” Avocado áshiih łikan bił! Éí doo nihił ákót’ée da. Ndi áádóó nihił bééhoozin shich’ooní dóó shí, łahgo ániit’ée lá doo avocado áshįįh łikan bił yiidą́ą da. Ndi Brazildi, avocado áshįįh łikan yik’ídeejihgo bił t’áá da’áko.

Ha’át’ííshį́į́ ła’ nihił t’áá da áko daniidzinyę́ę ła’ bił haashį́į́ daat’é, bi é’él’į́ dóó t’áá bijí ákódaat’į́.

Háídí é’él’į́ dóó bíjí áda’ał’ínígíí nihił t’áá da’ ákó?

President Nelson ádííniid: “Diijį́įdi t’áá dadiits’a’ éí é’él’į́ nihił da’ániidí. T’áá aaníí é’el’į́ aniidígíí nohsingo, NihiTaa’ Yá’ąąshdi hólóonii dóó BiYe’, Jesus Christ nihijéí, nihíni’, dóó ni’ii’sizíinii bich’į’ kódaohneehgo hágo. Bíni’dii nihi ániidí é’el’į́į doo” (“Ániidí Át’é”, Liahona Nov. 2020, 118).

Díí t’áá ałtso bá át’é. Azhą́ nihaa hojooba’í ndi doodaii’ óht’íinii ndi, ółta’ígíí doodaii’ doo ółt’a’ígíí, są́ soolį́į́’ígíí doodaii’ ániinaaháhágíí, kánaagha’ígíí doodaii’ chánah nohłį́į ndi. Nihí ánihiłní bíni’dii “t’áá áłahjį’ é’da’oł’ínígíí” éí Diyin God bił aha’dit’aah atiingóó bee yiidááł.

Kédaayahgóó é’él’į́ doo ałtso áłah ánoolnin da doodaii’ áłah baa ha’niih da. Áko, Paul dóó Joseph Smith na’neezt’ą́ą́’:

“T’áá ha’át’́íída niłtolígíí, ayóí ánolninígíí, doodaii’ yá’á’t’ééhii doodaii’ dilzingo baa ha’niihígíí, díí bíká ádeit’į́.” (Articles of Faith 1:13).

“Dílzingo baa ha’niihígíí ła’ hólǫ́ǫ dą́ą́’, díí dinóosįįl” (Philippians 4:8).

Haasííd díí éí bik’i’doohtįįh, doo éí t’óó baahane’ da.

Nihá laanaa nisin t’áá áníit’é nihee é’él’į́ baa ntséhékees áłtsé dóó hait’áo bił danihighanígíí chodayooł’į́.

Ayóí ádanolnin bichą́ hodíníilníí’go Sodizinjí aniit’ahgo éí díí dį́į́go ádeil’́į́į́ dooleeł:

1. T’áá nihi siidzį́į́’dóó dóó bił danihighanígíí Diyin God bizaad bidahwiil’aah. Hozho’í Diyin Bohólnííhii Jesus Christ bikéé’ yiidą́ą́łgo, t’ááłá’í nidzinígo nihidéít’i’ bina’nitin bóhodiil’ááł. Ama dóó azhé’é bídéet’i’ ba’áłchíní Diyin God Bina’nitin yee nideinitin dooleeł (see Doctrine and Covenants 68:25; 93:40).

2. T’áá nihí nihá dóó bił háíjéé’ bił sohodizin. Yisdá’iiníiłii yee hooł’a’ áłahjį’ sodadólzin nihiłní (Doctrine and Covenants 19:38). Sodiilzingo Yá’ąąshdéé’ nihiZhé’é Diyin God bił ahidiits’a’ BiYe’, Jesus Christ Bízhi’ binahjį’.

3. T’áá ákwíí damóo ooleeł sacrament biniyé áłah néidleeh (see 3 Nephi 18:1–12Moroni 6:5–6). Jesus Christ bínéílniihgo bááh dóó tó choideel’į́. Dii Diyin God k’ehgo ó’ool’įįł, Sodizinjí atah danilínígíí Diyin Bił aha’dit’aah ániidí anídeel’įįh Yisdá’iiníiłii bízhi’ ádąąh ndeilyé, áłahjį’ béédeelniihgo, dóó Bibeehaz’áanii k’ehgo áda’iil’į́ doo bééhániih (see Doctrine and Covenants 20:77, 79).

