Ne’oodlą’ T’áá Aníinii Bidziilgo Ánílééh dóó Baah Hólne’

Ghą́ą́jį’ 2022 Ntsáago ́Ałah Alééh

Ne’oodlą’ T’áá Aníinii Bidziilgo Ánílééh dóó Baah Hólne’

Elder Gary E. Stevenson Áyiilaa

Hastóí Naakits’áadah Yilt’áo Alą́ąjį’ Naazíinii

Binahoo’á ha’goshį́į́ ne’oodlą’ t’áá aníinii bee haandzí dooleeł dóó bee hiníná.

Saad Bee Ąą’ Álnééhii

T’áá ahąąh dóó t’áá hoyaní joodlánígíí holbééhózį́į́h, azhą́ t’ah ániid nijigháá ndi. Hané bee nihiłhashné éí ashkii, kevin, yiłdajołta’ígíí yiląąji’ sizįįgo naanała hahoodzohgóó áłah aleeh biniyeh t’aazhdiiyah, t’áá bí yaa holné.

“Ałkéé’nįįt’í’go shaa hoolzhiizh, dóó hada’dile’é bóhółniih nahalin léi’ shizhi’ yinah shidiiłkid. Yizhí dasdzohígíí yit’ah déé’į́į́’ dóó kóshidííniid, ‘Ni éí áshkii Utahdę́ę́’ naagháhą́ą ánít’į́i lá’.

“‘Da’ t’áá shí t’éiyá?’ Dííniid.

“‘Aoo’, t’áá ni t’éiyá.’ Naaltsoos sheenít’ą́ shízhi’ bikáá’go biyaagi ‘Utah’ bik’aa yisdzohgo. Ádąąh dasít’ą́ą́go, t’óó shí’diidłíd nahalin nizį́į́h.

“Ółt’a’í ashdla níílt’éigo hoł háádaalch’ąłí biih hijéé’ ałk’íikááhgo nihízhi’ nihídaashjeehgo. ‘Shooh, ni Utah dę́ę́’ naniná. Gáamalii’ísh nilį́?’ ła’ ołta’í nashídííłkid.

“T’óó doo shił ákót’éeda díí ołta’í yinaat’áanii danilinígíí da’niłts’ą́ą́dę́ę́’ bił áłah nishłį́į́go. ‘Aoo’, dííniid t’óóyó ní’ nishłííhgo.

“‘Nihí éí Joseph Smith deinohdlą́, éí Diyin God yá naal’a’ii yiiłtsą́ dííniid yę́ę ádaat’į́. Da’ éíísh nił t’áá aaníigo yiinídlą́?’

“Bee hadiisdzihígíí shił ch’aa silį́į́. Ołta’í t’óó shidadineelgąązhí hoł háádaalch’ąłí biyi’. T’óó níyą́ąhago, t’áá íídą́ą́’ łahgo anísht’éigo shaa tsídadeezkééz. T’óóyo shighahodiit’aah nizįįh, ndi kodííniid, ‘Shił bééhózin éí Joseph Smith Diyin yayałti’í nilį́į́nt’ę́ę́.’

“Háádą́ą́’shą’ saadgo bee haasdzíí’? Éí baa nitsísíkééz. Ákót’éego hadeesdzihgo doo ádił neínishłída ńt’éé’. Ákondi saadígíí t’áá aaníínii ádaat’é niizį́į́’.

“‘Aoo’, t’áá ádzaago da’oodlani danolį́ ha’níigo bee shił hóone’,’ níigo haadzíí’.

“Ákóhóódoonįįdgo, t’óó hast’i’go hoo’a’ hołháádaalch’ąłí bidáádít’į́h ąą’ádzaa. Nihi yeeł nídahiichídgo, bí éí t’óó anádloh’go dahdiilwod.

“Ńt’éé’, shi ne’dę́ę́’ ła’ na’azhdééłkid, ‘shooh, da’ Gáamalii’ish nááná ła’ Diyin Bizaad nináádei’á?’

“Dooládó’ doodada. Da’ náánáásh. Nahisíya’go ołta’í, Christopher, yiiłtsą́ éí hoł háádaalch’ąłí bił biih hiijéé’ yę́ę́ ła’ át’į́.

