Bt’uf Pi’in Ma Awnag e Gapas
Bay e mat’awoy i dugliy e mel’eg ko togopluw nge damomuw fa ni ngam mel’eg e gapas nge n’agfan. Gube fonow nagmed ni ngam mel’eged gamed ra manged e pi’in ma awnag e gapas, daba’ nge gubinfen.
Pi walageg, rigub falfalen’ ni gubay romed. Ko lal’ i pul kafram, kad ul’ul’ ni ngad bay ulan e tafeny nge meybil rog. Gube meybil fare Kan ni Thothup ra non ngomed e pi’nen fare Somoel ba’adag ni ngam rung’an napan gube non ngomed.
Napan e skuul ko toogtaa rog yo’or e duw kafram, kug ayuweg reb e toogtaa ni ke thab e ‘aay nibay e m’ar ko gangrene. Rib mo’emaw e ngongol nem. Nge, nike fek boch reb e magawon, ta’areb e bee ko tiim nike rin’ e muruwel rok’ nib kireb, nge toogtaa nike puwaen’. U lukungun e puwaen’ rok, nike yin’ e gachiilyow ni bay bo’or e baaykiing ngadakaen. Ke miit ulan e pa’ rog!
Gubin gidii’ ulan e seenggil ko toogtaa—ma yigo e toogtaa nike puwean’—kar balyangan’ bachaen tiney nib kireb nike rin’ e toogtaa. Dabku fek e m’ar ney. Machane kug fil bo’or bachane e pi’nen ni ke buch. Ulan e awa ney, kug micheg ngog ni demtrug ni ra buch ulan e seenggil rog ko toogtaa, dabgu malog e thamey rog. Kug micheg ngog u rran ney ni dabgu yin’ demtrug e pi’nen ufithik’ e damomuw—fa ir e gachiilyow fa pi thin nib kireb.
Daba’, bo’or e dew tomuren, gube lemnag fa’an e gachiilyow nike miit ulan e pa’ag ir rib kireb woed e togopluw ko thin rodad nge pi tha’ rodad daba’. Rogon rodad nib fel’ ngak’ reb e bee’ ke chuw ko biney e ngiyal’ ko tugthin.
Thin nib kireb, sap ko pi’nen rok’ bee nib kireb, nge nonnon ko reb e bee’ nima buch bo’or. Bo’or e gidii’, bee’ ko am, pi entertainer, nge reb e pi bee’ ma nonnon bo’or. Gube rus nag ni bay bo’or e gidii’ be lemnag binem ir fel’ ni ngar gechig, nonnon, nge lemnag demtrug e bee’ ir kireb fa’an dabda lemnag nib ta’abrogon ngorad. Bo’or e gidii’ ba’adag ni ngar gathay nag e gilbugwan rok’ e bee’ ko tin nib kireb!
Puwaen’ dabiyog ni nge pingegaen’. Damomuw de ayuweg e bee’. Togopluw ea darma fekey ko fulweg nib thothup. Bay kirbaen’, bochi yay gadad ba sap e rogon ko togopluw ufithik’ dad. Gadad ba rungan’ e pi’in ni ma nonnon marunga’agen e figirngin nge le’engiy nge pifak, pi’in ni ma gelnag reb e bee’ ufithik e damomuw, nge pi’in nima gichig nag e tabinaw napan da non ngoraed. Gadad ma rungan’ e gidii’ nib fel’ yangren’ nge pi bitir niba cham nge pi’in be muruwel’ be nonnon marunga’agen reb e bee’ ko muruwel’ rok.
Pi walageg nib tu’uf rog, binem e de fel’ rogon. Pi gachelpen ku Yesus Kristus, thingarda manged e susun nib fel’ rogon ma urogon ni ngad sabathingad uta’abong—ma baga’ ni bay e lemnag rodad nib thil. Ta’areb e rogon nib moem ni ngam nanged e gachelpen nib riyul’ ku Yesus Kristus ir e rogon nira ngongol ngak e bee’ ufithik’ e t’ufeg.
