Te Uea Iesu Kristo e Reireiniira bwa Ti na Ibuobuoki
Ma ana ibuobuoki ara tia Kamaiu, ti kona n tangiria Ana tiibu aika a kakawaki ao ni ibuobuoki nakoia n ai Arona.
E taku te Uea ae Iesu Kristo:
“Ngai te tia kawakin tiibu ae raoiroi: e anga maiuna te tia kawakin tiibu ae raoiroi ibukiia ana tiibu. …
“N ai aron te Tama ngkae E ataai, ao Ngai I ata naba te Tama: ao I anga maiuu i bukiia tiibu.”1
N te Baibara n Kuriiki, te taeka ibukin tamaroa nanona naba “tikiraoi, rianako tikiraoina.” Ao n te bong aei, I tangiria n taetae ibukin te tia Kawakin Tiibu ae Raoiroi, te tia Kawakin Tiibu ae Tikiraoi, te tia Kawakin Tiibu ae rianako Tikiraoina, ae bon Iesu Kristo.
N te Nu Tetamanti , e atongaki bwa te “tia kawakin tiibu ae korakora,”2 te “mataniwii n tia Kawakin tiibu,”3 ao “te tia Kawakin tamneimi ngkai, ao te tia Taratarai tamne[ira].4
N te O Tetamanti, E koreaki iroun Itaia bwa “E na kakamwarakea ana nanai n ai aron te tia kawakin tiibu.”5
N ana Boki Moomon, e aranaki bwa “te tia kawankin tiibu ae raoiroi”6 ao “te tia kawakintiibu ae korakora ma ni koaua.”7
N Reirei ao Berita Aika Tabu, E katanoata, “Mangaia are, I mena ibuakomi, ao boni Ngai te tia kawakintiibu ae raoiroi.”8
N ara bong aikai, e katanoata Beretitenti Russell M. Nelson: “Te tia kawakintiibu ae Raoiroi e tabe ibukia ana tiibu ni kabane n Ana nanai ma te tangira, ao ngaira bon Ana tiibu. Arora bon kaotan Ana tangira ao ni kabatia ara tangira nakoia raoraora ao kaain rarikira—kamwarakeia, buokiia, ao n karikirakeia—n aron are e tangiria ara tia kamaiu bwa ti na karaoia.”9
N taai aikai, E taekinna Beretitenti Nelson: “A na kanikina te Uea ao te Ekaretia ae koaua ae maiu e na barongaaki n tainako, kairii mwakuri n ibuobuoki nakoia Natin te Atua n tatabemaniia ao aia utu. Bukina bwa bon Ana Ekaretia, ngaira aika Ana toro ti na buoka temanna, n aron ae E a tia ni karaoia. Ti na ibuobuoki n Arana, ma Mwaakana ao ana kariaia, ao ma Ana tangira n akoi.”10
Ao a bangantaeka Baritaio ma taani koroboki n ekinakoa te Uea, ao a kangaai, “E mwaneia aomata aika buakaka Teuaei, ao E amwamwarake ma ngaiia,”11 E kaekaia man teniua karaki aika a tikiraoi are ti ataia bwa kaikonaki ibukin te tiibu are e bua, kaikonaki n te mwane are e bua, ao te kaikonaki n te nati are e bakatae.
E kakawaki ataakina ngke Ruka, te tia koroboki n te Euangkerio, e kabwarabwarai karaki aika teniua aikai, e kabongana te taeka ae kaikonaki ibukin temanna, ma tiaki ibukia aika a mwaiti.12 E oti bwa e reirei te Uea teuana te reirei ae okoro ma karaki aika teniua—karaki aika kaota kaokoron te mwaiti: 100 te tiibu, 10 te mwane, ao 2 naati mwaane.
Te nambwa ae kakawaki ni karaki aika teniua aikai, bon, te numbwa teuana. Ao te reirei ae ti kona ni karekea man te nambwa anne bwa ngke temanna man tiibu ibukia 100 unimwaane ao unimwaane n ami kooram n unimwaane ke te tia ibuobuoki nakoia 10 ataeinaine, ke te tia reirei nakoia 2 ataein te moan rinan, ma ngke n taainako, te tia ibuobuoki n taainako nakon tararuaia ao n tangira temanna imwiin temanna, n tatabemaniia. Ko na bon aki kangai, “Ai nanobabara n tiibu” ke “N bon arona, I bon aki kainnanoa te mwane arei” ke “te nati te mwaane ae kakaitara ngaia.” Ngkana ngai ma ngke iai iroura “ana tangira ni koaua Iesu,”13 ngaira, n aron te tiibu are e bua, ti na,“kitana te uangaun ma ruaman … ao n riimwin are e bua, ni karokoa, [… ni karokoa … ni karokoa ti] kunea.”14 Ke n ai aron te aine n te karaki are e bua ana mwane, ti na “kaura te bwae iai, n iakina te bata, ni kakorakoraira n ukoukoria […ukoukoria] ni karokoa, [ni karokoa, ni karokoa] rekena iroura.”15 Ngkana iai iroura “ana tangira Iesu ae kororaoi ,” ti na iriira ana katooto te tama n karakinan te nati te mwaane are e bakatae, ngke e nora natina “mai ike e raroa, … e nooria, ao e nanoanga, ao e biri, ao ni bwaka iaon roroana, ao n aroka tabana.”16
Ti kona n namakina nanon te mwaane are e bua ana tibu temanna? Ke nanon te aine are e bua ti teuana ana tiring? Ke ana tangira ao ana nanoanga ae korakora inanona te tama are e bakatae natina?