“‘Éí Mormon bi Naaltsoos wołyé, dííniid, baa yá’átí’ígíí ni’hódoolnííł nisingo. Shiyéél nídiinil dóó kin bíí’ honit’í góyaa nikinishwod.

“‘Da’ éí naaltsoos Joseph Smith yá ata’ hoolne’ yą́ą́ át’é?’ jidííniid.

“‘Aoo’, éí át’é,’ dííniid. T’óó naas yishwoł, shaa yááhodoosįįłígíí bits’ąą.

“‘Áko, haashyit’áo ła’ shóídeesht’eeł nił bééhózin’ish?’

“Seminarydi Diyin God bizaad bóhooł’ąą’yę́ę t’áá hooshch’į’ bénáshniih. ‘Jesus Christ bina’nitin doo baa yánísin da.’¹ Díí baa ntsísékéézgo, t’oo baa yánízį́į́h yą́ą́ bee shiní’yíi’a’.

“Éí Diyin God bizaad dahnaazhjaa’ígíí doo baa yooshnééhgóó damoo azlį́į . Sodizin bína’shidíkidgo táá lą’ígóó baa hweeshne’, dóó lą’í shik’is daazłį́į́’.

“Shi sodizin baa hashniihgo baa ákoniizį́’.

“Christopher Naaltsoos Mormon Wolyéehígíí ła’ baa ní’ą́. Náásdi shich’į’ í’iilaa, éí nda’nit’iní shighaangi sheí’aash niigo.

“Baa’ákoníízį́į́h shi’oodlą’ t’áá aníínii t’áadoo baa yánísiní baa hashne’ dooleeł.”²

Kevin doo nináhinilyéésgóó bi’oodlą’ t’áá aaníínii yaayalt’ígo shideesnáá’. T’áá ákwííjį adahwiis’áágóó Sodizinjí at’ahdanilinígíí bida oodlą dabidziilgo doo ninádahiniyéésda. Baa nítséskeesígíí bee nihił hashne’go, díí dį́į́go ná’ádíkid baa nisóhkees:

Da’ shi’oodlą t’áá aníinii át’éhígíí bik’idiitą́ dóó shił bééhózin?
Díí shi’oodlą t’áá aníinii heit’áo baa hashne’dooleeł’ígíísh shił bééhózin?
Ha’át’íilą nashiniłtłah shi’oodłą t’áá aaníníí baa haasdzihgo?
Haash yit’áo shi’oodłą t’áá aníínii t’áh shee hólǫ́ǫ dooleeł?

Da’ shi’oodlą t’áá aníinii át’éhígíí bik’e’diit’ą́ dóó shił bééhózin?

Ni’oodłą t’áá aníínii tsi’dí ílínii át’é, éí biłnaazti’. T’áadoo íits’a’í Diyin Iisiszíínii holhałne’ dóó kol’é “áhodeezyéel.”³ Yinidlanígíí doodaii’ t’áá aaníinii niłbééhózinígíí éí diyingo ééhózin át’éedoo Diyin Iisizíínii binahji’. Díí binahji’ ééhózini shóísiniłt’e’go nizaad dóó anit’innígíí łahgo andoonííł. Ní oodłą t’áaníínii íiyisii bee át’éhígíí, éí Diyin Iisizíínii binahji’, dóó díí:

Diyin God Ya’ąąshdę́ę́ niZhé’é nilí; Bi yazhí nílį́. Ayóí ánó’ní.
Jesus Christ hiná! Éí Diyin God hinaanii Biye’ dóó ni Yisda’íiníiłii dóó Diyin Niná’ídłáanii.
Joseph Smith Diyin God yá hałne’ii Jesus Christ BiSodizin haiyííłwod.
Jesus Christ Bisodizin Díísh Jį́di yá naazínígíí éí Diyin God bi sodizin ninalya’ ni’bikáa’gi.
Jesus Christ Bisodizin ninályahagíí éí Diyin God yá hałne’ii yiyoołwoł dííshjį́į́di.

Da Shi’oodłą T’áá Aaníinii Bee Hajidziihgo bééhonisin?