4. Diyin bighangóó t’áá ahą́ą́h ałnáádeikah dóó nihizází bá áda’iil’į́. Díí áda’iil’į́įgo bee ahinda’iit’éésh dóó hool’áágóó bił nahinii’náa dooleełgo bá áda’iil’į́ (Doctrine and Covenants 128:15).

Hait’áó nanihiił’ná díí dį́į́go baa ntsóhkeesgo? Da’ díí é’da’iil’ínígíí nihe’iina’ ádeíníilzin t’áá’ ákwííjį́?

É’él’į́’ lą’í dahólǫ́ éí ła’ ńdadidiilyéełgo haz’ą́, ákó choideel’į́įgo Diyin God nihe’iina’ bee baa ádadidiit’ááł.

Hait’áo nihił bééhodoozįįl é’él’į́ nídadidiilyéełgo łahdóó nihe’iina’ dóó bił haijéé’ bá ádaat’ée doo? Diyin bizaad bii’dę́ę́’, bik’ehgooígíí ayóí át’éii nihił bééhodoozįįł; biyí’ Mosiah 5:15 ání: “Nihidziil dóó nohłdzil nihidishní, áłahjį’ naanish yá’át’éehii ádaał’į́.”

Díí saad shił yá’át’ééh, háálá é’da’iil’į́ choijoł’į́įgo t’áá nihíí yileehgo áłahjį’ bik’ehgo ájít’į́į łeh. Nihidziil dóó niildzilgo yá’át’éehii il’į́įgo, nihi é’él’į́ Diyin God Bina’nitin yeehas’áanii bił ahiiłt’ée doo, dóó binahjį’ Bił aha’diit’aah atiin bikáá’góó yiidááł dooleeł.

President Nelson ałdó’ kodííniid: “É’él’į́ aniidígíí yinóhtą’go t’áá akwííj́į́ ádaaná’oohkąąh dooleeł. Hazhó’ó nitsóhkees, nihizaad, dóó é’él’į́ yá’át’éehii bíká’ádaaht’į́’. Bił kéédahot’íinii bíká anídaałwo’. Hool’áágóó hoot’ááł bíká ádaaht’į́. Bee nihik’ihodiinii’ígíí yéego bindaałnish. Áádóó ha’át’iishį́į́ bee nich’į nidahwii’ná, shik’is dóó shilah, t’áá ákwíí jį́ ni nihe’iina’ hasht’é’daałééh Ánihiiláii bich’į’ ńdeíníikááhgo” (“Ániidí É’él’į́,” 118).

K’ad éí doo nihił haadeit’ée da shich’ooní, Patricia, doodaii’ shída coconut azeedích’íí’ bił dóó avocado áshį́į́h łikan bił—t’áá aaníigo, nihił łikan. Ákondi, ts’ídá aláahdi ił hozhóonii éí ch’iyáán jiilnih biláahdi át’é; hool’áágóó nitsáhákees bidéét’i’.

Nihá sodiszin díí áłahjį’ bik’ehgoo é’él’į́ binahjį’ “ił hózóonii doo ninít’i’ii” bee dííts’in dooleeł éí Diyin God Bi beehaz’áanii yik’eh dahół’ínígíí éí ak’ihojídlí bá bik’eh áhoolyaa (Mosiah 2:41 dóó éí bik’ehgo ájít’į́įgo, kódadidii’niił, “Ákó hoolzhiizhdę́ę́’ aláahdi ił hózhóonii k’ehgo kééhwiit’į́į́ ńt’ę́ę́’” (2 Nephi 5:27).

Díí t’áá aaníí ádishní Hast’ói ashdla’áadah bikéé’ nisiidzį́, éí t’áá aaníí Diyin yaadahalne’ii, dóó náásgóó ádahodoonííł bił béédahózinii danilį́ President Russell M. Nelson ałdó’. Jesus Christ Bisodizin Dííjį́įdi bee Dahooldahígíí éí t’áá aaníí át’é dishní. Jesus Christ íiyisíí t’áá aníí Diyin nilį́ dishní, nihi Yisdá’iiníiłii dóó Náánihiisnii’ii, Jesus Christ bízhį binahjį’, amen.