Fare Tathapeg nike weliy nib moem ulan e machib rok’ ngak e gachelpen rok’ ulan l’agrew e nam. “Ma rafel’ wa’athan gubin e pi’in yaed ma awnag e gapas,” ni Ke yog.1 “Ya enra bat nag e baʼan matʼaw i linglingimed, ma kagmed pingeg barbaʼ ngakʼ.”2 Nge tomuren, nib riyul’, nike fonow nagdad ni ngad: “T’ufeged e pi to’ogor romed, ma ngam fal’eged wa’athan e pi’in ni yaed be ger nagmed, ma ngam rin’ed e tin nib mangil ngak’ e pi’in nibe fananikaymed, ma ngam meybil ni fan ngak’ e pi’in nibe muruwel ngomed u fithik’ e sasaliyeb nge pi’in nibe gafgow nagmed.”3
Umon nike yam’, ni yoeg Somoel ngak’ Ragag nge L’agruw e gachelpen Rok’ ni ngar t’ufeged yaed woed ni ke t’ufeg ngorad.4 Me tomur ni ke puthuy ni, “Fa’anra um pired nib t’uf bigimed rok bigimed, ma aram e urngin e girdi’ ni yad ra nang ni gimed pi gachalpeg.”5
Rib moem e milwol rok’ Somoel: pi gachelpen nib riyul’ nima fal’eg, fek ngalang, non e tin nib fel’, ayuweg, nge pii’ athamgil—demtrug e magawon ko pi’nen. Pi gachelpen nib riyul’ rok’ Yesus Kristus e pi’in ni yaed ma awnag e gapas.6
Daba’ e fare Madnom ko Yuwan e Fal’tir. Gadad ma yarmiydad nifan e ngiyal’ nib thabi’ ga’fan nike buch udakaen e feylang, ni’ir fare Bayul nge Foskoyam’ rok’ Somoel Yesus Kristus. Ta’areb wo’en nib th’abi fel’ ni ngad liyorgad ngak’ Somoel e gadad ba manged e pi’in nima awnag e gapas.7
Bayul rok’ Somoel nike fal’eg e kanawo’en ni ngad gelnag gubin e thin kireb—tay e bu’un e togopluw. Dam fal’eg e oloboch marunga’agen biney: togopluw ir kireb! Ni chaʼ ni bay fare lem ko togopluw rokʼ e gathi gamow, machane yow fare moʼoniyanʼ, niʼir e chitamangin e togopluw, ma [fare moʼoniyanʼ] ma kʼaring e damomuw nga lan gumʼirchaʼen e gidiiʼ ni ngar togopluw gaed u fithikʼ e damomuw roraed ngoraed.gumʼirchaʼen e gidiiʼ ni ngar togopluw gaed u fithikʼ e damomuw roraed ngoraed”8 Pi’in ni ba kol e togopluw ma fek e rogon rok’ Mo’oniyan’, fa’an ni ma nang biney fa danga’. “Dariy beeʼ ni rayog ni nge pigpig ngakʼ lʼagruw e masta.”9 Dabiyag ni ngad dared u wo’en Mo’oniyan’ ufithink’ e damomuw nge tug thin nge lemnag rayog ni ngad pigpig ngak Got.
Pi walageg nib t’uf rog, rogon ni ngad rrin’ed pi’nen ngodad e baga’fan! Rogon ni ngad non ngak nge marunga’agen ngodad u na’un, u galasia, u muruwel’ nge udakaen e internet e baga’fan. Daba’, gube fith ngomed ni ngam ngongoliy uta’abang ulan e rogon nib ga’, nib thothup. Wenig ni ngam motoyil’. “Fa’anra bay e pi’nen nib mangil, fel’ ya’an, fa rib mangil”10 rayog ni ngad yoeged marunga’agen reb e bee’—fa’an rayog ni ngam rin’ ngak fa napan dabiyog ni nge rungan’— binir thingari mang e rogon ko non rodad.
Fa’an gali bee’ ulan e ward rom ra th’aab e mabgol, fa e missionary nib fel’ yangren’ nira sul nge na’un rok’ rib papay, fa e bee’ nib fel’ yangren’ nira maerwaer u wun’en e mich rok’, dabda t’uf e pufthin romed. Yad ba’tuf ni ngar thapeged e t’uf rok’ Yesus Kristus nibay ulan e thin nge ngongol romed.
Fa’anra e fagar ko muruwel’ rom nira tay ulan e internet e tafnaey nib ga’ ko am fa lemnag nifan reb e pi’nen niba gathay nag gubin pi’nen ya mich u wun’med, pi thin nib kireb, e dabda ayuweg. Toyed e nangfan thingari t’uf bo’or ngomed e ri bo’or ni gara rrin’, machane ir e ram e n’en nib t’uf ko tafagar rom.