Ni’oodłą t’áá aaníinii baa hoolne’go diyingo na’iiłnaanii bee áká’aná’niłwo. Sodizinjí at’ah nilíígo, ná beenáhoot’aago ni oodłą’ t’áá aaníinii bee haandzi’ Sodizin bá hooghaandi doodaii’ t’áá honítłoogo, t’áá ła’í nizinígo bił dahołne’, nik’is, dóó háiishį́į́ ałdó.

Naana łahgo át’áo ałdó oodłą t’áá aaníinii baa jidłee éí yá’át’éehgo jiinágo. Jesus Christ t’áá’aaníinii oodłągo éí doo nizaad bee tei’yada—ni’iina’ ałdó’.

T’áá ni’oodłą’ bee haandzih bik’eh doodaii’ hait’áo hininá Jesus Christ bikéé’ yinałgo, éí yinahjí Christ yaa hakaah.⁴

Sodizinjí at’ah danliníigíí t’áá ała’jį́’ Diyin God yá naazí, t’áá ałtsoní, dóó t’áá ałtsogoo.⁵ T’áá beenáhoot’aa bik’eh béésh nits’ekees bee diyingo hajéí yiłhoshonii dabiyi doodaii’ bee hasih biniiye heishii ádayiilaa éí bee ałch’i’ ádałh’í. Nihe’ oodłą’ t’áá aaníínii baa hwiiłne’ jiinííba’go, bee ahiłhwiiłne’go, dóó Diyin God bich’į’ bił nihiikaa, azhą beesh bee hane’i bee ndi. Beesh bee ahiłhane’, áłch’į́’ i’il’į́, dóó nihaa hane’ t’áá ákónéehee át’éidoo, diyingo é’él’í dooleeł éí Jesus Christ bi na’nitin k’ehgo hinínanígíí bee béehózin.

Ha’át’íishą’ Shiníłtła’doo Shi’oodłą’ T’áá Aaníinii baa Hasdzihgo?

Ni’oodłą t’áá aaníinii bee handziihgo nidinoołtła’ígíí éí łahda saad bee hadziihígíí niłch’aa nilíidooleeł. Alkidą́ą́ Diyin God Yahałne’í, Matthew Cowley, tsosts’idts’aahdah binááhaigo Diyin God bá ashdla’ naahaigóó na’nitin biniyá New Zealandgoo dashdiighááhgo ádaahojilne’:

“Dah diishááhgo shizhé’é shá’sodolzin yę́ę doo baa diyeeshnahda. Nishzhónígo shik’i sodoolzin tsi’dí doo ákó’t’éego ła’ diists’į́į́hda t’áá hosilį́į́ dę́ę́’. Áádóó kó’na’ałbąąsíí ninádaatłi’ígi díí saad akéedi bee shich’į’ hadzoodzíí, ‘Shiye’, Diyin God bá na’nit’ingo; íhoołaahdoo; bee nidí’níit’į́į́łígíí bee hasht’edidíinííł; áko łahda áhoołzhíízhgo, nizhónígo hasht’ediisdza ninizingo, ndi yiniz’į́’go, niłch’aa silį́į́’doo.’ Shí dikwiidi shį́į́ ákósdzaa.

“Na’ádííłkid, ‘Hashjit’į́į́h hóntsékees hoołch’aa yileehgo?’

“Kózhdííniid, ‘Yidiizį́į́ł dóó diyingo nisizį́į́nii bee hadiidzih, Joseph Smith t’áá aaníí Diyin God hináánii yáhałne’í nilí didííniił, áádoo nts’ahákees niní biih yílį́į́doo dóó saad nízéé’ biih hóle’doo … da’iists’ąą’ígíí t’áá ałtso bijéí biihjį́.’ Áko’ shíni’, t’áá ahą́ą́h shił ch’aa nilį́įhgo … na’nit’ąą’ … , t’áá shíídąądii ní’bikaahgí tsi’dí aláhdi át’éego nihi Naat’áanii tsin bikidjį́ bił o’olkaał yę́ę́ yinishdląągo baa yááłt’í’ shá bee náhoot’aahgo. Bidiníít’a łahda, tse’łkee dóó at’éékeh nołíinii. Ch’ééh t’áadoo le’é bee handziihgo, ni’oodlą’ t’áá’aaníinii bee Joseph Smith Diyin God yá halne’ii nilíindę́ę didííniił, ákó Sodizin bił hodééshzhiizhdę́ę hané níni’ bii’ hoole’ doo.”⁶

Ákót’áo, President Dallin H. Oaks haałné, “Oodlą’ t’áá aaníinii bidziil yileeh bee yáht’i’go nitsizdéesgo’go baa sozdilzingo éí t’áá a’oh łeh.”⁷ Diyin Iisizíínii éí hadziihígíí dóó iists’ąą’ígii yiłiishjąąní ayiił’į́į́h.