Kaainabau, ae Maria Isable, ao ngai ti beku i Amerika nuuka, n te kaawa ae bubura i Guatemala. E reke au tai ni kaitibo ma Julia, kaain te Ekaretia ae kakaonimaki. I namakinna i nanou bwa N na titirakinna ibukin ana utu. E mate tinanan n te kaentia n 2011. Te tia kairiiri ae kakaonimaki tamana n te titeiki, n tia ni beku bwa te bitiobi ao bwa te kauntira nakon ana beretitenti n te titeiki n ririki aika a mwaiti. Bon te tiibu ae kan kairraki iroun te Uea. E tuangai Julia nanomatoana n kakawari, ni ibuobuoki, ao ni beku. E karekea kukureina ni kamwarakeaia ao ni buokaia ana tiibu te Uea aika a rangi ni kakawaki. E a manga iein ao n tiku n kakaonimaki n te Ekaretia.
Tabeua te ririki imwiina, e raure, ao ni e a manga kakaea te taromauri n ti ngaia. E reke irouna are e aki tau ni mena ikekei ao n namakinna naba bwa tabeman aomata a kabuakakaa ibukin raurena. E aki manga rooroko n te taromauri ngke e onrake nanona n te un.
E rangi ni kamoamoa arona Julia bwa te mwaane ngaia ae kani kairaki, mwakuri korakorana, ana tangira, ao te mwaane ae nanoanga. I uringnga raoi te namakin ae korakora ae roko irou ngke e tabe ni kabwabwara aron tamana. I tangiria ni karaoa te bwai teuana ibukin te mwaane arei, te mwaane ae bati ae tia ni karaoia ibukia aika a mwaiti inanon maiuna.
E anganai nambwan ana tareboon, ao I a tareboniia, ma te kaantaninga bwa e na reke au tai ni kaitibo ma ngaia. Imwiin tabeua te wiiki ma mwaitin, mwaitin au tareboon nakoina e aki reke, ma n te bong teuana ao e a kaeka te tareboon.
I tuangnga ae I kaitibo ma Julia, natina te aine, ao e anaaki nanou n aron ana beku, ibuobuoki ao ana tangira ibukia ana tiibu te Uea aika a kakawaki n ririki aika a mwaiti. E aki kantaninga te taeka ibukina n ai aron anne. I tuangnga bwa I rangi n tangiria ni kaitibo ma ngaia ni itaramata, ngai ma ngaia. E titirakinai bukin raoi au bubuti ibukin te kaitibo aio. I kaeka, “I tangiria ni kaitibo ma taman te aine ae rangi n tamaroa.” Imwiina tabeua te teekan akea te kakarongoa n te taroboon—tabeua te teekan ae ngai irou titebo ma e reitinako. E kaeka n taku, “N ningai ao ia?”
N te bong are I kaitibo ma ngaia, I tuanga bwa e na tibwaia nakoiu tabeua arona n kakawari, ibuobuoki, ao ni beku ibukiia ana tiibu te Uea aika a kakawaki. Ngke e tabe n kauringii tabeua karaki aika a ringa te nano, I kinaa bwa e bitaki tein bwanaana ao oki arona are e a tia ngkoa ni karekea n te tai ae mwaiti bwa te tiibu ae kan kairaki. Ao ngkai a tiinako ranin matana. I ataia bwa aio au tai ae riai, ma I kunea bwa I aki ataia bwa tera ae N na taekinna. I tataro n au iango, “Tamau, buokai.”
N te tai naba anne, I ongo bwanaau ngke I kangai, “Tariu ae Florian, ngkai ana toro te Uea ngai I kabwarabure ngke ti aki mena ikekei ibukim. Taiaoka, ma kabwarai ara bure. Anganira riki ara tai ni kaotia nakoim bwa ti tangiriko. Bwa ti kainnanoiko. Ko rangi ni kakawaki iroura.”
Te Tabati are imwiina, e a roko. E ababaki ana marooro ma ana bitiobi ao n tiku n teimatoa. E mate tabeua te namwakaina imwiina—ma e a tia n oki. E a tia n oki. I kakoaua bwa ma ana ibuobuoki ara tia Kamaiu, ti kona n tangiria Ana tiibu aika a kakawaki ao ni ibuobuoki nakoia n ai Arona. Ao ngaia are, ikekei n te Kawa ae Guatemala e a tia te Uea ae Iesu Kristo ni kaoka temanna riki te tiibu ae kakawaki nakon Ana nanai. .E reiakinai te reirei iaon te ibuobuoki are I aki kona ni mwaninga N aran te tia Kawakintiibu ae Raoiroi, te tia Kawakintiibu ae Tamaroa, te tia Kawakintiibu ae rianako tamaroana ae Iesu Kristo, Amen.