Togopluw nima chuw fare Ya’el—Urngin e yay. Togopluw nima ga’nag e lemnag nib baen ni cham irkemus e rogon ni ngam fulweg e pi’nen nib thil; machane binem ir gathi riyul’. Togopluw rodad ir e mel’eged rodad. Fal’ag e gapas e ir e me’eleg rodaed. Bay e mat’awoy i dugliy e mel’eg ko togopluw nge damomuw fa ni ngam mel’eg e gapas nge n’agfan. Gube fonow nagmed ni ngam mel’eged gamed ra manged e pi’in ma awnag e gapas, daba’ nge gubinfen.11
Pi walageg, rayog ni ngad thilyeg e feylang—ta’ bee’ ko ta’ bee nge ta’ e sabathin ko ta’ e sabathin. Uw rogon? Ko rogon ni yibe dag e e tin nib thil ko yul’yul’ nib mu’un e tayfan ngay.
Pi’nen nib thil ko lemnag ir e yang ko yafos. Gubin e rran guba muruwel’ ngak e pi tapigpig ko Somoel ma dabiy guy e magawon ni ta’abrogon. Yad manang gube’adag ni nggu rungan’ e lemnag nge thamtham rorad marunga’agen gubin e pi’nen—ma baga’ ni pi’nen nib ga’.
Gali counselor rog nib mangil, President Dallin H. Oaks nge President Henry B. Eyring, yow ma mangil nifan e rogon ni ma weliy e thamtham rorow—ma baga’ ni bay pi’nen nib thil rorow. Yad ma rrin’ew u fithik’ e t’ufeg ngorow. Dabiyog ni ngar yoegew ir manang e rogon nib thabi’ mangil nge thingari damiiteeg e lem rok’. Lemnag rorow dabi t’uf ni ngar cham gow. Bachane yow ma sug ko t’ufeg, “fare adag rok’ Kristus nib machalbog,”12 pi sabathin romed nira thapege e fonow rok fare Ya’el rok Somoel. Gube tayfan mab tu’uf rog gali pumo’on.
Tʼufeg ir e malay ko togopluw. T’ufeg ir e tawa’ath nib thothup ni ma pii’ ngodad e rogon gadad ma paag e gidii’ nib fakyath, ni’ir e ba si’in, nge damiiteg ngak’, ufanthin, dabun dakean. T’ufeg ir e papngin nib ga’fan ngak e gidii’ ku Yesus Kristus. T’ufeg ma yip’ fan e pi’in ma awnag e gapas.
Napan ni ngad sobut’ nagdad u mit Got nge meybil u gubin e gelngin gum’ircha’dad, Got era pii’ e t’ufeg nga dakeandad.14
Pi’in ni bay e tawa’ath nib fel’ ney bay e gum’aen nge sumunguy rorad. Dabda awaen’ ngak reb e bee nge de lemnag marunga’agen kemus rad. Dabda papay e damomuw ngak’ nge lemnag e tin nib kireb ngak’ reb e bee’.15
Pi walageg, fare t’ufeg rok’ Kristus e ire fulweg nifan e togopluw niba magawon nagdad daba’. T’ufeg ma powi’iydad ni ngad “ayuweged gimed”16 nge dabi tay pi gafgow nga dakaendad. Fare adag rok’ Kristus nib machalbog ma pii’ rogon ni ngad “sakiy gubin ngiyal’ ni yad be par nib michuwan’rad Got, ko gubin ban’en, nge gubin yang”17—ma baga’ ni ulan e ngiyal’ nib mo’omaw ney. T’ufeg nima pii’ e rogon ni ngad dag e rogon pi mo’on nge ppin rok’ Kristus ma non’ed nge rin’ed e pi’nen—ma baga’ ni ulan e ngiyal’ nib mo’omaw.
Chiney, dabgu non maurnga’agen e “gapas ko demtrug e salpy riy.”18 Gube weliy mornga’agen rogon ni ngan rrin’ ko gidii’ nira ul’ul’ nge ayuwegnem ko fare m’ag nikam ngongliy napan nikam fek fare sakrament. Gadad be miichmicheg ningad gubin ngiyal’ lemnag fare Tathapeg. Ko tin ni ba gel e me’eleged thin riy, gube piningem ni ngam tafney nag Yesus Kristus. Meybil nge yib gelngim ngam moeg e tin nira thogthog nag ngom fa rrin’ e n’en nira rrin’. Napan ni ngam fol fare Pilung ko Gapas, gadad ra manged e pi’in ma awnag e gapas Rok’.