Naná łahgo honiiłtła’ígíí, Kevin yaa holne’ yą́ą́gi át’áo, éí nahadzid. Paul Timothy yich’i’ na’iizoo’yą́ą́gí’ át’áo:

“Jó Diyin God dóó náhádzid nihéidini’ą́ą da; ndí ádziil, dóó ayói’o’o’ní. …

“T’áadoo baa yáhniníziní ni Bóhółníihii t’áá aaníi yinidłąągo.”⁸

Nahádzid doo Diyin Bóhółníihii bits’ąądę́ę́da ndi éí ch’įįdii nihits’ąąjí nilíínii bits’ąądę́ę́’. Oodłą’ hwee’hóólǫ, Kevingi át’áo, díígi át’éęgo nitsá’hakees dóó t’áá honí’de’ hajéí bii’igii baa jidłee dooleeł.

Haash yit’áo shi’oodłą t’áá aníínii t’áh shee hólǫ́ǫ dooleeł?

Nihí oodlą’ t’áa aaníinii bił hosidłį́į́ nisin, ndi t’áá nihee hólǫ́ dooleełgo dóó hózh’ǫ́ dinoot’į́į́ł, Alma yee na’neezt’ąą éí nihe’ oodłą t’áá aaníinii hazhó’ó’ baa ádahwiiłyą́ądoo.⁹ Bida’ííł’įį’go, “bikétł’ool hodooleeł, dóó dínóot’į́į́ł, dóó bineest’ą’ hodooleeł.”¹⁰ Díí doo kólyaagoo, “t’óó ádoodįįł.”¹¹

Aląąji’ Naat’áanii danilinígíí ayóí ádeiníi’níínii nidanihintin heit’áo nihi oodłą’ t’áá aaníinii t’ááda hólǫ́doo biniiyé.

President Henry B. Eyring ayóí’ó’óní yee nanihintin “Diyin God bizaad bidahooł’a áłhinaóka’go, sodadolzin nihi jéi nidayiiłnáágo, dóó Diyin Bóhólníihii Bibee hazaanii t’áá ahííł t’éigo bik’eh dahóníł’íído, áko nihe’ oodlą’ bidziilgo noseel dooleeł.”¹²

President Dallin H. Oaks yéinihiłnííh, “t’áá ákwíí Damóo oołeełgo baah dóó tó chóídeeł’́í (D&C 59:9 noł’į́) áko ádeeha’oodzíí ílíinii biniya hasht’e ádadidiiłnííł áko ‘t’áá áłahjį́’ Bi Ii‘sizíínii [nihił] hólóodoo’(D&C 20:77).”¹³

And President Russell M. Nelson jooba’go na’neezt’ąą’:

“[ni oodlą’] t’áá aaníinii bidziilgo ánłééh. …

“… T’áá shiidąądii yę́ę́ dóó dííjį́di Diyin God yádahalne’ii bizaad choinił’įįh. Diyin Bóhółníihii na’bídíłkid heet’áó hazhó’ó’ dinits’a’ dooleełgo nandínóot’į́į́ł. Táá ahą́ą́h yah’ananídaah Diyin God bighaandi dóó biłhajííjee bá áda’elį́ binanilnish.

“… Ni oodlą’ t’áá aaníinii aláahdi at’éego íinisin.”¹⁴

Ałch’į́ Ánalneeh

Shik’is dóó shiła’, bee ádeehadisdziih hózhǫ́ oodlą t’áá aníinii bikidadoot’į́į́hgo, dóó bee ahiłdahołne’go, doo ééhózin bits’ąądoo ách’į’ nahwiin’á dóó náhádzid bik’ehdidoodleeł, áko ayóí át’éii nihi oodlą t’áá aaníinii, bidziil yileełdoo dóó t’áá nihee hólǫ́o doołeeł.

Nihikihojidlí doo jóolta’ ánéelą́ą́’ bee éédahózinii ałkidąą yę́ę́ dóó dííjį́į́di Diyin God yádahalne’ii bi’oodlą’ t’áá aaníinii t’áá bizaaka yee hadasdzih.

Christ daztsąądoo bikidji’, Peter yiiz’́í’ dóó bi’oodlą’ t’áá aaníinii yee haadziih:

“T’áá ánółtso nihił bééhoozįįh … Názarethdę́ę́’ Jesus Christ wolyeego, tsin ałnáoszo bikáa’jį’ bił ada’soołkaal yę́ę, daaztsą́ą́dę́ę́’ Diyin God náábidiisáh, … díí diné kǫ́ǫ́ nihidááhdoo sizį́. …

“… Ya’ąąsh biyaai doo nana ła’ diné bízhi’ kot’áo, binahji’ yisda’díikahda.”¹⁵

Amulek, Alma oodlą’ yee naneezt’ąą bi’kidji’, bidziil yee kodííniid: “T’áá shí shi’oodlą’ bee díí t’áá aaníigo bee nich’į’ haasdziih. Shooh, kónihidishní, éí Christ diné ba’áłchíní yitaadoogáał, … dóó nihookáá’ dine’é bibąąhági ádaat’éii yik’é niná’doodlééł; háálá Diyin Bóhólníihii yee haadzíí’.”¹⁶

Joseph Smith and Sidney Rigdon, ayóó át’é Yisda’íiníiłii náádiidzaago yi’yiiłtsą, oodlą’ t’áá aaníinii yee haadzíí’:

“Dóó kad, lą’í oodlą’ t’áá aaníinii yee yaa hadasdzíí’, dii éí oodlą’ t’áá aaníinii, ts’idi akéedi, éí bi át’į́: Éí hiná!

“Da’hwiiłts’ą, azhąląa Diyin God binish’náájígo; dóó azhí dahsidiits’ą’ díí t’áá bidee Diyin God bizhé’é’go ni’bikaa bidizhch’į́.”¹⁷

Shik’is dóó shila, nihi oodlą’ bee hádadoodziihgo biká adaat’í’ nihí zaad bee doodaii’ nihe’ iina’. Ła’ shá beehoo’a ániid, South America kéyahdi kindashijaa bee bidahólnííhii bił áłah sidlį́įgo, alą́ąjį’ bidahónį́į́hii dikwííyiłt’éego. Ałtsogo k’édaníídzingo, t’óó ni’nishłíindi baa nts’esikeez shi’oodlą’ bich’í’ bee yishdleego. Diyin Iisizíinii bikee, shi’oodlą’ t’áá aníinii bee Jesus Christ Diyin God hináanii biYe’ nilí dóó nahasdaan bi Yisda’íiníiłii át’į́’ dishníígo hasdzį́į́’. T’áá ałtsoní łahgo ádzaa ákwe’é. Diyingo Iisizíinii nihił hóle’. T’áá aníit’é nihi jéí deideesnaa’. “Diyingo Iłhóshóónii … Azhé’é dóó Aye’ nihił yíishjaní ayiilaa.”¹⁸ Ayóo baa ahééh niizį́’ shi’adziil binahji’ shah biighago shi’oodlą bee hasdzį́į́’.

Díígi át’áo baahoolzhizhgo, yidoołts’oł dóó baa ahééh dínóosį́ił. Diyingo Iłhółshóónii sizilígo nihi jéí biyí’doo.

Shi’oodlą dóó shił beehozinígíí bee nihił hashne’—Diyin God nihi Zhé’é, Jesus Christ hiná, dóó Jesus Bisodzin Dííjį́ ninalyé’ Bikeenazíínii éí Diyin God Bi Bisodizin Ni’bikah Dííjį́dii bikee nisidzí ayóí ádeeníiní Diyin Yá’halne’ii prophet, President Russell M. Nelson. Jesus Christ bízhi’ binahjį’, amen.