Chiney sana gamed ma lemnag e milwol ney nira ayuwegen e bee’ ni manang. Sana gamed ba athap ni’ir ra ayuwegen ninge mang nib fel’ rogon ngom. Guba athap nira buch! Gube athap ni ngam sapgad ulan e gum’ircha’med nge pireged e yang nib achigchig ko uf’uf’ fa awaen’ nira tal ngomed ni ngam manged e pi’in ma awnag e gapas.19
Fa’an ni gabe’adag ni ngam ayuweg e kunuy yu Israel nge fal’eg e tha’ nira pared ni gubenfen, ireray e ngiyal’ ni ngam paag e damomuw. Ireray e ngiyal’ ni ngam taleg e tugthin rom ni kemus e rogon rom fa dakiriy e rogon. Ireray e ngiyal’ mu tal i rrin’ bugi ban’en nibe karang e tamdag ko gidii’ ni bachane e ban’en nikar rrin’ed nira karang e damomuw ngom. Ireray e ngiyal’ ni ngam k’eyaged a pi talen ko mael nga fithik’ e but’.20 Fa’anra e pi thin rom nibe sug ko tugthin nge non nib kireb, ireray e ngiyal’ ni ngam makath ngorad.21 Gamed ra maen ngalang ni bay e ya’el nib ba gel nib pumo’on fa ppin rok’ Kristus.
Fare temple nima ayuwegdad ulan e milekag rodad. Aram ni ngad thapeged e gelngin Got, nira pii’ ngodad e rogon ni ngad gelnag Mo’onyan’, bee nima tabab gubin e togopluw.22 Mu chuweg ngak’ ko tha’ romed! Mu nanged gadad ma fonow nag fare mo’oniyan’ gubin yay ni ngad fal’eg e pi’nen de riyul’ fa dabi mange puwaen’. Rayog ni ngad dag e pi murnguy rok’ nib yo’or rok e gachalpen nib yul’yul’ rok Yesus Kristus. Pi’in ma awnag e gapas nima gelnag e mo’oniyan’.
Ere chiney gadad ra manged e tamilang nib riyul’ udakaen e buruy—e tamilang dabiyag ni nge mith.23 Ere chiney gadad ra daged bay e rogon nib gapas, fel’ ni ngad fulweg e magawon nib mo’omaw’ nge e rogon nib tamilang nag nira fal’eg e tugthin rodad. Napan ni ngam daged e t’ufeg rok’ e gachelpen ku Yesus Kristus, fare Somoel nira ga’nag e ngongol’ romed ko rogon ni gamed be tafney.
Fare gospel e ir e bay nib ga’ e fan ko fayleng. Got nike pining ni gubin ma dar fek yathin e piʼin nibe yib Ngakʼ, “ni talimor nge wechwech, ni kalbus nge de kalbus, ni pumoʼon nge ppin.”24 Ga’angin e fan ngak e gidii’ ni gubin. Machane, dakuriy bay e tagil’ ko pufthing, gechig, fa togopluw ni demtrug e thilthil.
Pi walageg nib tu’uf rog, dawo’ ni nge yib e pi’nen nib thabi mangil nifan e pi’in ningar ayuweg reb e bee’. Daba’ gube pinningmed ni ngam lemnag marunga’agen e rogon ko galchpen romed nifan e rogon ni ngam ayuweg reb e bee’. Gube tawa’ath nagmed nira fal’eg demtrug e pi’nen ere gamed ra manged nib pii’ athamgil, ma ta’areb e gidii’, nge mang e ya’an woed ni gidii’en Yesus Kristus.
Gube yibliyem ni ngam thilyeg e puwaen’ ko wenig, dabug ko nangfan, nge togopluw ko t’uf.
Got ab fos! Yesus e Ir Kristus. Bay nib sak’iy ni ir lolgen e re Galasia ney. Gadad e ta pigpig Rok’. Ra ayuweg dad ngad mang e pi’in ma awnag e gapas Rok’. Gube micheg u dakean fithngan Yesus Kristus nib thothup, amen.